ufojashtetoksor1

Sakras Art Gallery

Sekuenca filmike

Vegëza

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Parapsikologji 2 - UFO-t / JASHTËTOKËSORËT (1)

Përgatiti: Shefki OLLOMANI

UFO-t / JASHTËTOKËSORËT (1)

Nëse UFO-t dhe Jashtëtokësorët (Alienët) e të gjitha llojeve e racave të ndryshme që mund të jenë, e kanë vizituar tokën që nga lashtësia e deri në ditët tona dhe nuk e kanë dëmtuar Njerëzimin, flet se ata janë më të civilizuar e më paqësorë se Njerëzit. Sepse, ata nuk kanë ndërhyrë në jetën tonë ashtu siç ndërhyjmë ne në jetën e njëri-tjetrit, duke shkaktuar dëme e gjakderdhje të llahtarshme!

1. Misteri UFO (Unidentify Flying Objects) - (Objektet Fluturuese të Paidentifikuara-OFP )

E tërë historia njerëzore është e mbushur me mistere të ndryshme. Shumë nga misteret u harruan në kohë, por edhe shumë mbetën deri në ditët tona dhe njëri nga më të mëdhenjtë është padyshim ky mbi të quajturit mysafirë të panjohur – Jashtëtokësorë/Alienë, apo siç njihen me emrin internacional - UFO.

Duke shikuar shumë dokumentarë, duke lexuar mbi këtë fenomen, pa dyshim se të bën që të besosh, duke u bazuar në faktet e shumta që datojnë që nga fillimet e historisë njerëzore. Nga shumë piktura që u bënë, sidomos në kohën e Mesjetës, shihen këto objekte shumë të ngjashme me këto të kohës Moderne.

Por një fakt është shumë interesant:

Shumë raportime që bëhen për këtë fenomen vijnë nga SHBA–të, po ashtu edhe disa nga Rusia, thënë më mirë nga dy këto shtete më të zhvilluara.

A është kjo vetëm një iluzion apo është realitet?

Shumë gjëra të bëjnë të dyshosh, por një është e sigurt, se nuk mund të jemi të vetmit në Univers.

Çështja më e debatuar është padyshim ajo se si do të reagonte Njeriu në një takim me Alienët (Jashtëtokësorët)?

Duke shikuar historinë njerëzore, e tërë historia jonë është e mbushur me luftëra në mes të qytetërimeve të lashta dhe të reja!

Pse mendimi i parë që na vjen ndër mend me rastin e një takimi të mundshëm me një qytetërim jashtëtokësor, do të thotë shkatërrim i qytetërimit njerëzor?

Pse nuk mund të mendohet si një gjë pozitive për Njeriun takimi me Jashtëtokësorët (Alienët), një hapje e mundësisë për të njohur më shumë Universin?

Nga shumë aksidente dhe rrëzime në tokë që u kanë ndodhur UFO-ve, lehtë mund të konkludojmë se edhe ato nuk kanë një teknologji perfekte dhe as drejtuesit e tyre nuk janë qenie perfekte dhe të pagabueshme.

Kurse sa i takon njeriut e njerëzve nga të thjeshtët e deri te inteligjenca dhe udhëheqësit politik, vijmë në përfundim se skepticizmi dhe papërmirësueshmëria e njerëzve është aq befasuese, sa të bën të mendosh se ne jemi një racë qeniesh të gjalla tepër primitive që nuk mbushemi mend kurrë as nga ajo që shohim, as nga ajo që dëgjojmë dhe as nga ajo që mësojmë, sepse mbetemi po ata egoistë, xhelozë, të egër që shqyejmë për çdo ditë njëri-tjetrin dhe tërë krijesat tjera mbi tokë, madje kohët e fundit po shkatërrojmë edhe gjithë ekologjinë e planetit tonë! Jemi krijesa skajshmërisht jo humane dhe të papërgjegjshme!

