Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Dr. Shkelzen KRASNIQI

SHTATZËNIA E PADËSHIRUAR DHE ABORTI

Çdo ndërprerje e shtatzënisë është e rrezikshme dhe mund të ketë pasoja shumë të rënda për shëndetin e femrës, madje edhe kur kryhet në kushtet më të volitshme dhe nga ekspertët më të mirë.

            Shtatzënia është një proces natyror që përfshin periudhën prej fekondimit të qelizës vezë e gjer në aktin e lindjes dhe ka për qëllim kri­jimin e pasardhësve të njeriut. Sjellja e fëmijës në jetë është një nga përvojat më të çmueshme në jetën e femrës. Mirëpo, në disa raste shtatzënia ndodh përkundër dëshirës së femrës dhe atëherë bëhet fjalë për shtatzëni të padëshiruar. Më së shpeshti haset të femrat të cilat nuk kanë lidhje marte­sore ose fryti mund të jetë i padëshiru­ar për shkaqe shëndetësore, ekonomike ose etike.

            Çka duhet bërë për të mos ardhur gjer të shtatzënia e padëshiruar?

            Së pari duhet ditur se për të pasur mar­rëdhënie seksuale mes dy partnerëve nuk është e nevojshme vetëm pjekuria fizike, por një rol të rëndësishëm luan edhe pjekuria psikike. Nga ana tjetër, mjekësia bashkëkohore disponon me metoda të ndryshme kontracepsioni për mbrojtje nga shtatzënia e padëshiruar. Por përkundër të gjitha këtyre mjeteve kontraceptive, shumë femra nuk përdorin asnjërën prej tyre, duke rrezikuar kështu që t'i nënshtro­hen abortit. Shkaqe të mospërdorimit te kontracepsionit janë turpi, frika, paragjykimet ndaj shkuarjes në këshillimoret për kontracepsion, mosdi­ja dhe mungesa e informimit; pastaj mendimi primitiv se vetëm gruaja duhet kujdesur për ruajtje nga shtatzënia e jo edhe partneri etj. Metoda e vetme për lirim nga shtatzënia e padëshiruar është aborti, i cili paraqet ndërprerjen e shtatzënisë gjer në mua­jin e shtatë (javën e 28).

Aborti mund të jetë:

1. Aborti legal artificial - kur bëhet për shkaqe të arsyeshme shëndetësore, sociale, etike dhe atë pas pëlqimit të komisionit mjekësor. Për këto shkaqe lejohet aborti vetëm gjer në fund të muajit të tretë të shtatzënisë, kurse pas kësaj kohe aborti lejohet vetëm nëse ekzistojnë indikacione vitale mjekësore. Ky abort kryhet me kire­tazhe ose me aspirim me vakum gjer në muajin e tretë, kurse më vonë bëhet me një prerje të vogël cesarike, qoftë me rrugë abdominale ose vagjinale.

            2. Aborti ilegal, i dhunshëm apo kriminal - kur kryhet pa pëlqimin e komisionit mjekësor dhe bëhet nga ana e mjekëve të pandërgjegjshëm, mamive, laikeve ose nga vetë shtatzëna. Për këto qël­lime përdoren; mjetë të ndryshme kimike (shume të rrezikshme janë sidomos kripërat e brendshme të mitrës, bartjes së sendeve të rënda, kërcimit nga lartësia, pastaj përdoren rrënje e pjesë tjera të bimëve, gjilpëra, tela etj.

Është brengosës sidomos fakti se një numër gjithnjë e më i madh i vajzave të pamartuara haset para dyerve të ambulancave gjinekologjike, duke prit­ur për abortim, si të vetmen rrugëdalje për shtatzëninë e tyre të padëshiruar, edhe kur dihet se çdo ndërprerje e shtatzënisë është e rrezikshme dhe mund të ketë pasoja shumë të rënda për shëndetin e femrës, madje edhe kur kryhet në kushtet më të volitshme dhe nga ekspertët më të mirë. Komplikimet që mund të ndodhin gjatë e pas abortimit janë infeksionet e organeve gjenitale, gjakderdhjet e shpeshherë, sidomos të dështimet e dhunshme, shpërthimi i mitrës, (perfo­ratio uteri) që përcillet me një gjendje të rënde të organizmit e që mund të jetë edhe vdekjeprurës. Nj pasojë mjaft e rëndë që mund të ndikojë në jetën e mëvonshme dhe në marrëd­hëniet bashkëshortore është steriliteti i gruas.