Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Përgatiti: Shefki OLLOMANI

Pjesa e dytë

UFO-t / JASHTËTOKËSORËT (1)

            Fenomen natyror? Pjellë e imagjinatës njerëzore apo realitet?! Është shumë vështirë të japësh ndonjë përgjigje precize në këto pyetje, për shumë arsye, sepse çdo grup, që përkrah njërën prej këtyre mendimeve apo teorive ka argumentet dhe kundërargumentet e tij: pro ose kundër.

            6. Sekreti në pikturën e Mona Lizës janë alienët

            Alienët kanë qenë gjithmonë një mister, askush nuk e ka konfirmuar ndonjëherë ekzistencën e tyre.

            Gjëja më e rëndësishme është se Leonardo gjithmonë kishte fshehur sekrete dhe kode në pikturat dhe vizatimet e tij.

            Dhe shumë njerëz besojnë se ai kishte disa “lidhje” me alienët.

            1. Kjo është ajo çfarë na zbulon piktura e Mona Lizës, nëse e shikojmë në një pamje të afruar shumë”:

            2. Da Vinçi është i njohur për fshehjen e mesazheve sekrete dhe kodeve në punimet e tij të artit.

            Kështu, është e mundur që Leonardo të ketë aplikuar teknikën e tij ‘pasqyrë’ për të fshehur mesazhe sekrete edhe në vizatimin e Mona Lizës.

            3. Teologët gjithashtu e besojnë se Leonardo ka fshehur kode sekrete në shumicën e punimeve të tij.

            4. Nëse kjo është e vërtetë, atëherë Mona Liza ishte një punim i Leonardos përmes së cilit ai po dëshironte të tregonte diçka.

            8. Objektet Fluturuese të Paidentifikuara - UFO

            Kur vjen fjala te UFO-t (Unidentify Flying Objects) ose Objekte Fluturuese të Paidentifikuara (OFP), ka mendime dhe teori të ndryshe dhe siç ndodh rëndom në raste të tilla opinioni ndahet në dy pjesë. Në të apasionuar apo ata që besojnë dhe në skeptikë, të rezervuar, që në shumicën e rasteve janë njerëz të shkencës, për të cilët çdo teori duhet të jetë e provueshme, pra: të shikohet, të dëgjohet, të preket, të shijohet,… etj.

            Të dhënat për pamje të UFO-ve janë shumë të vjetra, madje edhe të dokumentuara. Nëpër muret e piramidave të Egjiptit, në shkrimet hieroglife që janë gjetur ka patur piktura të disqeve fluturuese, madje disa prej tyre shumë të qarta që ngjasojnë me kapsulat kozmike që përdoren sot për misione të ndryshme rreth hapësirës së Tokë. Po ashtu është e famshme për të gjithë një vizatim i gjetur në Mesopotaminë e vjetër dhe që njihet me emrin Karroja e Ezikelit. Objekti në fjalë është gjetur paralelisht në Mesopotaminë e Lashtë, po ashtu edhe në Babiloni paraqitet një lloj konstruksioni shumë i avancuar për kohën e atëhershme, i ngjashëm me një kapsulë kozmike, madje shikohet qartë edhe vendi ku rri astronauti. Shkencëtarë të ndryshëm, duke ndjekur figurën e gjetur,, janë perpjekur të ndërtojnë të njëjtin objekt dhe përfundimi ka qenë shokues. Ajo që u përfitua nuk ishte gjë tjetër veçse një anije kozmike e një dimensioni dhe modeli të panjohur, madje mund të kuptohej dhe të shikohej qartë sistemi i propulsionit apo i shtyrjes, siç quhet ndryshe, kabina e pilotit etj. Edhe në gjetje të tjera arkeologjike ka dëshmi të ekzistencës së një mënyre jetese të panjohur dhe objekteve të panjohura edhe nga shkenca jonë. P.sh., në kulturën e Inkasve të lashtë janë hasur shpesh piktura murale ose gdhendje në gur të objekteve fluturuese të ngjashme me disqe fluturuese, kozmonautë të veshur me skafandra, sisteme planetare që vetëm vonë janë zbuluar nga shkenca dhe disa të dhëna të tjera që janë konsideruar të pamundura për kohën që janë bërë që të ishin reale. E megjithatë ato janë aty dhe provojnë një njohuri që ne si qenie njerëzore e mësuam vetëm kur arritëm në një shkallë zhvillimi të lartë.

