“Nuk është ndonjë çudi që të besojmë se nuk jemi të vetëm në univers. Unë jam më se i sigurt për këtë, dhe s’ka si të ndodhë ndryshe. UFO-t ekzistojnë” .

35. Stephen Hawking: Alienët ekzistojnë

Sipas Stephen Hawking, fizikantit teorik, një nga shkencëtarët më prestigjioz sot në botë, alienët jo vetëm ekzistojnë, por edhe kanë vëzhguar Tokën prej kohësh. Ndërsa ai argumenton bindjen e tij, shpreh edhe kundërshtinë e kontaktit me tokësorët. Sipas Stephen Hawking njerëzimi nuk duhet të shpenzojë kohë në arritjen e një kontakti, por duhet të shmangë me çdo mënyrë kontaktin me jashtëtokesorët. Sfida e vërtetë nuk është ky kontakt, por të kuptuarit dhe të mësuarit se si mund të jetë paraqitja e tyre. Deklaratat e Stephen Hawking, të bëra kryesisht në emisionet që ai drejton mbi misteret e universit, janë mirëpritur nga ata që besojnë në fenomenin dhe në të njejtën kohë kanë shtangur komunitetin shkencor. Në një farë mënyre Hawking bëhet avokat i atij skenari që është aplikuar prej më shumë se 50 vitesh. Pra, t’i lihet në dorë pakicës për të vendosur për shumicën, justifikon kontrollin e informacionit dhe i jep zë teorisë së ”deleve” që nuk mund të përballojnë çdo lloj sfide që ofron realiteti dhe kanë nevojë për ”barinjtë” që të vendosin për fatin e tyre.

36. Themeluesi i Lockheed Martin pranon që Alienët ekzistojnë

Don Phillips: “E dinim që ekzistonin objekte të kapura në vitin 1947 në Roswell”.

Sipas artikullit të publikuar në numrin e Majit 2010 te Muflon Ufo Journale, Ben Rich, drejtori i përgjithshëm i Lockheed Skunk Works, ka pranuar publikisht në një dëshmi të dhënë pak kohë para se të vdiste në shtratin e tij, se jashtëtokësorët janë realë dhe se ushtarakët amerikanë udhëtojnë nëpër yje.

Ajo që ka thënë mund të tingëllojë si diçka e re, por kjo dëshmi në fakt është dhënë më parë se të vdiste, në Janar të vitit 1995. Deklaratat e tij kanë shërbyer për të shtuar besimin në raportet që thonë se ushtarakët amerikanë kanë në dispozicion objekte fluturues që imitojnë ato aliene.

Artikulli është shkruar nga Tom Keller, një inxhinier aerohapsinor që ka punuar si analist i sistemeve informatike për Laboratorin e Jet Propulsion në NASA.

Ai shkruan:

Në Skunkworks (Enti për kërkimin dhe zhvillimin e projekteve sekrete të NASA-s), ishim një grup i vogël tepër kompakt i përbërë nga rreth 50 inxhinierë dhe projektues veteranë dhe nga rreth 100 makinistësh ekspertë dhe punëtorë të tjer. Detyra jonë ishte ndërtimi i objekteve fluturuesë të avancuar teknologjikikisht dhe me dimensione të vogla, por me cilësi të lartë për misione top secret.

Tashmë ne disponojmë mjetet për të udhëtuar midis yjeve, por këto teknologji qëndrojnë të mbyllura në sirtarët e projekteve të errëta dhe do të duhej ndërhyrja e Zotit për t’i nxjerrë prej aty dhe të perdoreshin për të mirën e njerëzimit. Gjithëçka që ju mund të imagjinoni, ne dimë se si ta bëjmë.

Tashmë ne kemi teknologjinë për të shkuar direkt ku banojnë jashtëtokësorët. Jo, nuk do të duhet një jetë për ta bërë këtë. Ka një gabim në ekuacion. Ne e dimë se kush është ky gabim. Tani kemi mundesinë të udhëtojmë në yje. Duhet të dini që nuk do të pushtojmë yjet duke përdorur shtytjen apo përbërjen kimike. Gjithashtu duhet të zhvillojmë një teknologji të re shtytjeje. Ajo që duhet të bëjmë, është të zbulojmë se ku ka gabuar Ajnshtajni”.

