Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

ASLLAN QYQALLA

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

ASLLAN QYQALLA

            Hyrje

            Asllan Qyqalla u lind me 1 prill 1959 ne Prishtine. Shkollën fillore e mbaroi ne Bardh te Madh të Fushë-Kosovës, Gjimnazin ne Prishtinë dhe Fakultetin e Filologjisë dega Gjuhë shqipe e letërsi në Universitetin e Prishtinës. Ishte nxënës i shkollës fillore në kl. VI kur e botoi vjershën e parë në revistën letrare Pionieri në Prishtinë. Në gjimnaz, me 1976, botoi në revistën për të rinj “Zëri i Rinisë” tregimet: “Bukurinë ua vodhe luleve”, “Bija ime na gëzon”, ”Të kisha një vajzë sikur Havën” e shumë të tjera tregime;  skicat: “Makfiretja”, “Pse e pengojnë...?”, ”Punojnë e jetojnë si në një familje” etj., në revistën e studentëve “Bota e Re” Prishtinë. Pastaj  poezitë, reportazhet e tregimet të cilat i botonte edhe në gazetën ditore Rilindja, në revistat Shkëndija, Pionieri, GeP, Kosovarja, Jeta e Re; në Radio Prishtinë,  në programet “Karvani i fshatit”,  “Risi nga mesi ynë”, programin për të rinj etj. Gjatë viteve 1990-1999 botoi shumë artikuj në gazetën ditore “Bujku”, në Kohën Ditore, recensione të librave në Revistën Arsimore “Shkëndija” Prishtinë , etj.

            Në vitin 1984 pranohet profesor i Gjuhës shqipe e letërsisë në shkollën fillore “Zejnel Salihu” në Bardh të Madh, ndërsa që nga viti 1993 emërohet Drejtor i po kësaj shkolle gjerë me 1999.

            Asllan Qyqalla nuk rresht së shkruari dhe merret me kulturë, art e letërsi. Më 1985 bëri regjin e dramës për fëmijë “Moza dhe problemi 36” të Ivoni Resos dhe e përgatiti me nxënësit e shkollës ku punonte. Kjo dramë u shfaq në shumë qytete të Kosovës dhe TVP e xhiroi për emetim në TVP, por pushteti komunist i atëhershëm e ndaloi së emetuari në TVP, për shkak se autori i dramës është nga Shqipëria. Më 1986,`87 dhe `88 po ashtu ishte regjisor i recitatorëve dhe tri vjet rresht u kualifikuan recitatorët e tij në garat Republikane të Serbisë (merrnin pjesë recitatorët më të mirë të ish Krahinës së Kosovës dhe krahinës së  Vojvodinës) në Velika Pllan. Aty ishte më i miri me recitator, por për shkak të ngarkesave nacionale, serbët nuk ia jepnin vendin e parë, por të dytin.

            Më  maj të 1984 po ashtu e bëri regjin (kolektive) e komedisë “I pangopuri” të Nysret Simnicës   dhe ishte komedia më e mirë në Kosovë, ku u kualifikuam në garat Republikane në Kullë të Vojvodinës, me Teatrin e të rinjve të Prishtinës

            Më 1985 me Teatrin (grupin e dramës) të Fakultetit Filozofik bëri regjin e dramës “Shoku Nail” të Ramiz Kelmendit, po në këtë vit e vuri në skene komedinë e Kristo Floqit “Vëllezëri e interes” me Teatrin amator të Bardhit, pastaj komeditë “Zonja nga qyteti”,  “Kryt e hudres” të Krist Berishës.

            Më 1988 në Kretë të Greqisë e bëri dramatizimin e romanit të Sami Frashërit “Dashuria e Talatit me Fitneten” dhe e vuri ne skenë me Teatrin amator “Naim Frashëri” të Bardhit dhe në Festivalin e Teatrove amatore të Kosovës në Klinë e mora çmimin e AVNOJ-it për regji e dramatizim.

            Më 1989 po ashtu e bëri regjine dramës së Shefqet Canhasit “Fitorja është jona” të cilën pas premierës në Prishtinë, e ndaluan së shfaquri dhe filloi përndjekjen si regjisor, pushteti i atëhershëm jugosllav.

            Me 1992 e bëri dramatizimin dhe regjin e romanit te Musa Ramadanit “Zezona” dhe e shfaqi premieren ne Bardh te Madh te cilën ia ndaluan pushteti serb.

            Po ashtu, më 1993 me Teatrin e të rinjve të Prishtinës, bëri regjin e dramës “Rënia e diktatorit” ku edhe kjo u ndalua së shfaquri pas premierës.

            Më 1993 më emërohet Drejtor i shkollës fillore në Bardh të Madh dhe ishte Kryetar i Ansamblit “Naim Frashëri”.