2. Papirusi që dokumenton prani UFO-sh në Egjiptin e lashtë

Sipas një papirusi të lashtë një flotë e tërë UFO-sh u shfaq 3000 vjet më parë në qiellin e Egjiptit. Papirusi Tulli (kështu është quajtur) dhe që sot ndodhet në Muzeun e Kajros shkruan si më poshtë:

“Në vitin 22, muajin e tretë të dimrit, në orën gjashtë të ditës shkruesit e Parlamentit vërejtën një disk të zjarrtë që vinte nga qielli. Nuk bëri zhurmë dhe shkruesit e Faraonit të hutuar dhe të tronditur njëkohësisht ranë për tokë".

Papirusi Tulli përmend se astronautë të lashtë jashtëtokësorë vizituan Egjiptin gjatë mbretërimit të Thumosis III. Menjëherë, pas kësaj objekti i gjetur iu tregua faraonit. Madhëria urdhëroi shqyrtimin e ngjarjes dhe regjistrimin e faktit në cilindrat e Parlamentit. Ditëve në vijim, shumë disqe të tjera filluan të shfaqeshin në qiell derisa u bënë të panumërta.

Tashmë, qielli egjiptian kishte humbur kaltërsinë e vet nga prania e disqeve që kishin pushtuar katër këndet e tij. Ushtria e Faraonit i shihte me frikë.

Kur ra nata disqet e zjarrta u ngritën më lart në drejtim të Jugut. Një ngjarje e tillë nuk kishte ndodhur kurrë më parë, ndaj dhe Faraoni urdhëroi që të digjnin temjan në nder të perëndive dhe të shkruhej në analet e Parlamentit me qëllim të vetëm informimin e pasardhësve të tyre”

3. Prania e UFO-ve në Lashtësi dhe në Mesjetë

Në vazhdim do të shtjellojmë çdo gjë me detaje, duke filluar që nga kohërat e vjetra dhe deri në ditët tona.

Pikturë e gdhendur në gur në Italinë Veriore dhe që tregon dy astronautë

Kjo pjesë e kësaj teme do të shoqërohet me foto të shumta për të ilustruar më mirë faktet që ekzistojnë për të kaluarën e largët si dhe për të argumentuar më mirë temën dhe për të shmangur idetë dyshuese, të falsifikimit, apo të dezinformimit. Fjalë mund të thuhen, mund të jenë të vërteta apo të rreme, por përpara dokumenteve historike çdo gjë ka vetëm një kuptim - Të Vërtetën.

Gjatë kërkimeve të shumta arkeologjike, studiuesit kanë hasur jo vetëm të dhëna për kërkimet e tyre, civilizime te zhdukura, zhvillime shoqërore të panjohura dhe po ashtu sisteme organizimi shoqëror që disa herë ose u janë afruar atyre të sotme, por disa herë edhe kanë qenë më të avancuara në kuptimin shpirtëror dhe atij shoqëror. Në zbulimet e bëra ajo që i përket temës sonë ka dalë e rastësisht, diku një grafikë e gdhendur në gur, diku një shkrim i lashtë, diku një statujë, diku një mumie ose një objekt disa mijëravjeçarë por që mund të bënte pjesë me lehtësi në teknologjinë e ditëve të sotme,... etj. Zbulime të tilla janë bërë në kohën kur arkeologjia mori një vrull të madh, d.m.th., mesi i viteve 1800-të dhe deri në ditët e sotme. Natyrisht në atë kohë shumë gjëra të tilla nuk mund të kuptoheshin dhe nuk mund të bëhej dot lidhja që bëhet tani, por faktet janë aty, mund të shikohen nga të gjithë, mund të preken dhe të dilet vetë në konkluzione.

Anije kozmike e lashtësisë

Shumë shpesh në tekstet e lashta që u përkasin civilizimeve të vjetra të Tokës, të zhdukura ose të transformuara, apo përzierja me civilizime të tjera, flitet për mjete fluturuese, për njerëz (që nuk kanë pamjen e njerëzve) që zbresin nga qielli me mjete fluturuese të hekurta, për një racë superiore që ka drejtuar njerëzimin në fillim të zhvillimit të tij, për teknologjinë e asaj kohe. Ndonëse gjuha e përdorur është e thjeshtë dhe me plot krahasime figurative, është e kuptueshme dhe të ndihmon për të dalë në përfundime reale. Dëshmi të tilla i gjejmë tek Sumerët e lashtë, tek Indianët e lashtë, sidomos në shkrimet e shenjta të tyre - Mahabharata, tek Egjiptianët e lashtë, në shkrimet e tyre mbi papirus dhe në muret e varreve dhe piramidave të tyre.

