Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (2)

Kapitulli i nëntë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

            Pyetja e gjashtë

            A nuk po mendoni për aversionin tuaj, se kritika ndaj Papës do t’ju shkaktojë shumë probleme?

            Tërë jetën time jam kënaqur në vështirësi. Dhe unë do ta dua çdo problem që mund të shkaktohet nga opozita ime e feve të organizuar dhe të ashtuquajturve liderë të tillë të rrem.

            Por unë i njoh italianët më intimisht se që i njeh Papa i Polonisë. Ata do të jenë të fundit që do të më shkaktojnë ndonjë problem. Ata janë njerëz aq të dashur, aq të mrekullueshëm. Më pëlqen gjithçka e tyre, përveç shpagetave të tyre; ato i urrej. Por unë nuk mendoj se njerëzit do të më krijojnë probleme vetëm për shkaka se unë i urrej shpagetat.

            Pyetja e shtatë

            Ju keni dashtë ta sfidoni Papën ne një debat publik gjatë udhëtimit të tij të fundit në Indi, por kjo nuk ndodhi. Pse? Në veçanti, për cilat pika keni dashtë  të dialogoni me Papën?

            Jo vetëm që e kam sfiduar atë për një diskutim publik rreth çështjeve fundamentale mbi religjionin, unë i kam kundërshtuar edhe shovinistët hindu që ishin kundër tij. Unë kam qenë i vetmi në tërë Indinë i cili kam ngritur zërin se njerëzit nuk duhet të jenë kundër Papës në këtë mënyrë, kjo është e shëmtuar.

            Mënyrë shumë më e njerëzishme dhe më e mirë është që ai të ftohet me respekt në debat publik, kudo që ai shkon. India ka mijëra vjet eksperiencë në argumentim. Nuk ka asnjë problem në të argumentuar në lidhje me pyetjet themelore, por duke hedhur gurë, duke bërtitur, duke uluruar, duke protestuar ... Të gjitha këto janë gjëra të shëmtuara. Unë shpresoj që Papës do t’i kujtohet, kur të shkoj në Itali, se unë isha i vetmi që i kundërshtoja njerëzit që ishin kundër tij në këto mënyra çnjerëzor.

            Pyetjet fundametale që dua t’i diskutoj publikisht - në mesin e popullit të tij, në vet kalanë e tij, në Vatikan - janë shumë të thjeshta. Çështjet fundamentale të religjioneve është Zoti... Unë dua ta diskutoj Perëndinë, dhe dua ta diskutoj djallin. Pikërisht sot jam i informuar se ai ka proklamuar se djalli nuk është një trillim, por është një realitet. Unë dua të shoh këtë realitet.

            Ju do të befasoheni kur ta mësoni se ka religjione në botë të cilat nuk kanë ndonjë djall: taoismi në Kinë nuk ka djall; xhainizmi në Indi nuk ka djall, budizmi nuk ka djall. Por gjëja më e çuditshme për ju do të jetë që të gjitha këto fe nuk kanë as Perëndi. Pra, ka një lidhje të caktuar midis Zotit dhe  djallit.

            Zoti dhe djalli nuk mund të ekzistojë veçmas. Nëse është pranuar, të tjerat duhet të jenë të pranuara. Ju nuk mund të mendoni për Zotin e të mos mendoni për djallin, ju nuk mund të mendoi për parajsën pa ferr. E kundërta polare është absolutisht e nevojshme. Një gënjeshtër të çon në një tjetër gënjeshtër. Madje ekzistimi i Zotit nuk është dëshmuar, e Papa e proklamon realitetin e djallit. Arsyeja është, në qoftë se djalli është joreal (fiktiv), atëherë Zoti nuk mund të jetë i vërtetë. Djalli është ana tjetër e të njëjtës monedhë, të njëjtit trillim.

            Unë do të doja të diskutoja me të se a mund të shprehet e vërteta. Nëse e vërteta nuk mund të shprehet me fjalë, atëherë asnjë libër nuk mund të jetë i shenjtë. Unë do të doja për ta diskutuar Biblën e Shenjët, e cila ka pesëqind faqe të pornografisë së pastër. Vetëm për shkak se ajo është në Bibël, pornografia bëhet e shenjtë?