            Janë edhe dy objekte që i hutojnë shkencëtarët për saktësinë dhe funksionin e tyre dhe që datojnë në një kohë shumë të lashtë disa mijëra vjeçare dhe që akoma sot e kësaj dite nuk mund të përcaktohet qartë pse janë ndërtuar dhe kush i ka ndërtuar. Ky është kozmodromi gjigant në Bolivi. Është quajtur i tillë sepse nuk ka shpjegim tjetër për funksionin e tij, aq më shumë që dimensionet që ka i shkojnë për shtat një emri të tillë. Bëhet fjalë për një konstruksion gjigant në formën e një zogu Kondori që shtrihet në një zonë të pabanuar sot në një nga luginat e Bolivisë. Po ashtu është dhe sistemi i përkryer i kanaleve në formën e Brumbullit që është gjetur rastësisht në një tjetër vend të Amerikës Latine, në rrafshnaltën Nasca. Vetëm kur njeriu u bë i aftë të fluturonte në qiell, atëherë u pa dhe u kuptua forma e atyre kanaleve, por nuk u kuptua asnjëherë funksioni dhe arsyeja e ndërtimit të tyre.

            Edhe më pas, në shekujt e mëvonshëm, kryesisht gjatë mesjetës së hershme, kemi dëshmi për shfaqje të UFO-ve në zona të ndryshme të globit, kryesisht në Evropë: Gjermani, Francë, Zvicër,… etj., por që quheshin si shfaqje të djallit. Duke konsideruar obskurantizmin mesjetar dhe ndikimin e fesë në jetën shoqërore, ky shpjegim ishte më i përshtatshmi. Ne disa afreske kishtare apo piktura të kohës, sidomos në njërën prej tyre ku është Shën Maria dhe në sfond është një bari me një qen te vogël, me një sy të kujdesshëm mund të dallosh që të dy, bariu dhe qeni i kane ngulur sytë në qiell drejt një objekti që nuk është gjë tjetër veçse një disk fluturues. Po ashtu edhe në kronikat e kohës, sidomos ato të shekullit të 9-të dhe më pas, flitet për dëshmi kolektive të shfaqjes së UFO-ve.

            Le të vijmë tani tek koha jonë dhe kur u përdor për herë të parë termi UFO. Merita e përdorimit të këtij termi i takon biznesmenit dhe pilotit privat amerikan Keneth Arnold, i cili më 24 qershor të vitit 1947, gjatë fluturimit me avionin e tij hasi disa objekte fluturuese të paidentifikuara në formën e disqeve. Sipas shpjegimit të tij objektet fluturonin në mënyrë të çuditshme, shfaqeshin dhe largoheshin sikur donin të luanin dhe papritur e pakujtuar bënin lëvizje vertikale dhe horizontale me një shpejtësi të pa imagjinueshme. Pra, ai në raportin që bëri në komandën ajrore të bazës ushtarake përdori termin UFO, term i cili në vitet e më pasme u bë shumë popullor dhe u zyrtarizua në të gjithë botën.

            Vetëm disa javë më vonë dhe pikërisht në 2 korrik të vitit 1947 do të ndodhte ajo që do të trondiste botën shkencore dhe do t’i jepte ekzistencës sonë në Univers një tjetër dimension dhe kuptim. Bëhet fjalë për të famshmin Rastin e Roswell-it ose siç quhet ndryshe Aksidenti i Roswell-it. Natën e 2 korrikut, gjatë një stuhie të fuqishme, një UFO do të rrëzohej në afërsi të qytetit Roswell në shtetin New Mexico të SHBA-së. Momenti i rrëzimit është parë nga shumë dëshmitarë okularë dhe përshkruhet si një objekt i madh i rrumbullakët që përshkoi rrathë të mëdhenj në qiell dhe ra në periferi të qytetit, pikërisht ne fermën e Mac Brazel-it. Ishte ky fermer që të nesërmen, i shtyrë nga kurioziteti për zhurmën dhe ndriçimin e çuditshëm që kishte parë gjatë natës, vendosi të inspektonte fermën e tij ku gjeti copëza të madhësive të ndryshme dhe të një materiali të panjohur më parë. Njoftohet sherifi i zonës, i cili nga ana e tij lajmëron autoritetet e Roswell Army Air Field, të cilët ngarkuan për hetim majorin Jesse Marcel. Gjatë inspektimit të objektit u gjetën disa trupa entitetesh që nuk u përkisnin botës sonë, por ky fakt nuk u deklarua nga majori. Menjëherë pas inspektimit të zonës, ai mban një konferencë shtypi ku deklaron për rrëzimin e objektit jashtëtokësor dhe konfirmon faktin që ishte një diçka komplet e panjohur.

