Timothy Good, në librin e tij “sekretin e madh”, shpreh habinë përse e vërteta e ekzistencës së alienëve vazhdon të konsiderohet si një sekret i madh, kur me miliona persona tashmë kanë parë ose kanë patur kontakte personale me ta, duke konfirmuar njëkohësisht edhe synimet paqësore të jashtëtokësorëve.

25. Për dhe Kundër ekzistencës së jetës tjetërkund

Në fjalorin e shtëpisë për gjuhën angleze, përkufizimi i fjalës “jete” figuronte kështu:

”Jeta është kushti që dallon kafshët dhe bimët prej objekteve inorganike të organizmave të vdekur, i manifestuar nga rritja nëpërmjet metabolizmit, riprodhimit dhe fuqisë së përshtatjes me ambientin rrethues, përmes ndryshimeve të brendshme”. Nëse jeta interpretohet dhe pranohet kështu, atëherë jeta në planete të tjera nuk ka pse të jetë “jetë ashtu si e njohim”. Sigurisht, jeta ka vetinë të përshtatet me çfarëdo kushtesh brendësisht të gjeneruara.

Çështja KUNDËR jetës tjetërkund:

Me gjithë kërkimet që u përkasin ufologjisë, ka gjithnjë dy anë ku mund të mbështetet hetimi dhe teoria.

Kohët e fundit dy profesorë në Universitetin e Washingtonit, Peter Ward, me kredenciale të jashtzakonshme në paleontologji dhe Donald Brownle, një astronom i famshëm, bashkë-autorizuan një libër, (shtëpia butuese, Copernicus Books), të titulluar, “Rare Earth”, Why Complex Life is Uncommon in the Universe) (“Tokë e rrallë”, Pse jeta komplekse është e pazakontë në Univers). Ata i bazuan gjetjet e tyre në një studim se si jeta u formua në planetin tonë dhe si disa gjëra duhet të ndodhnin në kohë dhe mënyrë specifike, që jeta të evolonte për miliarda vjet. Ata tregohen shumë të kujdesshëm mos të përjashtojnë jetën në planete të tjerë si mundësi, por pohojnë se jeta mund të ekzistojë në formë mikrobesh dhe jo më tepër.

Disa nga arsyet që ata japin për vëzhgimin e tyre vijojnë si më poshtë:

- Hëna jonë stabilizon aksin e Tokës dhe ndihmon në kontrollin e klimës.

- Vendndodhja e Sistemit tonë Diellor në galaktikën tonë parandalon ekspozimin e tepërt prej diellit tonë.

- Shumë yje në univers janë më të vegjël se dielli ynë dhe planetëve do tu duhej të orbitonin më afër diejve të tyre për të marrë ngrohtësinë e nevojshme.

- Meqenëse orbita e Jupiterit është në të njejtin plan diellor si Toka jonë, na mbron nga goditjet prej objekteve ndërplanetarë si asteroidet apo meteorët.

- Prania e vetem 1 dielli në sistemin tonë, bën të mundur qëndrueshmërinë më të madhe të qarkullimit të Tokës në orbitën e saj.

- Largësia jonë nga dielli është e tillë që të formohen dhe mbahen atmosfera dhe uji i lëngshëm.

Kështu, këta dy profesorë, pa patur faj, hedhin supozime të bazuara mbi të vetmin planet në të cilin dimë se ekziston jetë inteligjente, Tokën tonë.

Çështja PËR jetës tjetërkund:

Në librin e lartpërmendur, “Rare Earth” (“Tokë e rrallë”), ekuacioni i Frank Drake është marrë për supozimet. A nuk supozojnë këta dy autorë se jeta do të duhej të zhvillohet në të njejtën mënyrë si në Tokë, përderisa kjo është gjithçka ku ata mund të bazojnë informacionin?

Ekuacioni i Drake ( N = N* fp ne fl fi fc fL) u zhvillua në vitin 1961 dhe është gjithashtu i bazuar në punë me hamendje, por sa më shumë të mësojmë rreth universit, aq më të sakta do të bëhen rezultatet e nxjerra nga ky ekuacion.

Bazuar në ekuacionin e Drake, kjo që vijon besohet të jetë mjafte e saktë:

Numri i yjeve në galaksinë tonë është mbi 200 miliardë.

Gjithashtu, në ekuacion përdoret numri i yjeve që duhet të kenë sisteme planetare, sa prej këtyre planetëve do të mbështesnin jetë, dhe në sa prej këtyre plantëve jeta do të evolonte në një jetë inteligjente.

