Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU   

SOKRATI EDHE PAS 25 SHEKUJSH PRAPË DO TË HELMOHEJ (3)

Kapitulli i pestë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

            Pyetja e tetë

            Mbrëmë gjatë intervistës televizive, dukeshit të zemëruar ndaj liderëve të caktuar politik. Ju lutemi të na tregoni saktë se cilët janë njerëzit të cilët juve ju zemërojnë?

            Nuk jam zemëruar qe tridhjetë e pesë vjet, por mund ta kuptoj pyetjen. Sa herë që them diçka që ju dhemb, ju mendoni se jam i zemëruar. Unë thjesht po e citoj të vërtetën.

            Unë nuk jam politikan.

            Unë kurrsesi nuk ju konsideroj kur flas.

            Unë nuk e konsideroj se si ju do ta pranoni atë. Politikani mendon para se të fletë, atë se çfarë do t’ju pëlqej juve. Ai i thotë vetëm ato gjëra të cilat ju i doni; nuk është me rëndësi se a janë të vërteta apo të pavërteta. Unë nuk jam politikan. Unë kurrë nuk ju konsideroj.

            Konsiderata ime e vetme është e vërteta.

            Edhe nëse ju lëndon edhe nëse ju shëron kjo nuk është e rëndësishme për mua. Madje të jesh i lënduar nga e vërteta është më mirë sesa të ndjehesh mirë nga gënjeshtra.

            Kur po ndiheni ju të lënduar, po mendoni se unë jam i zemëruar. Unë nuk jam i zemëruar në askënd. Asnjë politikan, asnjë lider religjioz nuk më zemëron – sepse përse më duhet të vuaj për tjerë njerëz? Zemërimi është vuajtje, ta djegësh vetveten për gabimet e njerëzve të tjerë. Unë thjesht flas gjithçka çka është e drejtë.

            Zemra ime është përplot me dhembshuri për ata njerëz të cilët ndoshta ndihen të lënduar. Unë mund t’i shëroj, por ata duhet ta kuptojnë se unë nuk jam i zemëruar. Unë nuk e konsideroj askënd si armik në tërë botën, gjithashtu ka miliona njerëz të cilët mendojnë se janë armiqtë e mi. Ky është problem i tyre.

            Sa më përket mua, të gjithë janë miq të mi.

            Unë do të bëj çdo gjë për t’i ndihmuar personit ta realizojë realitetin e tij, për ta zbuluar fytyrën e tij origjinale, të fillon të jetojë në çiltërsinë dhe bukurinë e tij. Por nganjëherë puna ime është sikur e kirurgut – ajo shkakton dhimbje. Por ajo nuk ka qëllim ta lëndojë askënd. Ajo dhemb sepse kanceri do të largohet nga ju. Plagët do të shërohen. Kanceri nuk ju ka lejuar të shëroheni, ai ka dashtë t’ju mbytë.

            Nganjëherë theksimi im në gjëra të caktuara keqkuptohet. Unë nuk jam orator. Unë fare nuk e di ABC-n e artit të të folurit. Unë thjesht flas me njerëzit zemër për zemër. Kam diçka për të thënë, e mënyra ime për t’u shprehur nuk është oratori e trajnuar. Ajo është humane, e papërpunuar, e gjallë. Kështu, nganjëherë ndoshta theksoj diçka e ju ndoshta mendoni se jam i zemëruar – por unë nuk zemërohem tash e tridhjetë e pesë vjet. Unë me të vërtetë kam harruar se si të zemërohem.

            Nëse ju mund të më zemëroni, unë me të vërteta do të kënaqesha sepse e kam harruar këtë shije. Tridhjetë e pesë vjet është kohë e gjatë. Dhe për këto tridhjetë e pesë vjet unë kam pas vetëm dashuri. Kështu që nëse mund të më udhëhiqni të zemërohem, me të vërtet do t’ju falënderoja përzemërsisht.

            Pyetja e nëntë

            E dhatë imazhin për veten tuaj, a është ajo që e pëlqeni, apo ka ndryshuar pa ndikimin tuaj?

            Unë nuk jap kurrfarë imazhi. Imazhin të cilin e keni pranuar është marrë nga ana juaj, dhe ato ndryshojnë varësisht prej fotografit. Dhe jam i sigurt se unë ndryshoj – unë akoma jam i gjallë. Të jesh i gjallë do të thotë të ndryshosh, kështu që imazhi do të ndryshojë. Por unë nuk po ju jap kurrfarë imazhi.

