Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (4)

Kapitulli i tetëmbëdhjetë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

KAPITULLI 18

Logjika është një lavire

            28 shkurt 1986 pasdite

            Pyetja e parë

            Është një fjalë e urtë holandeze: “Fëmijët dhe budallenjtë e thonë të vërtetën.” Ku përshtateni këtu?

            Në këtë fjalë të urtë ka një urtësi të madhe. Vjen momenti kur mësohet e vërteta, ajo bëhet të dyja – një fëmijë nga ana e saj, një budalla në sytë e të tjerëve.

            Njeriu i cili e ka parë dritën fillon të sillet aq çiltërisht sa ai mund të quhet vetëm i rilindur. Por për shkak të çiltërisë së tij, sepse pastërtia e tij është si e fëmijës, ai mund të jetë i gënjyer, i mashtruar, i shfrytëzuar, në sytë e të tjerëve ai duket si një budalla. Fakti është se, ai është i vetmi që nuk është budalla; të gjithë të tjerët janë. Por budallenjtë janë në shumicë dhe njeriu i të së vërtetës është vetëm.

            Gautam Buda u bë ashtu si një fëmijë. Zaratustra u bë ashtu si një fëmijë. Kur Dostojevskit shkroi një libër në lidhje me njeriun e së vërtetës, njeriun e qetësisë dhe të pafajësisë, librin e titulloi IDIOTI. Personazhi paraqitej si një budalla: të jesh si një fëmijë është rreziku më i madh në këtë botë të çmendur.

            Ju po më pyetni se ku po përshtatem. Nëse ka dy gjëra që do të kisha mundur t’i zgjedh… Unë jam të dyja. Sa më përket mua, dhe atyre që më kuptojnë, unë jam një fëmijë. Sa i përket atyre që nuk më kuptojnë dhe që nuk duan të më kuptojnë, padyshim se unë jam një budalla. Unë përkryeshëm përshtatem me tërë fjalën e urtë.

            Pyetja e dytë

            Para dhjetë vjetësh keni thënë: “Holanda do të jetë shteti im i parë i portokalltë.” Të gjithë në Holandë e dinë se ju po vini. A mund të na thoni diçka për mendjen holandeze ju lutem?

            Hollande është vendi im. Unë kam më shumë miq të dashur në Holandë se kudo tjetër, jo vetëm të dashur, por në besim të thellë. Ata kanë qëndruar me mua që nga fillimi - ata nuk dinë të tradhtojnë. Kjo është një veti e madhe, një nder i madh, që të vazhdohet në dashuri, që të vazhdohet në besim, dhe duke vazhduar në kërkim të së vërtetës dhe kurrë të mos fillohe të flitet për grandet.

            Populli holandez janë të bukur. Unë kam ardhur në kontakt me shumë holandez sannjasin, kështu që tash ndjehem sikur të jem në Holandë. Edhe pse unë nuk kam shkuar atje ende... një ditë unë do të shkojë në Holandë.

            Dhe ky është besimi im - se edhe pse qeveritë, si ajo e Gjermanisë, mund të përpiqen të më pengojë mua për të ardhur në vendin e tyre, kjo nuk do të ndodhë në Holandë.

            Pyetja e tretë

            Në Holandë në mesin e të rinjve vetëvrasja është në rritje. Ju njëherë keni thënë se rinia është shpresa jonë për të ardhmen. Ata personalisht nuk duken se kanë ndonjë shpresë! A mund të thoni diçka për ta ju lutem?

            Unë ende them se rinia është shpresa për të ardhmen. Por brezat e juaj të kaluar e kanë vrarë fenomeni e thjesht të qenies rinore; ata e kanë shkatërruar rininë. Ata e kanë humbur dashurinë dhe besimin e të rinjve, sepse ata i kanë mashtruar shumë herë kështu që është bërë e pamundur t’ju besohet gjeneratave të vjetra. Çfarë kanë bërë gjeneratat e vjetra me të rinjtë, ata kanë bërë me shekuj. Tash kjo e ka arrit kulmin.

            Ata i kanë shtypur të rinjtë aq sa dashuria e tyre është e shqetësuar. Ata nuk kanë lejuar që ata t’i zgjedhin partnerët e tyre, ata kanë qenë duke u përpjekur për t’i rregulluar martesat e tyre - dhe çdo martesë është një dështim. Unë nuk kam takuar një martesë e cila nuk është një dështim. Mund të duket një sukses nga jashtë, por ju do të duhet të dini historinë brenda. Ajo është e shëmtuar, neveritshme. Personi i ri i sheh të gjitha këto: çfarë i ka ndodhur babait, çfarë i ka ndodhur nënës, çfarë po ndodhë në familje, çfarë po ndodhë në popull.

            Të rinjtë janë të detyruar të kenë pikëpamje të qarta – sy të ri pa asnjë pluhur. Ata mund ta shohin hipokrizinë e politikanëve; ata mund të shohin se liderët e tyre fetar nuk e dinë as ABC e religjionit. Dhe pas luftës së dytë botërore ata janë plotësisht të zhgënjyer, sepse pas luftës së dytë vetëm lufta e tretë botërore mund të ndodhë.

            Njëherë e kishin pyetur Albert Ajnshtajnin: “Mund të na thoni diçka për luftën e tretë botërore?”

            Ai kishte thënë: “Jo. s’mund t’ju them asgjë për luftën e tretë botërore, por mund t’ju them për luftën e katërt.”