“Besoj se së shpejti vëzhgimet e UFO-ve tokësore do të jenë baraz me vëzhgimet e atyre jashtëtokësore.” – John Andrews.

Kur e pyetën Rich se si funksiononte teknologjia e UFO-ve, ai tha: “Më lejo të të pyes: Si funksionon ESP?”.

Intervistuesi u përgjigj: “Të gjitha pikat e hapësirës dhe kohës janë të lidhura me njëra-tjetrën”.

Rich tha: “Pikërisht!”.

Ish drejtori i përgjithshëm i Lockheed, Ben Rich, dinte për jashtëtokësorët.

Ish drejtori i përgjithshëm i Lockheed Skunk Works e dinte se UFO-ja jashtëtokësore që ra në Roswell influencoi modelet që krijoheshin për objektet top secret të SHBA-ve. Sipas një raporti të CNI News i Michael Lindemann, banues në Colorado, informacionet e projektimit u përfituan nga ilustrimet hetimore dhe nga dëshmitë e dëshmitarëve të shumtë të pyetur nga William L. “Bill” McDonald.

Në një e-mail të datës 29 qeshor 1999, e drejtuar tek Lindemann, McDonald sjell një pjesë nga biseda me Harold Puthoff, themelues i programit, “shikimi në largësi” në SHBA.

McDonald thoshte: “Mirë Hal, vetë e kerkove! Tani që inxhinieri legjendar dhe drejtuesi i dezajnerëve të modeleve të Testor Corporation ka vdekur, mund të them se ai ka pranuar personalisht lidhjen e projektimit midis UFO-s jashtëtokësore të Roswelitit dhe Avionëve Luftarakë Ajrorë pa pilotë (Unmanned Combat Air Vehicles – UCAV)), ose ndryshe avionët spiunë, të Joint Strike Fighters, prodhuar nga Lockheed Martin dhe avionët Space Shuttle.

Andrews ishte një mik i ngushtë me Ben Rich, drejtor i Skunkworks – pasardhës i themeluesit Kelly Johnson, i famshëm per F-117 Nighthawk “Stealth” fighter dhe F-19 Stealth Interceptor. Para se Rich të vdiste nga kanceri, Andrew i bëri pyetjet e mia.

Dr Ben R. Rich ish drejtor i Skunk Works ne Lockheed pranoi se:

1 – “Ekizstojnë dy tipe UFO-sh – ata që kemi realizuar ne dhe ata që ata nxjerrin në fluturim. Një pjesë të njohurive tona e kemi marrë nga ato që kemi gjetur në vendin e përplasjeve dhe kemi marrë disa dhurata. Qeveria dinte gjithçka dhe që prej vitit 1969 ishte pjesë aktive në ruajtjen e këtij informacioni. Pas “pastrimit” të realizuar nga Nixon çështja u mor nën administrimin e një zyre drejtuesish ndërkombëtarë të sektorit privat”.

2 – “Gati të gjitha projektet aerohapesinore, “Biomorfike”, ishin të frymëzuar nga anija kozmike e gjetur në Roswell, duke filluar prej Blackbird SR-71, ndërtuar nga Kelly, deri tek dronët aktualë, UCAV dhe objektet hapësinore”.

3 – Mendimi i Ben Rich ishte që publikut nuk duhej treguar mbi UFO-t dhe jashtëtokësorët. Mendonte se nuk mund të kontrollonte dot të vërtetën. Vetëm gjate muajve të fundit të jetës së tij filloi të besonte se “grupi ndërkombëtar i drejtuesve”, që administronin “subjektin” në fjalë, mund të ishte një problem shumë më i madh për lirinë e njerëzve se sa prezenca apo vizitat e jashtëtokësorëve në Tokë.