            Unë po ua jap vetën time.

            Imazhet janë përgjegjësi e juaja. Atje ka fotograf amator, ka fotograf të mëdhenj artistik. Tash do ta shoh kur ta shkruani artikullin se çfarë imazhi do të del prej saj. Ajo varet nga ju, jo nga unë.

            Unë jam në dispozicion.

            Pyetja e dhjetë

            Mbrëmë thatë se jeni anti-seks. a jeni ma shumë mashkull apo femër?

            Në çastin kur ju bëheni anti-seks, pyetja të jesh mashkull apo femër nuk paraqitet. Anti-seks thjesht do të thotë përtej seksit. Trupi natyrisht do të qëndrojë. Nëse është trup mashkulli, ai do të mbes trup mashkulli. Nëse është trup femre, do të mbes trup femre. Por qendrat seksuale nuk janë në trup, ato janë me mendje. Organet e juaja gjenitale nuk janë qendra seksuale; ato janë vetëm zgjatje anatomike. Ato janë nën mbikëqyrjen e qendrave në mendjen tuaj.

            Një prej shkencëtarëve të mëdhenj, Dellgado, ka bërë eksperimente në qendrat e mendjes. Eksitojnë gati shtatëqind qendra, të cilat kontrollojnë gjithçka në trupin tuaj. Dhe kur është gjetur qendra seksuale në trurin e hapur të miut të bardhë, ai e ka stimuluar atë me tel elektronik dhe i tërë trupi i miut ka përjetuar orgazëm seksual.

            Mandej ai e ka bërë një vendosje. Ka vendosur elektrodën në qendër, e telepilotin para miut, dhe e ka mësuar miun ta shtypë butonin. Në çastin kur miu do ta shtypte butonin, ai do ta përjetonte orgazmën, i tërë trupi i tij dridhej nga kënaqësia të cilën kurrë më herët nuk e kishte përjetuar. Ai  kishte harruar të ha e të pi. Gjithçka kishte pasur të vendosur rreth tij, por ai as që i kishte shikuar. Për një orë ai e kishte shtypur butonin gjashtëqind herë - dhe kishte ngordhur.

            Në të ardhmen ekziston mundësia ta keni një telepilot në xhep, dhe sa herë që dëshironi ta përjetoni orgazmën, thjesht e shtypni butonin. Ai nuk do të jetë mashkullor, ai nuk do të jetë femëror, ai thjesht do të jetë orgazëm. Do të jetë orgazëm bio-elektrik.

            Kur them anti-seks, unë mendoj se unë dua që njerëzit e mi ta përjetojnë përvojën seksuale në atë masë saqë plotësisht të kënaqen me të, dhe të mos lakmojnë më për të. Dhe aty vjen qetësia… Ajo është përtej zgjuarsisë nuk është as mashkullore as femërore. Kjo gjendje e transcedentuar do të jetë gjendje Buda. E para se të vini në këtë gjendje të transcedentuar, ju duhet të jeni Zorba.

            Kështu që mos u bëni koprrac në atë të jeni Zorba. Shkoni zemërgjerësisht në të, kështu që do ta përfundoni me të shumë shpejtë. Dhe pasi që ta përfundoni me të, atëherë trupi i juaj do të mbetet mashkull apo femër, por qenia juaj do të jetë e transcedentuar. Ajo nuk mund të jetë mashkullore, ajo nuk mund të jetë femërore.

            Pyetja e njëmbëdhjetë

            Dje keni folur për shkatërrimin e familjes. a keni pasur ju ndonjëherë familje?

            Çdokush është i lindur në familje. Unë kam lindur në familje. Në Indi ekzistojnë familjet e përbashkëta, familje të mëdha. Në familjen time duhet të kanë qenë pesëdhjetë apo gjashtëdhjetë anëtar – të gjithë kushërinjtë, axhallarët, hallat jetojnë së bashku. E kam parë të tërë rrëmujën e kësaj. Në fakt, këta gjashtëdhjetë anëtarët më kanë ndihmuar të mos e krijoj familjen time personale. Kjo përvojë ka qenë e mjaftueshme.

