Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Sabir KRASNIQI

            NJERIU QË BËRI EMËR NË PERËNDIM - MR. KENANZIA SAHATÇIU

         Në bisedë është shumë i thjesht, i qetë dhe i qartë. Për sukseset e tij nuk dëshiron të falsë, për ato suksese falsin mirënjohjet dhe falënderimet e shumta nga vetë pacientët, të cilat na i lë në dispozicion z. Kenanzia. Pastaj, dhjetëra artikuj që shkruajnë për sukseset e tij, ditarin “fate njerëzore” etj., që dokumentojnë një aplikim të suksesshëm të metodave të tij shëruese.

            Për Kenanzian kisha dëgjuar në vitin 1987, atëherë kur edhe vet kisha filluar t’i hidhja hapat e parë në hulumtimin e botës së mistereve, të quajtur parapsikologji.

            Ishte jehona e revistës “ASTRA” të cilën asokohe, falë ndihmës së Shoqatës “UNIVERSI” arritëm ta plasojmë edhe në perëndim, duke na u mundësuar shitja e saj të lirë edhe nëpër kiosqet e shtetit zviceran, që na njoftoi e na afroi me shumë të interesuar nga kjo lëmi. Një ndër ta ishte edhe mr. Kenanzia Sahatçiu.

            Për ta bërë një prezantim më të plotë për këtë personalitet, pasditen e një të shtune, bashkë me mikun tim I. Beqiri (natyrisht të ftuar edhe nga Kenanzia) arritëm para dyerve të ordinancës së tij, në rrugën “Friedbergstrssa 1”, në qytetin e Gossaut, kantoni i St. Gallenit.

            Një ndërtesë moderne në mes të këtij qyteti të bukur zviceran, njërin kat të së cilës e shfrytëzonte edhe mr. Kenanzia. Të binte në sy tabela e madhe e reklamës në hyrje të ndërtesës me mbishkrimin: PHYSIOTHERAPIE KENY, Dipl. Phys. K. Sahatçiu.... ndoqëm shenjat  treguese dhe pas pak çastesh u gjetëm para portës së ordinancës.

            Një pritje e përzemërt nga z. Kenanzia dhe një ekspozim i shkurtër i ordinancës na bëri përshtypje mahnitëse! Një ambient fantastik, i rregulluar në mënyrë të përsosur, ndërsa aparatura shëruese (me vlerë shumë të madhe) i takonte fjalës së fundit të teknologjisë moderne.

            Por kush është, në të vërtet, mr. Kenanzia Sahatçiu?

            U lind më 18 tetor të vitit 1950 në Istog të Pejës, ku mbaron shkollën fillore dhe gjimnazin. Studion Edukatën fizike në Shkollën e Lartë Pedagogjike të Prishtinës. Pas tre vitesh punë si arsimtar i edukatës fizike, regjistron fakultetin e Edukatës Fizike, dega e Rehabilitimit, në Krakovë të Polonisë, ku në vitin 1977 merr titullin magjistër i rehabilitimit.

            Tri vjet punoj si fizioterpeut në Qendrën e Rehabilitimit të Banjës së Pejës, ndërsa më vonë në Entin për Preventiv dhe Rehabilitim të Banjës së Kllokotit. Gjatë kësaj kohe ai specializon në Shoqatën e Bioenergoterapeutëve në Varshavë për bioenergjinë si metodë shëruese - metodë të cilën do ta aplikoj edhe në Kosovë me vite të tëra për shërimin e të sëmurëve pa shpresa, ku do t’i fascinoj me sukseset e tij edhe organet kompetente mjekësore.

            Në vitin 1989 ai vjen në Zvicër ku punësohet në Qendrën për Fëmijë të Sëmurë nga Paraliza, në qytetin e St. Gallenit; pastaj si bashkëpunëtor profesional në Qendrën për fizioterapi të fizioterapeutes, Marianne Drginger - Unger. Ndërsa në vitin 1994, në sajë të punës së tij të palodhshme dhe të suksesshme, arrin të hapë ordinancën private, tani të njohur, jo vetëm për qytetin e Gossaus, por edhe në mbarë Zvicrën, ku punon edhe sot e kësaj dite.

            Gjatë këtyre viteve të qëndrimit në Zvicër, z. Kenanzia ka ndjekur edhe kurse për  metodën e “energjisë universale jetësore” ose e quajtur ndryshe “energji e Perëndisë” - REIKI, ku në vitin 1996 arrin të fitoj titullin “Mjeshtrit dhe mësuesi” për Reiki.

            Ka botuar librin “Dhembjet e shtyllës kurrizore dhe mjekimi me kineziterapi” si dhe shumë artikuj në gazeta e revista të ndryshme. Tani ka gati edhe dorëshkrimet e dy librave tjerë: “Bioenergjia” dhe “Reiki” të cilat së shpejto planifikon t’i botoj.

            ...në bisedë është shumë i thjesht, i qetë dhe i qartë. Për sukseset e tij nuk dëshiron të falsë, për ato suksese falsin mirënjohjet dhe falënderimet e shumta nga vetë pacientët, të cilat na i lë në dispozicion z. Kenanzia. Pastaj, dhjetëra artikuj që shkruajnë për sukseset e tij, ditarin “fate njerëzore” etj., që dokumentojnë një aplikim të suksesshëm të metodave të tij shëruese. Për të shkruare për sukseset e tij duhen faqe e faqe që të mblidhen emrat e shumë si Jusufi nga Peja, Shaqiri nga Prishtina, Aurelja nga Prizreni etj. etj.

            Puna e tij bazohet kryesisht në metodat e kombinuara të fizioterapisë dhe bioenergjisë. Metodën shkencore të fizioterapisë, të cilën e ka përvetësuar nëpërmjet studimit, dhe metodën e bioenergjisë, të cilën, siç beson edhe vet Kenanziu, e ka të trashëguar nga gjyshi, e të cilën më vonë dhe e specializoi.

            Edhe pse bioenergji posedon secili, të pakët janë ata që dinë ta lirojnë dhe ta shfrytëzojnë qëllimisht këtë dhunti të mrekullueshme të natyrës dhe ta vënë atë në funksion të shëndetit njerëzor. Për këtë arsye mr. Kenanzia Sahatçiu që disa vite organizon kurse për t’i aftësuar edhe të tjerët për shërim me anë të duarve, si dhe kontrolleve shëruese nëpër qendra të ndryshme shqiptare, si klube, shoqata në tërë territorin zviceran. Pjesën më të madhe të këtyre të ardhura nga kjo veprimtari, i ka destinuar në kontot e ndryshme, për qëllime humanitare dhe kombëtar, e mos të harrojmë ta theksojmë, se në këtë mes hynë edhe  revista “Astra”, për të cilën, asokohe, kishte kontribuar edhe materialisht edhe moralisht.

            ...U përshëndetëm dhe e falënderuam përzemërsisht z. Kenanzia për këtë mikpritje fisnike, duke i dëshiruar sukses të mëtejme.

            Kur e lëshuam ordinancën dhe dolëm në rrugë, muzgu kishte filluar ta shtrij pushtetin e vet mbi këtë qytet të bukur, ndërsa dritat vezulluese depërtonin thellë në psiken (trurin) tonë duke u zbërthyer në mijëra refleksione e nuanca të lloj-llojshme, duke e ngacmuar imagjinatën dhe nxitur atë drejt kërkimit të shtigjeve të reja që të shpijnë drejt vetnjohjes, vetërealizimit...