Lindemann shton se: “Bill McDonald i mori këto informacione nga Andrews që nga viti 1994 deri en fund të telefonatave të tyre për Krishltindjen e 1998-s”. Lindemann nënvizon gjithashtu se: “Duhet të kemi parasysh se Dr. Ben R. Rich prezantoi në konferencën publike të inxhinierëve dhe projektuesve aerohapësinorë të vitit 1993 para se të rëndohej sëmundja e tij dhe në atë rast pranoi, në prezencë të drejtorit të MUFON në Orange Country, Jan Harzan dhe shumë të tjerëve, se: “Ne, ose ndryshe, kompleksi ushtarak/industrial i SHBA-së, dispononim teknologjinë për të udhëtuar mes yjeve”.

Don Phillips, ish-USAF, inxhinier projektues për Lockheed Skunkworks dhe kontraktor i CIA-s, pranon se: “UFO-t janë realë”.

Don Phillips: “UFO-t ishin të mëdhenj dhe mund të fluturonin përpara dhe bllokoheshin papritur dhe ktheheshin me 60, 45 dhe 10 gradë dhe më pastaj të riktheheshin mbrapsht menjëherë”.

Gjate uljes së misionit Apollo, Neil Amstrong tha: “Jam këtu. Ata janë pikërisht nga ana tjetër dhe duke parë dimensionet e anijeve të tyre është e kuptueshme që atyre nuk u vjen mirë që ne zbarkuam këtu”.

“Kur punoja me Kelly Jonson ne Skunkworks, firmosëm një akord me Qeverinë në të cilin deklaronim se do të ruanim sekretin mbi këto fakte”.

“Kërkimi mbi antigravitetin po përparonte. E dinim që ekzistonte një objekt i kapur në vitin 1947 në Roswell, ata ishin realë. Dhe ne kemi kopjuar teknologjinë e tyre. Dhe e bëmë që të funksiononte. Të gjithë njiheshim me njëri-tjetrin nëpërmjet asaj që quanim industri e padukshme. Mund ta quajmë edhe si të zezë, shumë të errët, ose të fshehur.

Njohja që kam mbi këtë teknologji vjen nga anija që është kapur këtu. Nuk e kam parë anijen dhe as trupat, por patjetër që njoh personat që i kanë parë. Nuk kishte asnjë dyshim që bëhej fjalë për qenie të ardhura nga jashtë planetit tonë. Këta JT (Jashtë Tokësorë ose ET) janë të rrezikshëm? Nëse do të ishin, me armët që disponojnë mund të na kishin shkatërruar shumë kohë më parë.

Ne morëm teknologjinë që frymëzoi mjetet për skanimin e trupit për të përcaktuar sëmundjet ose problemet dhe në çfarë kushtesh gjendesh. Mund edhe të kurohemi nga këta skanerë.

Mund t’ju garantoj personalisht se kemi punuar mbi ta dhe kemi disa versione që mund të diagnostikojnë dhe kurojnë kancerin. Një prej qëllimeve që kisha kur themelova shoqërinë time më 1998 ishte ajo të vazhdoja punën në këto teknologji të cilat mund të pastronin ajrin dhe ta lironin nga toksinat dhe të ndihmonin në uljen e nevojës për energji djegëse fosile. Po, ka ardhur koha. Mund t’ju them se tashmë e gjitha kjo ka filluar”.

37. Ish drejtori i NASA-as, Ken Johnston, afirmon që në Hënë gjenden qytete aliene

Ken Johston, ish-drejtor i Aeronautikës Kombëtare dhe Administratës së Hapësirës dhe mbikëqyrës i fotografive të Departamentit të NASA-s, i cili gjithashtu ka punuar për Laboratorin Lunar gjatë misioneve Apollo, u shkarkua vetëm se ka thënë të vërtetën.

Ken Johnston thotë se NASA ka zbuluar në Hënë qytete të lashta të huaja dhe makineri, pararoja të teknologjisë, madje nëpër disa nga tregimet e astronautëve, thonë që një pjesë e kësaj teknologjie, sipas tyre, mund të jetë në gjendje për të manipuluar gravitetin.