            Nëse jeni mjaft inteligjent, mund të mësoni madje edhe prej gabimeve të njerëzve të tjerë. Kështu që unë kam mësuar prej gabimeve të babait tim, prej gabimeve të nënës sime, të axhallarëve, të hallave. Ka qenë familje e madhe, dhe unë e kam parë të tërë cirkun, mjerimin, konfliktet konstante, luftërat rreth gjërave të vogla, e pakuptimit. Që nga fëmijëria e hershme një gjë është bërë vendimtare për mua, se nuk do ta krijoj familjen time personale.

            Kam qenë i befasuar si të gjithë që janë të lindur në familje… Dhe përse ai ende vazhdon me krijimin e familjes? Duke e parë të tërë skenën, ai përsëri e përsëritë.

            Pasi jam kthyer nga universiteti, pas përfundimit të të gjitha studimeve, babai im kishte qenë i brengosur – sepse ai më ka njohur, se kur them unë njëherë jo, s’ka gjasë ta ndryshoj atë. Kështu për të mos më pyetur drejtpërsëdrejti, ai i kishte thënë nënës sime: “Pyete a ka dëshirë të martohet? Më kë dëshiron ai…ne nuk do ta kushtëzojmë as me kaste (shtresë shoqërore), religjion, me asgjë, por ai duhet të martohet.”

            Kur shkova në shtrat për të fjetur, nëna më tha: “Mund të martohesh me cilëndo vajzë që dëshiron, ne nuk të kundërshtojmë.”

            I thash: “As unë gjithashtu nuk po ju kundërshtoj. Unë dua që ju vetëm të mendoni edhe dy javë: a jeni ju me të vërtetë të lumtur? A nuk keni menduar shumë herë se do të kishte qenë më mirë sikur ju të mos ta kishit kaluar nëpër këtë mjerim të martesës, t’i prodhoni njëmbëdhjetë fëmijë, të jetoni në këtë cirk prej gjashtëdhjetë anëtarëve, ku gjithçka shkon keq, dhe ku gjithkush gjithkujt i hip në qafë? Mendoni edhe dy javë, dhe mandej ma thuani. Nëse ju mendoni se kjo është përvojë e madhe, unë do të martohem, por përgjegjësia do të jetë e juaja. Në pyetje është tërë jeta ime. Po e rrezikoj tërë jetën time për vendimin tuaj?”

            Pas tri ditësh nëna u kthye dhe më tha: “Dy javë janë shumë. Unë nuk po mund të fle, unë nuk po mund të bëj asgjë. Vetëm më çliro nga kjo përgjegjësi.”

            I thash: “Çfarë ndodhi?”

            Më tha: “Nuk po mund të vendosi për martesën tënde.”

            I thash: “Po ky është vendim.”

            Më tha: “Po të kuptoj. Nuk do të them të martohesh.”

            E unë i thash: “Thuaj babit tim se nuk ka nevojë të shkoj rreth e rrotull. Ai duhet të më takoj drejtpërsëdrejti mua.” Por ai kishte frikë sepse e dinte se unë do t’ia cekja se tërë jeta tij ka qenë vetëm vuajtje – dhe ai akoma dëshiron të hy në llojin e njëjtë të situatës.

            Ai nuk më ka pyetur. E kishte sjellë avokatin e gjyqit suprem, Ai ka qenë mik i tij, dhe ai ka qenë një prej avokatëve më të mirë në Indi. Dhe ai tha: “Djali im është tepër argumentues. A mund ta zgjidhësh këtë?”

            Avokati u përgjigj: “Mos u brengos. Asnjë rast nuk e kam humbur kurrë në jetën time. Kam ardhur me ty, e ta shohim se çfarë argumente na paska djali yt. Ky është profesioni im; tërë jetën time kam qenë avokat.”

            Në kohën kur ai erdhi, unë i thash: “E para mendo së pari.”

            Ai më tha: “Çfarë po mendon.”

            I thash: “Po mendoj nëse unë fitoj, atëherë unë nuk martohem. Nëse unë nuk fitoj, atëherë unë martohem. Por nëse ju fitoj juve, atëherë ju duhet të divorcoheni.”

            Ai më tha: “Është e çuditshme. Më duhet pak të mendoj rreth kësaj.”