            Unë do të doja të diskutoja me të rreth meditimit, sepse krishterimi nuk di asgjë për meditim. Religjionet të cilat besojnë në trillimin e Perëndisë kanë humbur kushtin më fundamental të religjionit - meditimin. Religjionet të orientuara kah Perëndia kanë krijuar lutje. Lutja i adresohet Zotit. Lutja gjithmonë ka për t’iu adresuar dikujt; ju nuk mund vetëm të faleni. Ju nuk mund të thoni: “pavarësisht se kush do shqetësohet…”

            Meditimi është mënyra për ta ditur se çfarë është kjo vetëdije. Dhe një herë kur ja arrini ta mësoni se çfarë është kjo vetëdije, ju e keni gjetur çelësin kryesor, sepse po e njëjta vetëdije ekziston në gjithë universin. Nuk ka Zot, por universi është plotësisht i vetëdijshëm; ai është vetëdije e pastër.

            Unë do të doja të pyesja për trinitet të krishterë, se si ata e kanë shpikur atë. Babai është atje, djali është aty, por ku është nëna? Dhe çfarë lloj djali është ky shpirti i shenjtë? Vetëm fyerje për femrat - ata nuk kanë caktuar një vend në trinitet për femrën.

            Ka shumë probleme me të cilat është duke u përballur bota. Me shtimin e popullsisë është duke u përballur bota, e Papa dhe kukullat e tjera të tij janë duke predikuar kundër kontrollit të lindjes. Ata janë duke krijuar varfëri edhe më të madhe, dhe më shumë jetim. Kjo është një lojë e çuditshme.

            Në njërën anë ata janë duke krijuar më shumë varfëri, më shumë jetimë, sëmundje më shumë, më shumë vdekje, dhe në anën tjetër ata janë për hapjen e spitaleve për të sëmurët dhe jetimoreve për jetimët. Dhe prapa skenës realiteti është se ata janë për konvertimin e njerëzve të varfër në katolicizëm, vetëm për shkak se ata mund të sigurojnë bukën e gojës për vete.

            Kjo është fyerje e madhe e dinjitetit të qenieve njerëzore. Ju po i bleni  shpirtrat e tyre vetëm duke u dhënë atyre bukë dhe rroba, dhe ju jeni shkaktarët e varfërisë së tyre. Dhe ju vazhdoni me insistimin që të mos përdoret metoda e kontrollit të lindjes sepse është kundër Zotit. Ku shkruan në BIBLËN tuaj që përdorimi i metodave të kontrollit të lindjes është kundër Zotit? Dhe ku është shkruar që përdorimi i aeroplanit nuk është kundër Zotit?

            Ju jeni duke përdorur çdo teknologji që shkenca ka dhënë për juve. Por vetëm për njerëzimin, ju nuk doni që ata të mos jenë të varfër - ju nuk doni që ata të mos jenë jetimë, sepse pa jetimë, çfarë do të bëjë Nënë Tereza? Kush do t’i jepte çmimin Nobel? Për jetimët çmimi Nobel është i panevojshëm. Për jetimët hapat kundër shtatzënisë do të jenë të dënuara, kontrolli i lindjes do të jetë i dënuar.

            Tash në Indi krishterimi është bërë feja e tretë më e madhe. Dhe cilët janë ata njerëz të cilët janë bërë të krishterët? - Asnjë  brahman i vetëm, asnjë i arsimuar i vetëm, ose një i edukuar apo i pasur. Lypsa, ata që po vdesin, të uritur, njerëzit e varfër të cilët nuk kanë të ardhme - këta janë duke u bërë të krishterë. A mendoni se ata e kanë zgjedhur fenë tuaj për shkak të disa gjurmimeve religjioze, apo për ndonjë fitim material?

            Dhe për çfarë jeni të interesuar? Vetëm për ta rritur numrin e juaj, sepse numrat kanë pushtet - kjo është një politikë e tërë e numrave - ju po i mësoni njerëzit me gjëra të shëmtuara.

            Isha duke biseduar me një peshkop, dhe unë e pyeta: “Si mund ta dini se Zoti është kundër kontrollit të lindjeve? Ai kurrë nuk ia ka zbuluar këtë Jezu Krishtit. Ai kurrë këtë nuk ia ka zbuluar ndonjë profeti tjetër, ai këtë kurrë nuk ia ka zbuluar ndonjë shenjtori tjetër. Si keni ardhur në përfundim ...? Në fakt, duke parë që Perëndia ka vetëm një djalë, kjo është dëshmi e mjaftueshme që Ai e pason kontrollin e lindjes, në të kundërtën, në përjetësi Ai do të kishte krijuar aq shumë jetimë sa që do të ishte zhdukur çmimi Nobel!”