Ai thotë se agjencia kishte urdhëruar për t’i mbuluar këto fakte dhe asgjë të mos dilte në media pa pëlqimin e tyre. Gjatë 40 viteve të fundit shkencëtarë të tjerë, inxhinierë dhe teknikë kanë akuzuar NASA, se i fsheh dhe i errëson të dhënat e mbledhura gjatë misioneve të hapësirës.

Numri në rritje i akuzave kanë dalë nga fakti se (NASA) ka fshehur disa informacione në lidhje me objekte hapësinore anormale dhe ka gënjyer në lidhje me praninë e objekteve të zbuluara në Hënë dhe Mars, duke mbuluar deri edhe provat e gjurmëve të jetës, të raportuara nga Landers Viking në vitin 1970. Një tjetër ish-punonjës i NASA-s, Donna Hare, akuzoi NASA, se ka fshehur mijërat e fotografive gjatë viteve.

Sipas Johnston, astronautët e Apollove kishin sjellë dëshmi fotografike të sendeve të gjetura gjatë veprimtarisë në Hënë. Johnston, në referencë me atë që NASA kish urdhëruar atë për të shkatërruar këto imazhe gjatë punës në Laboratorin '”Jet Propulsion Laboratory'” (JPL Jet Propulsion), e kish refuzuar një urdhër të kësaj natyre. Pas zbulimit të informacionit për shtypin, Agjencia e kish pushuar nga puna.

Në një njoftim për shtyp, Kay Ferrari, i programit JPL në Afrikën sub-Sahariane, kishte raportuar se Johnston u detyrua të jap dorëheqjen e tij, sepse ai e kishte kritikuar publikisht kompaninë për të cilën ai kish punuar.

Me sa duket, disa objekte të mëdha në një bazë hënore,në anën tjetër të Hënës, janë fakte ku janë mbështetur teoritë e Johnston.

Siç u përmend më lart, Ken Johnston nuk ishte i vetmi person që ka denoncuar fshehjen e manovrave të NASA-s. Shkencëtari i cili kishte ndjekur përvojën në bordin e sondës Viking për të zbuluar gjurmë e jetës në planetin Mars në vitin 1976, vazhdon të sulmojnë agjencinë amerikane të hapësirës. Gilbert Levin thotë se eksperimenti i tij biologjik kishte arritur që të provojë ekzistencën e jetës në Mars.

Nuk janë vetëm këta shkencëtarë e punonjës që akuzojnë NASA-n, por janë me dhjetëra e qindra punonjës të agjencisë së hapësirës, që akuzojnë për fshehje provash nga NASA.

Nëpërmjet një fotoje tjetër të diskutueshëme të NASA-s, ish-punonjësi Donna Hare, kishte akuzuar agjencinë për errësimin e mijëra fotografive gjatë viteve, duke deklaruar se agjencia hapësinore kishte hequr anomali në disa imazhe shqetësuese. Gjatë periudhës që ai ka punuar në NASA, Donna Hare ishte një specialist e teknik fotografie.

Shërbimet e tij janë njohur me Çmimin Award (Apollo Arritja Skylab 1969) një çmim dhe një medalje për shërbim të meritueshme, në të cilat përfshihen misionet e përbashkët amerikano-ruse të hapësirës Soyuz-Apollo.

38. Astronomi Eamonn Ansbro: Anijet aliene fluturojnë rreth Tokës

Astronomi Eamonn Ansbro, kërkues dhe studies shumë i famshëm dhe shumë i njohur në kërkimet mbi jetën jashtëtokësore, ka deklaruar se ka provat e “anijeve aliene që fluturojnë rreth Tokës“. Nuk kemi të bëjmë në këtë rast me një deklaratë të një personi të panjohur, apo të një sharlatani në kerkim të famës, por të një anëtari të Shoqërisë Astronomike Mbretërore që në të kaluarën ka qenë dhe Zv. President i Shoqatës Ndërkombëtare të Astrofileve. Faqja web IrishCentral shpjegon se në 20-të vitet e fundit Ansbro u është dedikuar me mish dhe shpirt kërkimeve mbi ekzistencën e jetës jashtëtokësore. Ansbro është ligjërues në shumë konferenca anembanë botës, përfshirë këtu edhe subjekte shumë të rëndësishme dhe të nderuara, siç është Qeveria Franceze. Edhe pse puna e tij mund të duket e çuditshme, ai këmbëngul se studimet e tij kryhen sipas “kritereve shkencore”. Ansbro bën pjesë gjithashtu në një grup shkencëtarësh të mbledhur nën siglën OSETI (Optical Search for Extra-Terrestrial Intelligence).

