Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

ZAMIRA AGALLIU (HYSENAJ)

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

ZAMIRA AGALLIU (HYSENAJ)

            Hyrje

            Zamira Agalliu. Lindur në Vlorë 29/12/1969. Ka studiuar shkenca humane në UV. Punon si mësuese .

         Ka botuar në 2012 Librin me Poezi ''Zemëruar me Apostujt'' i cili ka lënë mbresa tek lexuesit. Ka marr çmimin III-të ''Shefqet Musaraj'' për teme aktuale në Dita Vlonjate e Poezisë. Është Vlerësuar me çertifikata ''Mirënjohje'' si dhe Vlerësime të tjera publicistike.

         Është pjesëtare e Klubit te shkrimtareve "Petro Marko'' Vlorë. Është botuar në disa gazeta prestigjioze. Vëllime të tjera poetike presin ditën e botimit.

NGA E PARA

Po të më duhej ta  rinisja nga e para,
Zbathur do të ecja deri  në vjeshtën e vonë,
Do të shkelja mbi baltë, pluhur e shkarpa,
Që të prekja e të ndjeja planetin tonë  .

Dua të dehem, për të mos qenë e përsosur,
Lindje e perëndim ndryshe t’i shoh,
E imja të bëhej marrëzi e marrosur,
Që ndjenjën e lakmisë të mos e njoh .

Do të udhëtoja pa bagazhet e mia,
Pa pardesy e pa parashutë,
Nuk do t’i paraprija më së keqes,
Ku çdo orë e minutë arsyeja na mbyt .

Po të më duhej nga e para t'ia rinisë,
E ta rijetoja jetën time përsëri,
Mes të gjallëve, urë do t’i ngrija dashurisë,
Por nuk jam zot as perëndi.

 

ËNDRRA FËMIJËRIE

Ky shpirt i fëmijërisë më kthehet,

Klith ‘’brenda teje jam”,

Në prehrin e ëndrrës më ulet,

Flutura shumëngjyrëshe më vishen në fustan,

I përgdhelem ëndrrës sime,

Sa dua të mbyllem sërish në dollap,

Sa të thyej këtë dreq jete në thërrime,

Po ti, prit pak tani, - Mos hap!

DYSHIMIT

Shko një ditë  atje,

kur  ylli polar të fshihet mbi re,

dhe mos i trego për puthjen e parë,

as për herë të parë kur  bëtë  dashuri.

Mos i fol për truall  shpirtit,  

për premtimin e lënduar,

për të dëshiruarat  dhimbje, 

që në jetë  ka për t’i  vuar.

Mos i fol për zemrën tënde,

për qiellin mos iu beto,

te vendi ku e prisje, mos u kthe,

me  mëdyshjen e dyshimit  mos jeto!

 NJË HAP LARG

Një hap larg mikja ime,

Vetëm një hap larg nga ty,

Aty ku porta e hekurt,  

Këngën tënde ma përcjell.

Sa perdet e mëndafshta m’i shkunde,

Fjalëkalimin kaq shpejt harrove,

E çelësin e zemrës ma humbe...

PREJ NATËS   DO TË IKJA

Prej natës   do të ikja,

Do kërkoja arratinë,

Jam egoiste - mos ma thuaj, e di!

Frikë nga errësira në dritën e diellit,

Frikë nga njerëzit në verbëri.

Dashuruar jam me pasionin tim,

Me ujëvarat e engjëjve, o i mjerë,

Si dhelpra që s’i arriti rrushin ,

Ti fillon e nxjerr vrer. 

As anekdota ti nuk lexon,

E vetes  pas shpine i flet,

Të  natës dritë rri e përgjon,

Më dhimbset i yti analfabet.

NË KRAHËT E ËNDRRËS

Në krahët e ëndrrës fluturoj kaltërsive,

Kur qiejt gjëmimi m’i mbuloi,

Mes shkreptimave ëndrra ime e bardhë

Agimit duart ia lëshoi.

Nëse dashuria është çmenduri,

Të dyja i dua njësoj,

Mëkatin shenjtëroj, rreshtave vij,

E lumturisht vargjesh mëkatoj.

NJË LOT ZJARRI

Një llavë vullkanike përfshin,

Një grimcë në ajër mbeti,

Pragun magjishëm përpin,

Perëndimit diellin rrëmben deti.

Jeta më është mbledhur në fyt,

Nuk di ndihmë kujt t’i kërkoj,

Një lot zjarri m’i djeg sytë,

Stinëve më nuk u besoj.

Jeta është një gënjeshtër, i dashur,

Gjithçka të jep e vet t’i rrëmben,

E vetmja e vërtetë dashuria jonë,

Shpirtrave tanë prehje gjen.

NEKTARI I MALLIT

Ike si reja që shtyn era,

si vala që merr dallga,

si ylli polar më ike,

pa i dëgjuar lutjet e mia.

E unë do të pres si yllin e mëngjesit,

si pikën e vesës në agim.

Mallin tënd nektar do ta mbledh,

në saksinë e shpirtit do të të mbjell,

e do të ujis me lotin tim,

për plagët e tua të jem shërim.

NË SIRTARIN TIM

Një poezi në sirtarin tim,

e gjeta të grisur copë-copë,

Nuk kishte gjak as trishtim,

Por unë, nuk di, pse derdha lot…