            Ndoshta kjo është arsyeja pse Ai nuk i lejon gruan në trinitet. Ajo duhet të mbahet diku në shtëpi, e mbyllur. Por ajo nuk është lejuar në vend të hapur, në publik, sepse gratë janë krijesa të çuditshme. Nëse keni një djalë, ato ju bezdisin: “Ne kemi nevojë edhe për një vajzë gjithashtu.” Nëse ju keni një vajzë, ato ju bezdisin: “Ne kemi vetëm një vajzë.” Nëse keni një djalë dhe vajzë, pastaj gruaja thotë: “Kush e di, njëri prej tyre mund të vdesë. Për të qenë në anën e sigurt, le të jenë të paktën tre.”

            Por Zoti ka vetëm një djalë të lindur. Dhe ju po predikoni në vendet e varfra si India se kontrolli i lindjes është mëkat.

            Tridhjetë vjet më parë, kur unë fillova t’i flas njerëzve, kam filluar t’iu flas atyre për kontrollin e lindjes dhe metodat e saja. Unë kam qenë i sulmuar me gurë. Tri herë përpjekje atentati ndaj jetës sime nuk është bërë për shkak se unë jam “shkatërrues i moralit të popullit”, unë po iu ligjëroj gjëra “kundër fesë së tyre.”

            Kur kam filluar, popullsia në Indi ishte katërqind milion. Tash popullsia e Indisë është nëntëqind milion. Pesëqind milion njerëz janë shtuar për tridhjetë vjet. Vendi ishte i varfër edhe atëherë. Dhe matematikanët dhe ekonomistët kishin menduar para pesë vjetësh, që deri në fund të shekullit  India do të ketë një popullsi prej një miliardi. Por tani ata kanë për të ndryshuar atë, popullsia po rritet më shpejt se sa ata mund të llogarisin.

            Tani ata kanë dalë me një vlerësim të ri: deri në fund të shekullit India do të ketë jo vetëm një miliard njerëz, por një miliard e tetëqind milion njerëz - pothuajse dy miliardë njerëz.

            Nuk ka asnjë mundësi për këtë vend për të mbijetuar. Kush do të jetë përgjegjës? - Perëndia? Jezu Krishti ... Papa ... Nëna Terezë ...? Kush do të jetë përgjegjës? Këta janë njerëz të cilët i korruptojnë mendjet e njerëzve.

            Unë i thashë peshkopit: “Kjo është një gjë aq e thjeshtë. Ju e definoni Zotin si të plotfuqishëm, të plotpushtetshëm, të gjithëdijshëm, të gjithëpashëm, kudo i përhapur, kudo i pranishëm. Nëse kjo është e vërtetë, atëherë çfarë është frika? Ai është i plotfuqishëm, a nuk mund ai të bëjë një shpuarje në prezervativ? Madje dhe një fëmijë i vogël mund ta bëjë këtë! Nëse të gjitha fabrikat që bëjnë prodhimin e prezervative, vazhdojnë me shpurjen e tyre... Kjo do të jetë krejtësisht e kuptueshme - se Zoti nuk e do kontrollin e lindjes. Por kush jeni ju? Ai është i gjithëfuqishëm, le ta bëjë ai atë... ju rrini të qetë.”

            Ka probleme në botë, dhe këta njerëz janë duke i rritur problemet. Ata nuk po e ndihmojnë njerëzimin në asnjë mënyrë.

            Ekziston AIDS-i, për të cilin njerëzit e fesë janë përgjegjës, sepse ata krijuan idenë e celibatit - e cila është e panatyrshme. Askush nuk mund të jetë i pamartuar, përveç nëse ai është impotent. Dhe kjo duhet të kuptohet, se asnjë njeri impotent në gjithë historinë nuk ka qenë krijuese në ndonjë lëmi: një muzikant i madh, një poet i madh, një shkencëtar i madh, një mistik i madh, jo - sepse seksi është energjia juaj, energjia juaj kreative. Njerëzit e juaj më kreativ janë njerëz më seksual.