            Çuditërisht disa orë më vonë kjo deklaratë përgënjeshtrohet dhe pas hyrjes në lojë të shërbimeve inteligjente ushtarake, çdo gjë ndryshohet dhe incidenti quhet si një rrëzim i një balone atmosferike që përdoren rëndom për të llogaritur presionin atmosferik dhe parashikime te tjera për kohën. Që nga ky moment filloi ajo që do të hynte në histori si rasti i parë i një cover-up masiv nga ana e qeverisë amerikane dhe e shërbimeve të saj të inteligjencës. Ngjarja u mbulua nga pluhuri i harresës, të paktën për pjesën dërrmuese të popullsisë dhe do të shfaqej akoma më fuqishëm në fillimet e viteve ’90-të. Shkak për këtë u bë një konferencë e përvitshme që mbahet në San Marino për UFO-t dhe paraqitja aty nga një person i disa bobinave filmike ku ishte e regjistruar autopsia e bërë ndaj një alieni. Ky filmim i bërë nga operatori Jack Barnet tronditi botën mbarë. Filmimi paraqiste autopsinë ndaj njërit prej alienëve të gjetur në incidentin e Roswell-it dhe sipas autorit të filmimit ishte bërë në bazën ushtarake të Fort Worth në Dallas, Texas. Pati mendime të ndryshme, skepticizëm dhe aprovim dhe në përfundim të çdo studimi dhe analize u vërtetua plotësisht që filmimi ishte autentik. Filmi si material ishte kodak i prodhuar në vitin 1947. Çdo objekt në dhomë i përkiste modës se viteve 1947 dhe një analizë e detajuar e trupit të alienit, që u dyshua fillimisht se mund të ishte i një fëmije të sëmur me sindromën e Progeries, u vërtetua plotësisht që nuk ishte i tillë, pra i përkiste një qenieje jashtëtokësore. Ana pozitive e filmimit ishte që hapi debatet për ekzistencën e UFO-ve dhe të qenieve jashtëtokësore, por në të njëjtën kohë zbuloi vetëm majën e ajsbergut të të ashtuquajturës cover-up që qeveria amerikane dhe organe të specializuara të saj kishin kohë që aplikonin mbi fenomenet të konsideruara jo normale ose mistere. Këtu është dhe pikënisja e shumë deklaratave dhe dëshmive të njerëzve që i kanë jetuar këto ngjarje ose kanë qenë pjesë e tyre ose kanë qenë të detyruar të heshtin si shkak i kërcënimeve nga organizma të fshehta qeveritare.

            Pra, rasti i Roswell-it nxorri në dritë shumë fakte dhe detaje që implikonin direkt qeverinë amerikane, shërbimet e saj të inteligjencës deri edhe rangjet presidenciale. I famshmi dokumenti Majestic-12 i aprovuar nga presidenti i Amerikës Dwight D. Eisenhower, u bë fillesa e një mbulimi të së vërtetës për UFO-t dhe qeniet që drejtohen prej tyre. Është ky dokument i cili përcaktoi shkallën e sekretit dhe pasojat që vijnë prej tij. Supozohet që në këtë kohë janë krijuar edhe skuadronet famëkeqe të njohura ndryshe si Man in Black ose Njerëzit në të Zeza, të cilët paraqiteshin kudo që kishte raste UFO-sh dhe kërcënonin dëshmitarët me heshtje. Ka shumë njerëz që vetëm pas bërjes publike të autopsisë së alienit të gjetur në Roswell vendosën të flisnin dhe të tregonin ate që dinin dhe arsyen pse kishin heshtur për kohë të gjatë.

            Por një nga dëshmitë më tronditëse, që i vuri një pikëpyetje të madhe lirisë së informacionit, ishte ajo e Robert Llazar ose Bob Llazar, një shkencëtar në moshë fare të re, me një të kaluar të shkëlqyer si inxhinier që studionte sistemet e propulsionit (shtypjes), i cili kishte punuar për disa vjet në të ashtuquajturën Area-51.

            Dëshmia e tij është marrë nga autoriteti gjerman në fushën e Ufologjisë, doktori Michael Heaseman, i cili ka studiuar për një kohë shumë të gjatë, jo vetëm fenomenin e UFO-ve, por edhe vetë Area-51, një bazë sekrete amerikane e shtrirë në shtratin e një liqeni të tharë në Groom Lake, në shkretëtirën e Nevadës. Sipas Llazarit, Roswell dhe autopsia e alienit jo vetëm që janë reale, por ato s’janë asgjë në krahasim me atë që ka ardhur më pas. Ai flet për UFO të cilat mbahen në vende sekrete të Area-51, prezence të alienëve në këtë bazë dhe një bashkëpunim i ngushtë midis shkencëtarëve amerikanë dhe inteligjencave jashtëtokësore. Sipas Llazar, i kërcënuar disa herë me vdekje për dëshmitë e tij, bashkëpunimi me inteligjencat jashtëtokësore ka filluar në fillim të viteve ’50-të dhe shumë zhvillimeve marramendëse të shkencës i dedikohet këtij bashkëpunimi. Ai flet për gjërat që ka parë, për praninë e alienëve në bazë, të cilët i përshkruan identik me atë që shikohet në autopsinë e alienit të Roswell-it, për praninë e teknologjisë së tyre, e cila është jashtëzakonisht e avancuar. Tregon disa vizatime të disa panaleve me simbolet e alienëve, komunikimin e tyre, bazat që ata kanë në Tokë dhe në Hënë,… etj. Dëshmia e Lazarit është kundërshtuar nga shumë të tjerë, madje nga një grup i caktuar dhe nga institucione të ndryshme amerikane. Është konsideruar si i papërgjegjshëm dhe me probleme psikike, por mbetet fakt që ai u zhduk pas disa kërcënimeve të bëra radhazi për jetën e tij, sidomos pas dëshmisë përfundimtare që ka dhënë në shtator të vitit 1992, ku u shfaq plotësisht me fytyrën dhe zërin e tij.

