Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

VILSON CULAJ

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

VILSON CULAJ

             Hyrje

             Vilson Culaj u lind më 6 gusht 1973 në Klinë.

            Shkollën fillore dhe të mesme i ka mbaruar në Klinë, kurse Fakultetin Juridik në Universitetin e Prishtinës. Studimet pasuniversitare i ka përfunduar po ashtu në Prishtinë, në drejtimin Marrëdhënie Ndërkombëtare Diplomaci.

            Me shkrime filloi të merret që nga bankat e shkollës së mesme. Ka bashkëpunuar me revista e shumë gazeta të ndryshme anekënd Kosovës, si "Studenti" – Fakulteti Juridik, "Shpresa", organ i aksionit të rinisë shqiptare "Pjetër Bogdani", "Oaza", Biblioteka ndërkomunale "Hivzi Sylejmani" e Prishtinës, "Bota e re", revistë studentore e Universitetit të Prishtinës, Klubi i Shkrimtareve "Vora Ukjo" Klinë, "Drita", reviste kulturore - fetare Prizren - Prishtinë, "Zoja e Këshillit të Mirë në Klinë, "Iliria Post", gazete e përditshme kosovare ku punoi Vilsoni etj.

            Ka botuar shkrime si në gazetat e përditshme, si në "Zëri", "Bota Sot", "Express", "Iliria Post", "Ars", "Pavarësia News" , "IDENTITETI", "Koha Javore" - Mali i Zi, "Gazeta 55", "Zemra Shqiptare" gazeta ,,Ora’’ Epoka e re, revista kulturore Mirdita  etj. Shkruan ese, poezi, prozë, kritikë letrare etj. Është aktiv në jetën kulturore dhe letrare në Kosovë dhe më gjerë që nga vitet e '90 ta. Ka marrë pjesë në takimet e ndryshme letrare, si "Takimet e Gjeçovit" në Zym, "Flaka e Janarit" në Gjilan, "Takimet e don Mikelit" në Stubëll të Epërme të Vitisë, ku në ,,Orën e Madhe Letrare të emërtuar "Agim Ramadani", në vitin 2010, është shpërblyer me vendin e parë me poezinë ,, Loti i Tamarës’’. Po ashtu ka marrë pjesë dhe është laureuar në takime dhe manifestime të tjera, si "Mitingu i poezisë" në Gjakovë, "Gjurmët e Gjeçovit" në Janjevë, "Kepi i Shpresës së Mirë – Fahredin Gunga: në Mitrovicë , Prishtinë, Gjilan,  Tiranë, Lezhë, Bajram Curr, Kukës, Rëshen të Shqipërisë, Pejë, si Takimet e "Azem Shkreli", Zllakuqan dhe Klinë, ku ka marrë disa çmime e shpërblime edhe në nivelin komunal.

            Shkrimtari Vilson Culaj shquhet për shkrimet filozofike dhe psikologjike nga lëmenj të ndryshëm, sidomos në recensione të cilat i ka botuar në periodikët e kohës dhe gazetat e rregullta ditore dhe elektronike të lartpërmendura. Është i përfshirë në disa Antologji dhe shumë libra autorial me shkrimet dhe studimet e tij.

            Deri me tash ka botuar këto libra:

            1. Tinguj të padëgjuar, poezi, Klubi i shkrimtarëve "Vorea Ukjo", Klinë 1998,

            2. Furra e Nabukodonozorit, roman, KLUBI I SHKRIMTARWVE "Vorea Ujko", Klinë 2001,

            3. DAHO & VE, poezi, SHB "Shpresa" & "Faik Konica", Prishtinë 2003

            4. Përgatiti për shtyp librin antologjik "Zhbërja e Ikjes", poezi përkushtimore nga poetë të ndryshëm (101 të tillë) për shkrimtarin Rifat Kukaj, SHKK "Anton Pashku", Prishtinë 2006

            5. Stuhi e fjetur, prozë, SHB Anton Pashku – Prishtinë 2009

            6. Libri më poezi "Dy kohë" SHB, Anton Pashku, Prishtinë 2013

            7. Romani "I DËBUARI" Botoi "Rozafa" Prishtinë 2015

            Është anëtar i Lidhjes së Shkrimtarëve të Kosovës që nga viti 2002.