Programi ynë hapsinor dhe ato të kombeve të tjerë kanë dërguar sonda nëpër sistemin tonë diellor, dhe pa llogaritur arritjet, ata kërkojnë të gjejnë jetë në planetet ngjitur me tonin. Teleskopi Hubble na ka dhënë pamje nga objekte që vetëm disa vite më parë askush prej nesh nuk mendonte se do shihnim. Shumë prej nesh do të donin të dinin (dhe ndoshta edhe shpresonin), që nuk jemi të vetmet qenie në univers. Megjithatë, dituria jonë është aq e kufizuar, sa jemi akoma duke kërkuar ”fqinjët” tanë për një informacion të tillë.

Jemi të veçantë për pozitën tonë në këtë planet, në tonë sistemin diellor, në galaksi dhe në univers, gjë që ka pasur një efekt vital në banimin e tij.

26. UFO-t komandojnë satelitin e NASA-s

Hulumtuesi i njohur i UFO-ve, gjermani, Hartwig Hausdorf, thotë se anijen kozmike të NASA-s, “Voyager 2” e kanë rrëmbyer jashtëtokësorët dhe tashmë ata po përpiqen të kontaktojnë me Tokën.

Ufologu beson se “Voyager 2”, anija kozmike pa ekuipazh e cila është dërguar në hapësirë, ka filluar të përcjellë sinjale të çuditshme dhe të panjohura, me siguri është në duart e jashtëtokësorëve, shkruan gazeta gjermane “Bild”.

Muajin e kaluar sonda filloi të dërgojë prapa porosi të çuditshme nga fundi i sistemit diellor, ndërsa këto sinjale ekspertët e NASA-s ende nuk i kanë deshifruar, shprehet Hausdorf.

27. A po i fshehë NASA Alienët e Hënës

Imazhet u morën nga “Nasa Lunar Reconnaissance Orbiter” e cila ështe sjellur rreth hënës për shtatë vjetët e fundit, shkruan Daily Mail.

Gjuetarët e alienëve publikuan një seri fotosh të shkrepura nga sateliti që e shfaqë nga kënde të ndryshme një objekt në formë disku.

Ata shtuan se një imazh e kapë objektin në formë disku në qiellin mbi hënën, duke sugjeruar se ajo strukturë mund të jetë bazë mobile e jashtëtokësorëve.

Ata kanë thënë se ky trekëndësh në formë perfekte tani është zhdukur në mënyrë misterioze.

Nigel Watson, autori i doracakut hulumtues për UFO tha për Mail Online:

“Imazhet që tani pohohet të jenë prova të strukturave artificiale në sipërfaqen hënore nuk janë aq mbresëlënëse, sepse mund të shpjegohen si të shkaktuara nga strukturat natyrale dhe mënyrën se si janë ndriçuar nga dielli.”

Por kanali rival i SecureTeam10, Lions Ground nuk janë të lumtur për këtë, dhe thanë se shumë video të SecureTeam10 janë duke e dëmtuar hulumtimin “real” mbi jashtëtokësorët.

Atë objekt të parë në foto, Heathcliff, pronari i Lions Ground tha se s’ështe asgjë më shumë se grumbull uji i ngrirë.”

“E vetmja gjë që ata e kanë dëshmuar është mungesa e hulumtimit”, përfundoi ai.

28. Shkencëtarë kinezë zbulojnë se pas kometës Elenin fshihet një anije aliene

Duke u bazuar mbi raportin e Agjencisë Hapësinore Kineze, shkencëtari argjentinas Sergio Toscano , drejtor i kërkimeve astronomike në Missiones Astronomical Center (Argjentinë), thotë se pas kometës Elenin ka shumë mundësi që të fshihet një UFO .

“Prapa kometës, e zbuluar në 10 Dhjetor 2010, nga shkencëtari rus Leonid Elenin, shkencëtarët kinezë thonë se gjendet një grumbull, ose ndryshe një përqëndrim globular , ose ndoshta një anije kozmike aliene” thotë Toscano .

Sipas informacionit të dhënë nga misioni astronomik, trupi qiellor gjendet në bisht të kometës dhe është zbuluar pasi janë kapur sinjale misterioze që vinin nga një formacion “i çuditshëm dhe i errët”.

Por ka akoma më shumë. Sipas fjalëve të Toscano, shkencëtarët kinezë kanë thënë se anija aliene është e “parkuar” në të njejtin pozicion prej 90 ditësh, “përpara se të kuptohej që vinte nga një qytetërim jashtëtokësor“, ka deklaruar shkencëtari argjentinas.