            Predikimi i celibatit është kundër natyrës. Mandej duke i vendosur murgjit në manastire dhe murgeshat në vende të veçanta dhe duke mos i lejuar ata të takohen, keni krijuar homoseksualitet, keni krijuar lesbianisëm. E tash, nga homoseksualizmi ka dalë AIDS-i.

            Çdo qeveri e botës duhet të shpallë celibatin krim. Dhe kushdo që predikon beqari duhet të burgoset menjëherë, sepse ai është shkaku i një sëmundje vdekjeprurëse, AIDS-it e cila është e përhapur gjerë e gjatë. Në qoftë se armët bërthamore nuk ju vrasin, AIDS-it do të ju vras.

            Kjo sëmundje e shëmtuar është e bazuar në idenë absolutisht të palogjikshme, në ide irracionale. Natyra ju jep fuqinë për të riprodhuar: a është natyra kundër Perëndisë? Kjo duket të jetë shumë e çuditshme. Nga njëra anë këta njerëz shkojnë në duke thënë: “Perëndia krijoi botën, Zoti krijoi çdo gjë” - kështu që ai duhet të ketë krijuar marrëdhënie seksuale, po ashtu. A do të bëni një ndarje që Perëndia krijoi njeriun pa seks, e djalli e shtoi seksualitetin tek njeriu ?

            Por kush e krijoi e djallit? Nëse ju mendoni se Zoti është krijues i çdo gjëje, ai është krijuesi i djallit, ai është krijuesi i të keqes, ai është krijuesi i seksit, ai është krijuesi i çdo gjëje që ekziston.

            Është shumë e çuditshme që Zoti krijoi seksin e përfaqësuesit e tij janë kundër seksit - Njerëzit duhet të qëndrojnë në beqari”; Ata nuk e kuptojnë as ABC e fiziologjisë, biologjisë, kimisë. Njeriu mund të marrë zotim për të mbetur beqar, por çfarë mund të bëjë ai për ta ndryshuar biologjinë e tij, fiziologjinë e tij, kiminë e tij? Ata nuk e lexojnë BIBLËN e SHENJËT, ata nuk e kuptojnë asnjë papë, ata nuk dëgjojnë ndonjë mbeturinë. Ata thjesht shkojnë për të bërë punën e tyre.

            Edhe murgu krijon energji seksuale, spermë të gjallë - dhe ai ka vetëm një vend të kufizuar për të. Ai hanë, ai merr frymë, ai bën çdo gjë. Shumë e ma shumë energji futet brenda; sperma e vjetër është në nxitim për të dalë jashtë. Tani, ju e keni vënë njeriun e gjorë në një situatë të tillë të vështirë, dhe ai nuk mund të bëjë asgjë në lidhje me të. Ju mund t’i thoni atij: “Përsërit Ave Maria, Ave Maria, Ave Maria!” - Por spermat nuk i dëgjojnë të gjitha këto gjëra. Ato nuk besojnë, ato nuk janë besimtare. Ato thjesht duan që të dalin në ajër, sepse ato kanë një jetë shumë të limituar. Dhe ato do të gjejnë një mënyrë. Nëse ju nuk i japin atyre një mënyrë të natyrshme ju krijoni perversione.

            Të gjitha perversionet janë shkaku i feve tuaja.

            Kështu që unë jam i gatshëm për të diskutuar çdo gjë që e shqetëson  njerëzimin dhe mirëqenien e tij. Dhe unë do të doja që njerëzit e tij të jenë të pranishëm: kardinalët e tij, peshkopët e tij, njerëzit që e kanë zgjedhur atë, kështu që ata mund ta shohin se Papa i tyre nuk ka asnjë përgjigje për asgjë.

            Çdo gjë vazhdon njëjtë sepse të gjitha religjionet janë në të njëjtën barkë, kështu që ata nuk diskutojnë me njeri tjetrin për çështje fundamentale. Unë nuk i përkas asnjë religjioni, kështu që nuk kam se për çfarë të frikësohem.

            Unë nuk kam ndonjë program, ndonjë filozofi.

            Unë thjesht dua ta deprogramoj e gjithë njerëzimin.

            Dhe unë nuk dua që njeriu të jetë reprogramuar përsëri - kështu që njeriu të mund të jetojnë në dëlirësi, në gëzim dhe paqe, pa ndonjë skizofreni thyese.

            Vazhdon...

(1)                (3)     (4)     (5)     (6)