            Ishte kryeredaktor i revistës letrare “Naim Frashëri” (1986-1989) që doli vetëm pesë numra, për shkak të mjeteve nuk u botua më shumë. Anëtar i Klubit letrar “Naim Frashëri” të Bardhit, në Fakultet filozofik dhe në Klubin letrar të të rinjve në Prishtinë.

            Më 1995 botonë librin në prozë “Bardhësi në Bardh”, redaktor ishte Sabit Jaha e Prof. Isa Bajçinca

            Më 2003 e zgjodhën Drejtor i Qendrës Kulturore në Fushë-Kosovë, ku ende është duke  kryer këtë detyrë.

            Kryetar (Drejtor) i Shoqatës së Shkrimtarëve “Naim Frashëri” në Fushë-Kosovë. Ka marrë çmime në konkurset letrare në Malishevë, Podujevë, Prishtinë, Koblenz, Tiranë, Durrës, Kërçovë etj.

            Anëtar i Jurisë në Kuizin e RTK1 “1,2,3 Fillo” për vlerësimin e eseve.

            Kryetar i LNPSH ”Pegasi” Albania për Prishtinën.

            Më 2013 ka botuar librin e dytë në prozë (tregime) “Nimfa e një zemre të lënduar”, redaktore Prof. Dr. Zejnepe Alili-Rexhepi, recenzenet Xheladin Mjeku dhe me 2014, 2015 Antologjinë me poezi “Mall poetik 1, 2” te shkrimtareve nga mergata Edicioni III-te e IV-të i takimit me radhë që e mban Shoqata  e Shkrimtarëve “Naim Frashëri” Fushë-Kosovë.

            Ka të botuara në revistën arsimore “Shkëndija” në Prishtinë recensione për librin me poezi të Vjollca Dibrës, Ali Prebrezës, Blertë Prebrezës, Sara Alshiqit, Gani Pllana, Ibush Krasniqi, Albulena Pllana (recensioni i kësaj poeteje  është botuar edhe ne gjuhën rumune në Rumani), Kosovare Pajaziti, Florenta Murati,  etj.

            Redaktor  e recensent i librave me prozë e poezi te autoret: Blertë Prebreza (dy vepra: me tregime e novela), Ali Prebreza (poezi), Kosovare Pajaziti (roman), Ibush Krasniqi (poezi), Sara Alshiqi (poezi), Albulena Pllana (poezi e përkthyer recensioni ne gjuhen rumanishte), Florenta Murati (tregime), etj.

            Ka në dorëshkrim librin me tregime, një libër me poezi dhe një dramë.

            Organizator  i shumë Manifestimeve i Film Festit, atyre letrare, artistike e kulturore si në Kosovë, Shqipëri e Diasporë.

            Anëtar i Këshillit redaktues të Revistës letrare e kulturore “Mirdita” në Mirditë.

            Legjenda: Antologji “Mall poetik” poezitë e poetëve nga Mërgata, Shqipëria, Kosova,Mali i Zi, Presheva e Maqedonia , 2014.

KUSH TRAZON QIELLIN TIM ? 
(thirrjes me, 10.4.`15,ora 8;40)

Alo , jeni Lani?
Zëri matanë telit drithëron
Këtej qiellit tim malet oshtijnë 
Zemra ime seç pëlcet
Këtej mardhin
Andej sa nxehtë 
Ngjyrën e fjalës kishim harruar
Në peizazhin e amorit shtruar
Në mëngjesin e “prillit të thyer”

Alo ,alo,…a jeni Lani?
Zëri jehon ëmbëlsisht
Shpirti trandej tmerrësisht 
I  strukur në nostalgji
Mornica ndjeja si një pelegrin 
ëndërroja në shekuj atë përqafim

“- po, po , unë jam”!
Mbyllur në ego e timbrin buzor 
Nga mishi,kocka e nga gjaku jam
Nuk jam pa shpirt nuk jam shkëmbor
Trazim kohësh në këtë pranverë të vonë

“Alo, Lani,
Jam Adesa, ,,,të përshëndes 
sa kohë s`jemi….po, po, ty ….” 
Shtrëngim malli në zemër ndjej 
Kush trazon sot këtë Diell
Lulet dhe ëndrrat s’lidhin kurorë 
në pranverën e vonë

“Alo, Lani
jam Adesa

këtu në tokën tënde flas 
S`më njeh apo më ke harruar krejt ?!” 
Qielli im pa yje, pa ëndrra, pa lule 
Tretur në oazën e gjithësisë
Fjala ngeli e pathënë
Seç u trazova këtë mëngjes

në pranverën e vonë….