Sipas të perditshmes Chronicle , ky fenomen është konfirmuar edhe nga Rosie Redfield (prof. në British Columbia), drejtore e re e Programit të Astrobiologjisë në NASA . “Por kur NASA filloi të merrej seriozisht me përpunimin e të dhënave dhe të llogariste orbitën e saktë, atëherë filluan të kuptonin se diçka nuk shkonte dhe gjëja e parë që NASA bëri ishte të eliminonte faqen web që kishte dhënë këtë informacion kaq të rëndësishëm dhe tronditës “, tha Toscano.

29. Sonda kozmike Vojaxher 2, dërgon në Tokë sinjale të padeshifrueshme dhe të padëgjuara më parë

NASA - “Alienët kanë tentuar të sulmojnë një anije kozmike të NASA-s, duke u munduar më pas për të kontaktuar me Tokën”, ka theksuar një ekspert gjerman.

Hartvig Hausdorf, bën të ditur se anija kozmike Vojaxher 2, e cila është një sondë pa ekuipazh dhe që është lëshuar në hapësirë 33 vjet më parë, ka nisur të transmetojë sinjale të çuditshme mjaft të vështira për tu deshifruar.

NASA ka instaluar brenda anijes në fjalë, disqe nga 12 centimetra secili të cilët transmetojnë muzikë dhe përshëndetje në 55 gjuhë të botës me rastin e kërkimit të jetës jashtëtokësore deri tani të pagjetur.

Por muajin a kaluar, sonda kozmike ka nisur të dërgojë mesazhe të çuditshme nga pozicioni i saj i afërt në bordin e sistemit diellor të përqendruar nga shkencëtarët, mesazhe të cilat nuk janë mundur të deshifrohen.

Sipas së përditshmes gjermane Bild, “dukej sikur dikush të kishte drejtuar apo riprogramuar sondën kozmike, duke bërë që ne ende të mos dimë asgjë për të vërtetën. “Vojaxher 2 i duhen 13 orë për të dërguar sinjalin në Tokë, ka ndryshuar komplet programin e tij më 22 Prill. NASA bën të ditur se inxhinierët përkatës janë duke punuar për të zgjidhur gabimin në transmetimin e të dhënave.

Agjencia kozmike nuk ka komentuar në përgjithësi mbi deklaratën e bërë nga vetë Hausdorf, por ka shtuar se gabimi duhet të jetë diçka teknike në memorien e Vojaxher 2 dhe në kompjuterin binjak të sondës Vojaxher 1, të cilët janë lëshuar në hapësirë që prej vitit 1977 për të zbuluar të dhëna mbi Saturnin, Uranin dhe Neptunin.

Janë pikërisht këto objektet më të mëdha të lëshuara dhe me një kohë më të gjatë në hapësirë nga njeriu. Vojaxher 1 është aktualisht me tepër se 8.5 bilion milje larg nga Toka. Madje shumë shpejt do të duhet të udhëtojë edhe drejt heliosferës, një zonë rrezatimi që ndodhet rreth sistemit tonë diellor.

30. NASA ka marre nje S.O.S Alien të vjetër 80.000 vjet!

Së fundmi Ministria e Mbrojtjes e Britanisë ka bërë publike dokumenta të reja sekrete që ndodheshin në arkivat kombëtare. Është interesante të vëmë re se pikërisht një prej këtyre dokumentave në veçanti po bën jehonë në të gjithë botën, me përshkrimin se si NASA kishte kapur dhe deshifruar një sinjal ndihme SOS me bazë matematikore, sinjal që vinte nga një planet që ndodhej jashtë Galaksisë tonë.

Sinjali u zbulua në Janar të vitit 1998, por u deshën shumë muaj para se ky sinjal të deshifrohej nga shkencëtarët. Por gjithçka duket se ka kaluar në heshtje.

Ekspertët e NASA-s konfirmojnë të kenë kapur një sinjal ndihme që vjen nga hapësira intergalaktike, nga një qytetërim alien që kishte arritur tashmë maksimumin e zhvillimit të tij.

SOS-i i vjetër 80.000 vjet, u kap dhe u regjistrua në shirit magnetik në fund të Janarit 1998. Por vetëm në javët e fundit radio astronomët dhe ekspertët kanë gjetur çelësin për gjuhën e ndërlikuar me bazë matematikore, që u mundësoi atyre përkthimin e motivit të kërkimit të ndihmës në mënyrë frenetike.

Shtypi botëror ka qëndruar në një heshtje të dyshimtë rreth mesazhit të habitshëm, edhe pse priten të publikohen ende analiza dhe relacione shkencore të gjata në dy revista të specializuara, Radio Astronomy dhe Universe. Sipas një burimi të rëndësishëm nga NASA në Houston, shkencëtari hapësinor rus Victor Yulakow po drejton një kërkim për Kombet e Bashkuara nga një observator shtetëror që gjendet 50 milje në veri-perëndim të Moskës.