            Vilson Culaj jeton dhe vepron në Klinë dhe Prishtinë

LOTI I TAMARËS

Të desha veç ne kujtime, zjarri im i heshtur

Por fatin e gruas se vej kurrë s’ta urova – desha

Ishte e pa prekur ura e kalimit

Kur ti kishe ëndërr por jo edhe moshë

Çudi , një portë qielli gjithmonë mbet e hapur

Ta ndjeva fluturimin brenda ëndrrës femërore

Por ato ditë ,, syri ‘’ kishte vetëm një shikim

Si lodër dhembjeje u shndërrua shpirti yt

Po shpirti me shpirt kurrë s’bëri lojë

Të gjitha dëshirat e vashave ato ditë

Qene ngjizur veç ne një pasqyrë

Por ,, floku ‘’i Samsonit mbeti i pa prerë...

 Lundrova me ty por jo me erën e dashurisë

Sepse fjala jote për mua nuk qe ëndërr

Kaluan vitet si Dielli –i freskisë

Por asnjeri nga ne kurrë nuk u plak

Ta ndjeva gjëmën e vajtimin para dy varresh

Te gjysmës tendë...

Po flakë qe vret qenka  vajza kurrë e bërë nuse

Tamara , mos ja trego ëndrrën vajzës qe te pret në qiell...

Po as burrit qe kurrë s’të pyeti për ëndrrën.... 

HAKMARRJA E KARMAS...

Edhe rrezja e diellit e ka stuhinë e vet
E lotët e njelmët lashtësinë e heshtjes

Edhe koha ka gjemba dhe piktura te vdekura
Ne memoriet tona
Kur ne flemë ne shtratin e stuhive

Edhe fitimtaret janë humbës kur fitojnë
E humbësit janë hakmarrës kur ne harrojmë

Jeta është loje...
Edhe nëse i fshihemi jetës

Karma do na përqafoj
Si puthja e dragoit luftëtarin e paepur

Një ditë para se ta përpimë hijen e varrin - t...

TË FALA NGA ANTIOKIA

ti me tregove sekretet e madhështisë sate
se i besove zemrës sime te pagoje
e jo hekurit e lendes se pajete qe flet...

ne ato gurishta e ka varrin edhe Shën Maria
aty ku edhe ti e kishe trupin tënd te virgjëruar
nuk te lodhi vapa as rrokaqiejt e shkretëtirës
po malli për hapat e tu fëmijëror

aty te joshi hija jote për kthim e qenies plot jete
te thirri dhoma e gjyshes
qe ti gëzohesh petkut tënd dardan
te pishë kafe pran lumit
e të shndërrohesh ne lum e gurre jete

faleminderit për largësinë tënde
ti qe di te ngopesh vetëm kur flet me diellin
dhe vet shndërrohesh në diell...

AROMË PAQEJE....

Zot...

Mjaftë na rrahe ne copa akujsh kokës
E akujt u thyen..
Se me mire te marrim ne thua
Duke ndjekur fjalën e vizituar tempujt tu
Se sa bota te na lyej flokun - kokën
Me vajin e saj te lavirosur

Paçin paqe ata njerëz
Qe dëgjuan zërin e fjalën tënde
Mu ne hapat e pare te jetës së tyre
Po edhe ata :
Një nate para se me ndërruar jetë

Dhe përqafuan aromë pendimi...

NËSE DËSHIRON TË JESH TRËNDAFIL

Nëse dëshiron të jesh trëndafil në Amazonë

Përgatite zemrën për luftëra me gjarpinj

Nëse bën mëkat në moshë të re

Mos u dëshpëro se të vlen për katarre shpirti

Nëse i palos shumë vite në  jetën tënde

Dhe s’mund të dalësh nga vetja

Bota do ta shtrojë një tryezë të madhe

Ku s’do të kesh vend të ulesh

Nëse shenjat e kohës s’mund t’i vëresh në errësirë

Drita s’do të mungojë në mendje e në shpirt.

NJË  JETË DIMRI NË DASHURI

Njerëzit e vajtojnë

Dhimbshëm të kaluarën

Në çastin kur këmbët e tyre nuk prekin në tokë

Ditët e rinisë së hershme rëndë ua rrënojnë ëndrrat

Se jetën e duan vetëm për gjysmë

Engjëj shtegtarë dëshirojnë të bëhen

Dhe me gjurmë t’i shërojnë plagët e vjetra

Rregulli i pashkruar qëllimshëm shtrat loti u ofron

Që të mos vdesin ende pa mbirë

Jeta e shpirtit nuk mund të kuptohet

Nëse jeta e një të riu s’e ka përjetuar

Një jetë dimri  në dashuri.