Kohët e fundit është zbuluar një shkrim i lashtë në gjuhën sankrite që daton rreth 3500 vjet para erës sonë. Ky shkrim i përbërë nga 250 kapituj në një pjesë të madhe të tij çuditërisht flet për mënyrën e fluturimit të një disku, mënyrën e ndërtimit nga brenda dhe sidomos këndet dhe lëvizjet vertikale apo horizontale që edhe në ditët e sotme nuk është e mundur të realizohen. Si ka mundësi që 3500 vjet më parë dikush apo disa kishin dijeni për një gjë të tillë? Ajo që është shumë interesante lidhet me titullin e këtij kapitulli që është Vimana Vidya, që do të thotë Shkenca e ndërtimit dhe pilotimit të një anijeje kozmike.

Si është e mundur që të njihej një term i tillë në atë kohë? Po ashtu, në disa piramida janë gjetur tekste që bëjnë një përshkrim interesant të arsyes së ndërtimit të piramidave - si një rrugë për në qiell, pra që njeriu të mund të shkojë në qiell më lehtë. Janë pamje murale apo në papirus, të vjetra mbi 5000 vjet, që tregojnë mjete fluturuese dhe njerëz që zbresin prej tyre. A mund të jetë kjo fantazi?

Kozmonautë parahistorikë

Po ashtu, piktura e gjetur në Itali, e gdhendur në gur, që i përket një kulture para etruske, për vetë moshën e saj disa mijëravjeçare dhe që tregon dy qenie të veshura me kostum kozmonauti. Apo dizajni i famshëm, që nga të gjithë quhet Astronauti i Palenkos, i pikturuar mbi varrin e mbretit të Majave, Pacal, në tempullin e Palenkut në Meksikë dhe që daton rreth 3000 vjet para erës sonë. Apo fytyra e alienit në një nga pikturat murale në një nga piramidat e Egjiptit. Po bateria e famshme elektrike që është më shumë se 5000 mijë vjet e lashtë, e gjetur në një sediment karboni.

Raste të këtilla gjetjesh ka plot, Austronauti i Kievit, i gjetur në një shpellë në Kiev, që daton rreth 4000 vjet i lashtë, pjata e famshme metalike e gjetur në Nepal, që supozohet të jetë mbi 12 mijë vjet e vjetër dhe që ka të gdhendur një disk fluturues, madje edhe një alien,… etj. Pra, dëshmitë apo artefaktet janë te shumta. Ato jo vetëm flasin për një prezencë të UFO-ve që në kohërat e hershme të njerëzimit, por mbase edhe për një ndërhyrje të tyre direkte në jetën sociale të asaj kohe.

Faktet s’mbarojnë këtu, ato janë të shumta dhe janë gjetur në të gjitha kulturat e vjetra të Tokës. Është e pamundur të paraqiten të gjitha këtu, sepse do të duheshin shumë faqe për të treguar çdo gjetje, rezultat shkencor apo konkluzion. Ato që u përmendën janë thjeshtë një ilustrim për temën mbi UFO-t, që tregon diçka që nuk ka vend për skepticizem apo dyshim, sepse i përket një të kaluare të largët, është e prekshme dhe vizive për të gjithë, pra, s'ka vend për falsifikim apo mashtrim.

Pikturë murale e gjetur në një nga Piramidat e Egjiptit, ku tregohet qartë një Alien/Jashtëtokësor

Astronauti i Palenkut Pjata e famshme e gjetur ne Nepal

Skicë e mjeteve fluturuese, e gjetur në njërën prej Piramidave të Egjiptit

Artefakti i Kievit: Astronauti në kabinën e raketës dhe pjesë të raketës

Pikturë kishtare që quhet Kryqëzimi dhe ndodhet në Manastirin e Deçanit të Kosovës. Ky afresk është bërë në vitin 1350.

Vazhdon...

(2) (3)