Dr. Kulakov tregon se sinjali vinte nga një pikë përtej galaktikës më të afërt me tonën – Andromeda, dhe ishte dërguar nga krijesa që me sa duket kishin arritur një qytetërim më të avancuar se sa i yni në Tokë.

“Fakti i thjeshtë që kapëm dhe deshifruam mesazhin provon, jashtë çdo dyshimi, që njohuritë dhe teknologjia e tyre ishin, në hipotezën më të mirë, të afërta me tonat”, shpjegoi Kulakov. “Dhe ndërsa përpara nesh kemi akoma shume vite studim, mund të them me siguri se fundi i qytetërimit të tyre nuk ishte si rezultat i ndonjë katastrofe kozmike. Ishte rezultat i vetë atij qytetërimi, që u shkatërrua me armë bërthamore të tmerrshme”.

Dr. Kulakov ka refuzuar kategorikisht t’i japë njërës prej dy revistave një transkriptim të mesazhit, por tha që mesazhi fillonte me shprehjen, “Na ndihmoni”, dhe vazhdonte me dhënien e koordinatave se ku gjendej planeti.

Ishte një tregim absolutisht i qartë i shkatërrimit apokaliptik, shpërthime të tmerrshme, të vdekur dhe sëmundje vdekjeprurëse”, tha ai. “Një shi meteorësh? Ndoshta. Por ajo që kuptohej nga mesazhi ishte vetëm një ndjenjë, pranimi i ndjenjës së fajit. Ishte sikur dërguesit e mesazhit e ndjenin veten fajtor për atë çka u ndodhte”.

“Çfarëdo gjëje që të ishte, me sa duket nuk kishin mjete për të shpëtuar njerëzit e mbetur. Një udhëtim në hapësirën interplanetare ishte në dispozicion të tyre, por vetëm në një numër të kufizuar. Mesazhi është shumë i qartë për faktin që ishin të bllokuar në botën e tyre”, përfundoi Dr. Kulakov.

31. Misteri i UFO-ve dhe shpjegimet shkencore

Nuk ka dyshim se disqet fluturues të njohura si UFO, objekte fluturuese të paidentifikuara [Unidentified Flying Objects] ekzistojnë – shumë njerëz shohin gjëra në qiell që nuk mund t’i identifikojnë, duke i renditur nga avionët te meteorët.

Nëse këto objekte dhe drita janë ose jo anije jashtëtokësore, kjo është një çështje tjetër. Duke i dhënë distancat fantastike dhe përpjekjet e përfshira në ardhjen në Tokë nga universi, një skenar i tillë duket i pabesueshëm.

Edhe pse hetime të kujdesshme kanë zbuluar shkaqe të njohura për raportet më të para, disa incidente UFO-sh do të mbeten gjithnjë të pashpjeguara. Raportime për fenomene të pazakontë ajrorë datojnë që në kohët e lashta (disqe fluturuese në piktura shpellash në Hunian 47.000 vjet para Krishtit. Në jug të Francës 20.000 vjet para Krishtit etj.), por raportimet e shikimit të UFO-ve nisën të bëheshin më të zakonshëm pasi u reklamuan gjerësisht në Shtetet e Bashkuara në vitin 1947.

Që prej asaj kohe janë raportuar me dhjetëra mijëra raste. Një shkencë e re me emrin Ufologji merret me përpjekjet kolektive të atyre që studiojnë raportet mbi UFO-t dhe provat e shoqëruara. Edhe pse Ufologjia nuk përfaqëson një program akademik kërkimi, UFO-t kanë qenë subjekt i shumë hetimeve gjatë viteve.

Gjatë zbritjes së një disku fluturues në korrik të viti 1952 , i parë me imazhe nga radarë mbi Uashington, FBI-ja u informua nga inteligjenca e drejtorisë së forcave ajrore. Ata mendonin se “disqet fluturuese” nuk ishin as iluzione optike e as fenomene atmosferike, por ata shtuan se disa oficerë ushtarakë po konsiderojnë seriozisht mundësinë e anijeve ndërplanetare. CIA nisi shqyrtimin e brendshëm shkencor ditën tjetër.

Disa shkencëtarë të CIA-s po i konsideronin seriozisht si jashtëtokësorë. Përkrah vëzhgimeve të imazheve, rastet ndonjëherë kanë edhe prova fizike (kontakte me radarë ose fotografi , gjurmë të uljes së anijes, interferenca elektromagnetike dhe efekte fiziologjike dhe biologjike) duke përfshirë shumë raste të studiuara nga ushtria.