            Unë i thash: “Por ju nuk e keni humbur kurrë në jetën tuaj asnjë rast, e ky është problem i vogël, dhe nuk ka gjyqtar. Unë ju kam zgjedh edhe si gjyqtar gjithashtu, sepse kam besim në juve. Që nga fëmijëria ime e hershme unë ju kam dashtë, dhe e di se nuk mund të jeni të padrejtë. Kështu që le t’i qesim argumentet. Ju njoh juve dhe e njoh gruan e juaj, dhe e di se ju dy herë keni tentuar të bëni vetëvrasje.”

            Ai tha: “Oh Zot! Kjo do të thotë se më duhet të divorcohem nga gruaja ime? Thirre babin tënd. Nuk dua të futem në këtë bela.”

            Ata kanë provuar. Para se të më vdiste babai, ai me lot në sy më kishte thënë: “Unë jam i lumtur që ne nuk patëm sukses me forcë të të martojmë dhe të çosh një lloj jete normale. Ne jemi brengosur për ty…se kush do të kujdesët për ty? Por t’i e ke dëshmuar se nëse beson në ekzistencë, ekzistenca kujdeset. Kjo është shumë e mëshirshme.” 

            Kështu unë nuk kam familje personale. Por kam familje shumë të madhe të sanjasëve të mi, nëpër tërë botën. Kështu që ngado që të shkoj, unë jam në shtëpi. Kjo nuk paraqet kurrfarë dallimi. Vetëm para dy ditësh kam qenë në Nepal dhe, sa jam atje në shtëpi, po aq jam këtu në shtëpi.

            Unë kam krijuar një familje krejtësisht tjetër fare. Me miliona njerëz i përkasin familjes sime. Dashuria tyre është e pakushtëzuar. Unë s’kam asgjë për t’iu dhënë atyre, përpos vetes sime. Por ata ma japin zemrën e tyre, dhe atë pa kurrfarë shkaku. Unë nuk jam lider religjioz, nuk jam politikan; unë nuk ju jap kurrfarë premtimi, unë nuk ju jap kurrfarë shprese.

            Unë thjeshtë flas me ju, të bëheni vetja juaj – mësim i thjesht, ma i thjeshti, pa kurrfarë zhargoni – dhe prapë e kam themeluar familjen më të madhe në botë, në tërë historinë e njerëzimit.

            Pyetja e dymbëdhjetë

            A e zbatojnë sanjasit e juaj pikëpamjen tuaj rreth shkatërrimit të familjes?

            Dëgjueshmëria nuk është mësimi im. Mos dëgjueshmëria nuk është mëkat. Unë ua shpjegoj njerëzve të mi kuptueshmërinë time, e mandej është liria e tyre të bëjnë çfarë të donë ata. Kjo nuk është çështje e dëgjueshmërisë, kjo është çështje e dëgjimit të inteligjencës së tyre personale.

            Apeli im është për inteligjencën e tyre. Unë e shpjegoj sa më qartë që është e mundur, e mandej ua lë atyre. Unë nuk dua t’iu marrë lirinë e vendimmarrjes, dhe çfarëdo që vendosin ata – unë jam i lumtur me të – sepse unë e dua individualitetin e tyre dhe unë dua që ta përmirësoj individualitetin e tyre sa ma shumë që kam mundësi.

            Po- e tyre është e mirë, Jo- e tyre është e mirë. Kjo nuk paraqet kurrfarë dallimi, sepse kjo buron nga dashuria e tyre, nga kuptueshmëria e tyre.

            Nuk dua pasues, njerëz të dëgjueshëm.

            Unë dua miq inteligjent, bashkudhëtar.

            Dhe nganjëherë nuk them asgjë, kurrë nuk pyes a më përcjelli dikush apo jo. Unë vazhdoj drejtë në gjëra tjera. Unë kam aq shumë gjëra…

            Por unë jam i lumtur me njerëzit e mi, jashtëzakonisht i lumtur dhe falënderues. Vështirë është në histori të çdo instancë të gjesh njerëz aq të mrekullueshëm, inteligjent që e pasojnë njeriun i cili nuk shtirret se është shpëtimtar apo profet apo zot, i cili vetëm thotë: “Unë jam aq i rëndomtë sa jeni edhe ju – vetëm me një dallim të vogël: “Unë jam i zgjuar ju jeni në gjumë. Por ky nuk është dallim i madh… ju mund t’i hapni sytë në çdo çast.”

            Fund i kapitullit të pestë

 (1)      (2)                   (4)      (5)     (6)