            Ka disa teori për llojet e alienve që marrin kontakt me njerëzit në tokë. Nga studiuesit njihet një pikë referimi që është Eduard Billy Meier, një malësor nga Alpet e Zvicrës që prej vitesh kontaktohet nga alienët. Rasti i tij është studiuar shumë dhe përfundimet që kanë dalë kanë qenë shokuese. Kontakti i parë që ka patur Billy Meier me alienët ka qenë në janarin e largët të vitit 1973. Një fshatar mediokër, me një nivel intelektual nën normalen, me një arsim të mjaftueshëm sa për të lexuar me gabime dhe për tu shprehur me një gjermanishte në zhargon, papritur e kujtuar pas kontaktit të parë me alienët demonstron një zhvillim mendor të paparë. Njohuri të gjëra në fushën e shkencave të ndryshme, 7 gjuhë të huaja, njohuri mbi astronominë dhe sistemet diellore ende të pazbuluara nga shkenca në atë kohë,… etj.

            Kjo ka qenë një nga gjërat që ka mrekulluar studiuesit në rastin e tij, ndërsa dëshmitë që ka dhënë gjithmonë janë parë me skepticizëm, por sidoqoftë janë marrë në konsideratë. Sipas Meier alienët që vizitojnë atë janë ndryshe nga ata të përshkruar nga të tjerët. Janë shumë të gjatë, mesatarisht nga 2.5 deri në 3 metra. Janë identikë me njerëzit e Tokës si paraqitje, biond dhe me sy bojëqielli. Janë shumë paqësorë e të dashur dhe demonstrojnë një dashuri dhe mirësi pothuajse adhuruese ndaj rracës njerëzore në Tokë.

            Ata vijnë nga konstelacioni i Centaurit dhe arsyeja e pranisë së tyre në Tokë është për të na mbrojtur dhe paralajmëruar nga rreziqet që na vijnë nga rraca tjetër e alienëve, d.m.th. nga Gritë, si dhe nga një racë tjetër alienësh që quhen Amfibiane për të cilët ka dëshmi të shumta dhe që paraqiten me një trup njerëzor por me një kokë si të amfibeve, trup të mbuluar me luspa dhe shumë agresivë.

            Paralajmërimin kryesor që bëjnë ata i përket racës së Grive, të cilët kanë qëllime jo të mira ndaj njerëzve të Tokës. Prania e tyre në Tokë ka filluar 50-60 vitet e fundit, kur kanë parë zhvillimin e shoqërisë njerëzore dhe përcaktohen si shumë keqdashës dhe armiqësorë.

            9. Tri teori të ndryshme rreth UFO-ve

            Fenomen natyror? Pjellë e imagjinatës njerëzore apo realitet?! Është shumë vështirë të japësh ndonjë përgjigje precize në këto pyetje, për shumë arsye, sepse çdo grup, që përkrah njërën prej këtyre mendimeve apo teorive ka argumentet dhe kundërargumentet e tij: pro ose kundër. Çështja e ekzistencës apo ekzistencës së pjatave fluturuese, është mjaft e ndjeshme dhe delikate dhe kërkon një trajtim serioz, sepse është e përcjellur me shumë polarizime, kundërthënie dhe mospajtime të theksuara, ndër qarqe shkencore. Prandaj të thuash diçka për këtë çështje është njësoj sikur të ecësh në teh të shpatës. Dihet mirë se shkenca materialiste nuk pranon ekzistencën e asgjëje që nuk preket, nuk shihet e as nuk dëgjohet me shqisa, por sa mund të jetë ky vlerësim real, kur dihet se në këtë gjithësi (atë që na rrethon) ka shumë gjëra, të cilat as nuk i shohim as nuk i prekim, por jemi të sigurt se ato ekzistojnë.

            Vazhdon...

  (2)     (3)