SHTRIRJE (I)LIRIE

Strofuj skifterësh në rrasa shkëmbore

Përpëliten në flatra shekullore

Melodi e këputur në vargun e pentagramit

Syrgjynosur në gjembat torturues

Qiellin qëndisin me notat e (I)Lirisë

Në testamentin stërgjyshëror.

Himni kombëtar

Trand shkrepat e Çiçavicës

Betimi ynë në Vdekje a (I)Liri

Copat e arnuara i ujtisim

Në Pellazgi

Xhemedanin shtrirjmë

Në hapësirën Dardane

Flijimi i Bacë Ademit

Shtrinë Lirinë

Mbi ILIRI!

LOTI I SHAMISË

AH! në intensivë dëgjohet frymë oksigjeni

Udhëtim i përjetshëm në atdheun e Teutës

Përpëlitje takimesh në stacionin e fundit

Iliria(ni) përkëdhel duart në ngrohtësi amnore

Fërkim betejash me Shpendin  syshqiponjë

Harlisje metastazash në thellësi trupore

Belbëzime zemrash:

Hava këtu jemi,

Me ty ndjehemi ….!

Loti symbyllur rrugëton  në një skaj…

Ngarend Linda me buzë në vaj

Pranvera në verë sa mall ka për një ofshamë

Rreze ngrohtësie në Prishtinë ranë

Në  neurologji rrugëtimin mori

Hava pa itinerar

drejt dritësisë engjëjt ka në krah

“Mos më ndalo rrugëtimin, o Lan

Jam e Juaja , po në kopsht te Ade(a)mit do ligjëroj

me Bogdanin, Buzukun, Bokshin kam një dialog

Sa  rrugëtim i bardhë

E di se

Loti do u mbetet  i ngrirë në qepallë!

DEGDISJE DHIMBJEJE

(më 17/18 korrik 2015 në Kampin Rugova me Havën)

Gryka prek Qiellin në nostalgji

Shushurima preh plagën

Erëlisi freskon shtatin e mplekjes së dhimbjeve

Që mbërthyer kanë muzgkorrikun

Në Malin e dhimbjes

Ca gangrena shekujsh

Pamëshirshëm lodrojnë në metastazë

Dy pika loti

Shkrepat e Rugovës pushtuan

Ofshamë malli tek Lani riguan

Buzëngrirë në bjondi ngjiren

Lehtë më merr në dorë

Për të pushtuar një botë

E imja Siborë

Ea në Detin e Vdekur kërkon pavdekësi

E gjen të mbjellë

Te fatrrita

Mbështjellë  në saksi.

MË FAL, HAVA

Më fal Hava, më fal

Dje lule nuk të solla

atje nën hije të mollës

tek pushon e qetë

nga lodhjet e jetës!

Dje, nuk ta lexuan bibliografinë

as në Amfiteatër,

të kujtuam me pak fjalë

si një person të  rëndomtë

e ti në shkencë

ishe në piedestal

më fal Hava,

më fal!

Të përcollëm në gjuhën arab

Ta qëndisëm trupin me ngjyrë arafat

Pse s`të mbështollëm

me gjuhë e flamur

Të ligjëroje Shqip edhe në varr

Më fal Hava,

më fal!

Gjuha  sojsuz

E një plaku matuf, si një papagall

T`i zmbrapsen miket me buçetë në duar

E me sytë plot mall

Atje tek i prisje Ti

Nën mollën e egër plot buzagaz

Ne, të mallëngjyer kërkojmë

Na fal, Hava,

na fal! 

DIELL I PAPERËNDUAR

Agu i mëngjesit përkëdhel kujtimet

Sogjetar të natës ishim në mejtime

“Mirëmëngjesi Havë !”

Belbëzojmë  në sy,

Ti qesh lehtë e me ëmbëlsi  

Mbush një Qiell me dashuri

Në këtë muajshtator

Hesti1), moj Hesti.

Hestia jonë

Ku trete ne korrik aq shpejt,

Ike lartë në malin Olimp,

Te kërkonim në gusht

Në  seminar

Lartë nga kupa një meteor ra,

“Gjurmë  pellazgjike në gjuhën shqipe ka!”

Oshtinë ligjërimi në Prishtinë

Hestin, moj Hestin.

Hestia jonë,

Në ballin tënd hullor

Butësisht  shpjegoje

Për shume studiues albanolog

Ndër të lashtat kohë.

Hestia jonë,

Ku mbeti jeta në imagjinatë

Në ekstaza të epokës

Apo në tokë të thatë

Ti flakëron në kaltërsi

Për kllokotjen tënde

Me shend e dashuri

Diell i pa perënduar

Si Hestia!

1)   Hestia ishte hyjnesha e zemrës e familjes dhe e harmonisë familjare