Statistikat e përpiluara nga studimet e forcave ajrore të Shteteve të Bashkuara nga 1947 deri në 1970, kanë zbuluar se epërsia e fortë e vëzhgimeve të identifikuara vinte si pasojë e keqidentifikimeve, mashtrimeve dhe nga këto, tregimet jonormale përbënin një përqindje të vogël të të gjithë rasteve.

Shumë vëzhgime të UFO-ve janë ngjarje kalimtare dhe zakonisht nuk ka asnjë mundësi për përsëritjen e testit nga metoda shkencore. Pavarësisht këtyre, shumë raste mbeten të pashpjeguara.

32. Tre takimet e presidentit Eisenhower me Alienët

Ish-Presidenti i SHBA-ve, Dwight D.Eisenhower, pati tre takime sekrete me alienët, pretendon një zyrtar që shërbeu si këshilltar i tij përgjatë dy mandateve, në vitet 1953-61.

Presidenti i 34-të në historinë amerikane u takua me jashtëtokësorët në një bazë ajrore të largët në Nju Meksiko në vitin 1954, zbulon Timothy Good, në një libër që rrëfen “sekretin e madh”.

Sipas tij, Presidenti dhe zyrtarët e FBI-së organizuan takimin me krijesat e përparuara, nëpërmjet dërgimit të mesazheve telepatike.

Ndonëse dëshmitarët ishin të shumtë, sipas Good ata u betuan të ruanin sekretin shtetëror dhe ndikimi i CIA-s dhe FBI-së ka ndihmuar në mosdaljen e së vërtetë në dritë.

Më pas, kanë ndodhur edhe dy takime të tjera midis Presidentit dhe alienëve, pretendon Good, një ish-këshilltar i Kongresit dhe Pentagonit.

Duke folur në një program të BBC-së, ai pretendoi se “qeveritë e ndryshme nëpër botë dhe njerëz të shumtë kanë vendosur kontakte formale apo informale me jashtëtokësorët”.

Eisenhower, një gjeneral gjatë Luftës së Dytë Botërore, është i njohur për pikëpamjet e tij liberale mbi ekzistencën e formave të tjera të jetës në galaksi.

Megjithatë, Good pranoi se nuk është në dijeni të përmbajtjes së bisedave midis Uashingtonit zyrtar dhe “ambasadorëve” alienë.

Ai përfundoi intervistën e tij duke shprehur habinë përse e vërteta e ekzistencës së alienëve vazhdon të konsiderohet si një sekret i madh, kur me miliona persona tashmë kanë parë ose kanë patur kontakte personale me ta, duke konfirmuar njëkohësisht edhe synimet paqësore të jashtëtokësorëve.

33. Ish presidenti Clinton: Nuk do të isha i befasuar nëse na vizitojnë UFO-t

Ish presidenti amerikan, Bill Clinton, thotë se ai nuk do të ishte i befasuar nëse alienët do të na vizitonin një ditë.

I ftuar në “Jimmy Kimmel Live”, presidenti i 42’të i Shteteve të Bashkuara të Amerikës, i është shmangur bisedës në lidhje me kandidimin e ish sekretares Hillary Clinton për presidente të vendit.

Clinton është parë më në disponim për të folur në lidhje me UFO-t në këtë intervistë.

“Nëse do të ishim vizituar një ditë nga UFO-t, nuk do të ishte ndonjë befasi. Nëse ata do të na vizitonin një ditë, atëherë njerëzit në botë do të harronin të gjitha dallimet ndërmjet vete, sepse do ta shihnin rrezikun që kemi nga hapësira”, ka thënë Clinton.

34. Këshilltari i Obamas: Kemi qenë në kontakt me UFO-t

"Ne duhet të pranojmë se jemi takuar me alienët".

Kjo është deklarata shokuese e bërë nga këshilltari në ikje i presidentit Obama, John Podesta.

Nëpërmjet Twitter-it Podesta, shkruan se pengu i tij më i madh në 2014 ishte që nuk arriti të zbulonte të vërtetën për ekzistencën e UFO-ve.

Për më tepër, ai shton se “për të gjithë ata që mbështesin ekzistencën e alienëve mendoj se 2015 mund të shënojë një pikë kthese. Qeveritë nuk duhet vetëm të pranojnë se alienët ekzistojnë, por kanë qenë në kontakt me ta për vite me radhë”.

Vazhdon...

(1) (3)