 LOTI DO TË MË VIJË SI SHI QIELLI

Vajzë s’mund të flas asnjë fjalë më shumë

Qysh atë ditë që në ty u ndez zjarri

Prandaj të lus ta mbash

Shenjtërinë tënde në zemër

Dhe askujt mos ia thuaj

Për fjalën e dhënë mos u pendo

Kur do plakesh do të kaplojë pikëllimi

Dhe do të kujtohet se një ditë ke jetuar

Prandaj mos derdh lot

Se loti do të më vijë në shtrat si shi qielli

Dhe do të m’i lagë rrudhat e ballit të plakur.

NË KRAHARORIN TËND

Me sy të përlotur shikova fytyrën tënde

Ajo shndriste në bardhësi

Pashë dhe dy duar që preknin  skajet e botës

Që gjithë njerëzimit  i ofrojnë dashuri

Më vete fola

Zot ku ta mbështes kokën

Në kraharorin tënd  apo në  fjalët tua

Vesë e qiellit ëmbël mu përgjigj

Kur ke dashur njeriun më ke dashur edhe mua.

PO VIJ I PA EMËR

Po vij i paemër

Në shtigjet tua të gjera

Të bëhem shërbëtor engjëjsh

E armik demonësh barktrashë

Po vij u hutuar,fytyrë pluhurosur

Nga vuajtje e rrëzime kohërash

Me gjoks ngulur në plagët e fshehta.

"MIQTË"

Nuk Ka miq përveç atyre të vijës se gjakut
Ata qe ti ka rritur nëna në të njëjtën Parzmë
E babai i ka ushqyer më gjakun e djersen e tij
Vetëm ata të rrinë të koka në sëmundje
E derdhin lot për ty tek varri…
Se miqtë qe i ke takuar në rrugë
Në rrugë të lenë...

Mos takoni miq të ushqyer e rritur më sëmundjen e tyre
Se në rrugë të lenë ende pa rënë nata…
Ende pa i prekur ti lavditë tua
Mos më prisni kot…
Se në të njëjtën ditë tek varri s’do të shkojmë
Për mua edhe e nesërmja ka jetë…
E sëmundja juaj ushqeftë varrin tuaj pa gjurmë

Ju qe ngrohët vezët e gjarprit
Rrituni pra më gjarpinj nëpër këmbë
GLORIA – s shterpësisë suaj JUDA- s
Ju që nuk ushqyet askënd në këtë jetë….

LAKURIQËSI  E SHEKULLIT

Mjaft vrapove rrugës së shkurtër

Për ta ngrënë mollën e për të përbirë shpirt

Po moti gjarprit tim  i kanë rënë dhëmbët

Mjaft vrapove si pasqyrë e fshehur

Me barrën e gjurmës së kaluar mbi shpinë

Po Eva  molla e kafshuar e gjarpri në një strofull nuk rrinë

Në orët e mbrëmjes nuk vrapohet me dy palë këmbë

As nuk flihet në gjoksin e mendjes duke luajtur lojë

Se dashuritë e mia janë ato që s’ua dinë emrin

As durimit  fisnik dhe të fjetur

Mirëmbrëma lakuriqësi e shekullit

Para se të them lamtumirë… 

"NËNA"  ME THA SHKO E PAGËZOHU NË LEZHË

Shpirti me tha shko e pagëzohu ne Lezhe

Aty ku janë pagëzuar te paret tu me ujë te bekuar me gjak lirie

Aty ku te ngroh hija e Gjergjit e dielli te bie për fytyre edhe ne acar

Shko e pagëzohu me ujë e gurë dhe mbillu ne shtegun  e ardhmërisë

Aty te shtrëngohet dora e dhurohet zemra

Dhe ku vëllezërit te presin si birin e humbur ne kohë

Zemra me kërceu si drerit te lumtur

Kur me hapat e mi preka 600 vjet histori

Përballë me rrinin shtatoret e dy Gjergjave

Njeri legjendar tjetri dituri

Në vend të shpirtit preka dorën e pasardhësve te tyre

Ma bekuan hapin me mbushen shpirtin me dhuruan fjale

Nga shtegu i Parajsës kurrë mos të dal

Na u hapen portat me fjale, zemër e sy

Vëllai për vëllain ndjente dashuri

Arke besëlidhje mbushi e lidhi fjala e jonë

Si  ,, Benjamin’’  ...ndjeva mallin në sy

Qava nga gëzimi lotin kush s’ma pa

Për dasmën time , pagëzimin tim mistik’’