            Pyetësi ishte befasuar. Ai i kishte thënë: “Kjo është e çuditshme: ju s’po mund të thoni asgjë për luftën e tretë, dhe ju keni kaq shumë besim kur thoni se mund të thoni diçka për luftën e katërt.”

            Ai ishte përgjigjur: “Po, mund të them me siguri të plotë se lufta e katërt nuk do të ndodhë, sepse e treta do të jetë e fundit; ajo do ta përfundojë gjithë jetën në tokë."

            Jeta e kujt do të përfundojë? Gjeneratat e vjetra veç kanë mbaruar; ata janë robotë. Ata kurrë nuk kanë jetuar në liri, në dashuri, ata kurrë nuk e kanë njohur kërkimin e të së vërtetës.

            Lufta e tretë botërore, nëse ndodhë, do të jetë vdekje e të rinjve që nuk kanë parë as ca pranvera të jetës, që nuk kanë njohur asgjë të këtij planeti të bukur. Është e natyrshme se ata do të jenë plotësisht të frustruar me tërë botën.

            Nga ky frustrim, nëse të rinjtë bëjnë vetëvrasje ata po i japin fytyrave tuaj shuplak, ata po thonë: “Para se ju ta bëni vetëvrasjen e tërë botës, të paktën ne duam të jemi individ. Ne nuk po mund të jemi individ shkaku i juaj - religjionit tuaj, politikës suaj, interesave tuja personale në jetë. Por të paktën na jepni lirinë kështu që ne të mund të bëjmë vetëvrasje dhe të paktën të kemi vetëm një çast të individualitetit – vendimin tonë personal. Ne nuk do të vdesin në përputhje me vendimet e Ronald Reagan.”

            Vetëvrasjet e tyre janë të rëndësishme; ato nuk janë vetëvrasje të zakonshme të cilat njerëzit i kanë bërë për shekuj. Ata janë pikëpyetje e shoqërisë suaj, familjes suaj, religjionit tuaj, dhe rrugës nga jeni duke e çuar botën.

            Unë kam diçka për t’ju thënë të rinjve: “Mos u bëni aq pesimist. Bërja e vetëvrasjes është shumë e lehtë, ajo nuk është punë e vështirë. Dhe bërja e vetëvrasjes nga ana juaj nuk do të parandalon vetëvrasjen globale që po vjen. Kur jeni gati për të bërë vetëvrasje, për të rrezikuar jetën tuaj, atëherë pse nuk e rrezikoni jetën tuaj në një rebelim kundër të gjitha vlerat të vjetra? Shkatërroni kishën, shkatërroni kombet, shkatërroni çdo diskriminim në mes racave, shkatërroni çdo jobarazi në mes gruas dhe burrit. Shkatërroni varfërinë në tokë.

            Ju nuk keni se çfarë të humbni.

            Ju keni qenë të gatshëm të bëni vetëvrasje, por para se të bëni vetëvrasje së paku bëni disa gjëra të nevojshme. Ndoshta me transformimin që ju e sillni mund të parandalohet bota nga shkatërrimi, dhe ju nuk do të kenë nevojë për të bërë vetëvrasje. Ju mund të jetoni në dashuri dhe të festoni dhuratën e madhe të jetës që ekzistenca e ka dhënë për ju. Mos e hidhni këtë aty për aty, për shkak se të tjerët janë sjellë në mënyrë idiotike. Për faj të tyre, mos e dënoni veten. Dhe kur ju keni vendosur për të bërë vetëvrasje, atëherë nuk ka problem, ju mund të rrezikoni gjithçka.

            Unë kam nevojë për njerëz të cilët janë të gatshëm të bëjnë vetëvrasje për shkak se vetëm këta janë ata njerëz që mund të bëhen sannjasin. Sannjas është gjithashtu një vetëvrasje - por jo vetëvrasja juaj. Kjo është deklarata që shoqëria ka vdekur dhe ne nuk duam të jetojmë në një varrezë, ne do të dëshironim të krijojmë shoqërinë tonë dhe ne do të dëshironim të krijojmë jetën tonë.

            Mos u bëni të nxitueshëm. Jeta është kaq e çmuar; mos e hidhni veç ashtu. Nuk ka nevojë. Ju mund t’i shihni njerëzit e mi që janë në të njëjtën situatë - por në vend se të bëjnë vetëvrasje ata kanë vendosur për ta transformuar jetën e tyre në dritën e shoqërisë së shëmtuar në të cilën ata jetojnë. Ata e kanë injoruar shoqërinë. Ata e kanë pranuar vdekjen e shoqërisë dhe qytetërimit dhe të religjionit. Ata janë të vdekur. A mendoni se ndonjë religjion është i gjallë?

            Religjioni i cili lulëzoi me Gautam Buda, vdiq me Gautam Buda. Kënga që u ngjallë me Lao Ce, vdiq së bashku me Lao Ce. Vallëzimi i Mira, vdiq me Mira. Kjo është rrjedha e natyrshme e gjërave.

            Të gjitha religjionet janë të organizuara rreth kufomave. Mos u mërzitni për ta, nuk kanë kurrfarë force, ata nuk kanë ndonjë jetë. Politikanët kanë vdekur me luftën e dytë botërore. Lufta e dytë botërore ishte një moment historik në historinë e njeriut.

            Tash, njeriu ose zgjedh një vdekje globale ose zgjedhë për t’i dhënë jetë njeriut të ri të cilit nuk do t’i duhet ndonjë politikanë, ndonjë prift, të cilit nuk do t’i duhet ndonjë lider – i cili do të jetë i mjaftueshëm ndaj vetvetes."

            Vazhdon...

 (1)    (2)    (3)             (5)     (6)