Mendimi i tij është sintetizuar shumë mirë në një intervistë të dhënë në faqen “Roscommon Herald”, të martën më 19 Prill 2011, në të cilën Ansbro ka deklaruar se: “Anije të veçanta aliene përshkojne orbita të caktuara përreth Tokës“. Ansbro thotë se nuk mund të dëshmohen akoma provat e mbledhura prej tij në komunitetin shkencor për arsye resursesh, por që është i bindur se ka të drejtë.

Në qytetin e tij të lindjes, Boyle, Ansbro ka vënë në punë një “foto-kamerë në qiell të hapur” për të vëzhguar të gjithë hemisferën gjatë gjithë kohës. Makina fotografike stërmadhe, e vetëprodhuar, është e përbërë nga 11 telekamera regjistrimi, dhe dallon çdo gjë që lëviz në mënyrë të pazakonshme.

39.Alienët dhe UFO-t ekzistojnë, por NASA i fsheh

Një ish astronaut i NASA-s i cili ka ecur në planetin Hënë, gjatë misionit të tij atje vite më parë, thotë se alienët nuk janë vetëm të vërtetë, por e kanë vizituar tokën disa herë.

Dr Edgan Mitchell, thotë se është shumë i bindur se shumë UFO kanë vizituar tokën gjatë karrierës së tij si astronaut. 77 vjeçari, i cili ka qenë pjesë e ekuipazhit të misionit Apollo 14, tha se burimet në agjencinë hapësinore, NASA, na i kanë përshkruar alienët si “njerëz të vegjël të çuditshëm për ne”, por asnjëherë nuk kanë pranuar se ata kanë vizituar Tokën. Dr Mitchell ka thënë për Radio Kerrang se teknologjia njerëzore nuk “është aq e sofistikuar” si e Alienëve dhe nëse ata do të ishin armiqësor “ne nuk do të jetonim më”. Ai tha: “Nuk është ndonjë çudi që të besojmë se nuk jemi të vetëm në univers. Unë jam më se i sigurt për këtë, dhe s’ka si të ndodhë ndryshe. UFO-t ekzistojnë” .

“A mund t’i identifikojmë ku janë këto UFO dhe këto planete të tjerë me jetë? Jo, sigurisht, pasi nuk janë në sistemin tonë Diellor, por ne kemi arritur të identifikojmë një numër të madh planetësh që mund të kenë jetë ashtu si edhe në Tokë.

“Mendoj se jemi të privilegjuar që jemi një planet i vizituar nga këto qenie jashtëtokësore dhe se fenomeni UFO është shumë real”.

“Unë kam qenë pjesë e qarqeve ushtarake dhe inteligjente, të cilët e dinë shumë mirë se ne jemi vizituar nga UFO-t por nuk e kanë publikuar këtë gjë. Kohët e fundit po shoh disa përpjekje për publikim, megjithese shumë tv vakta”.

Dr Mitchell, së bashku me komandantin e Apollo 14 Alan Shepard, mbajnë rekordin për udhëtimin më të gjatë në hënë prej 9 orësh e 17 minutash, qe ka pasur misionin e vitit 1971 në Hënë. Zyrtarë nga NASA, i hodhën poshtë komentet e tij sa i përket vizitës së UFO-ve në Tokë.

Në një deklaratë, një zyrtar tha: “NASA nuk gjuan UFO-t. Deri më sot nuk ka arritur të gjejë asnjë provë për jetën aliene në këtë planet ose kudotjetër në univers”.

“Dr Mitchell është një amerikan i madh, por ne nuk ndajmë të njëjtin opinion për këtë çështje”.

Fund i pjesës së katërtë

Nga libri në dorëshkrim "UFO-t dhe lufta e Dulçes"

(1) (2)