Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

ABAZ ÇENGAJ

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

ABAZ ÇENGAJ

            Hyrje

          Abaz Çengaj u lind me 1960 në Pllajnik. Shkollën fillore e kreu në Pllajnik – Kuk - Bresanë. Të mesmen në Dragash dhe Prishtinë. Studioi në Fakultetin Filologjik të Prishtinës, në Degën e Gjuhës dhe Letërsisë frënge. Punoi mësimdhënës në Shtime, Kuk, Kosavë, Blaç, Bresanë, Pllajnik.

            Gjatë periudhës 1989-99 u maur me veprimtari të ndryshme patriotike dhe gjatë kësaj kohe mbajti hapur dyert e shkollës ne fshatin e tij te lindjes, kur arsimi shqip u pavarësua nga ai jugosllav. Ne vitin 1986 u largua nga procesi mësimor, i papërshtatshëm ideo-politikisht deri ne vitin 1992 ku dhe filloj të punoj mësues në fshatin e tij te lindjes.

            Nga viti 1981 e këndej ishte pjesëmarrës i çdo organizimi dhe lëvizjeje për Çlirimin e Kosovës. Gjatë kohës së Luftës, në Kukës, ndihmoi popullatën në bashkimin e tyre familjar përmes Shoqatës franceze “Droit de parole” përmes Radio Kukësit. Pas mbarimit të Luftës (aktivizoi me disa shokë radion e parë në Kosovë) ku punoi 6 vjet gazetar, redaktor dhe kryeredaktor ne Radio “Sharri”.

            Gjatë kohës së studimeve bashkëpunoi me gazetat: "Zëri i rinisë”, “Bota e re“... Pas mbarimit te luftës, ishte ideator për botimin e gazetës “Ditët e Shpresës” gazetë kjo që u botua për një kohë të gjatë në regjionin e Prizrenit nga KFOR-i gjerman. Një kohë të shkurtër ishte edhe korrespodent i gazetës “Koha Ditore" . Është anëtar i Redaksisë së Revistës Sharri.

            Libri i parë i tij “Mbi Varrin Tim”- u botua me 1994 nga KL”Luigj Gurakuqi” i Dragashit. Është pjesëmarrës me poezi edhe në librin e përbashkët “Reshje nën Pikëllim” (grup autorësh 1996) dhe “Lule ne Zinove” (poezi te zgjedhura nga autore Opojane 2011 nga Shoqata Kulturore Ymer Prizreni). Me 1997 Ndërmarrja Botuese “Rilindja” botoi përmbledhjen e tij të dytë më poezi “Unë Mumie e fundit”. Ne vitin 2013, Biblioteka komunale e Prizrenit, botoi përmbledhjen me poezi (grup autorësh ) “Ku Sofra e Kuvendi rri shtruar” e ku edhe ne këtë përmbledhje është pjesëmarrës me disa poezi.

            Ka marrë pjesë në shumë konkurse letrare të poezisë si dhe në shumë orë letrare të organizuara në shumë vende te Kosovës, Shqipërisë dhe Maqedonisë. Është recensent i shume veprave me poezi te poeteve te ndryshëm te regjionit te Prizrenit. Tash është mësimdhënës ne Shkollën e Mesme “Ruzhdi Berisha “ në Dragash.

EDHE VDEKJA QENKA LINDJE

(nënës sime disa minuta para se të vdiste)

pulset ndalën

e zemra ngadalëson ritmin e saj

në ora 18 e ca minuta

një lule vyshket përgjithmonë

një jetë  një vdekje një rilindje

 vdekja qenka gjë e bukur

atëherë kur ka  dikush të kujdeset për ty ...

nëna ime e dashur

do të të dua edhe pas vdekjes  

DO TË NUMËROJNË

fle

qetë-qetë katundi im

i strukur

mu në rrëzë të Sharrit plak

aty

ku dhe metalet

marrin lirshëm frymë

e do të  zgjohet

në vitin  2000

atëherë kur do të rifillon

t’i  numëron vitet

e rilindjes së vet 

JE I HUAJ

në dhé të huaj

të fyejnë

të ngrejnë

të ulin

të shpallin të krisur

në dhé të huaj

je i huaj

mos qofsh i krisur

në dhé të huaj

ruaje lulen e ballit

se të godasin

dhe falje s’të kërkojnë

në dhé të huaj

qofsh i huaj gjithmonë

NJERËZIMIT

njerëz

o njerëz të mirë

njerëz

o njerëz të këqij

bëhuni njerëz që dhe unë t’ iu them njerëz

e njerëzit t 'u thonë njerëz

njerëz o njerëz

...dua të rri me njerëz

 me njerëz të sojit tim

 me njerëz të sojit të njerëzve

e jo me njerëz të panjerëzi

o njerëz

njerëz!

BREVIS EPISTULLA

pres

dhe vetëm pres

engjëjt me thonë të pres

princeshën e ëndrrave

edhe nëse nuk më do

mos më trego mua të lutem

më lërë, mos më zgjo

mos ma prishe ëndrrën time të bukur

PËR TY

Kurrë s’të thashë se të njoh

Ose më mirë të them, të njoha aq shume

Sa qe dëshirova ta gdhije edhe një ag me Ty

Orvatjet ishin të kota, nuk u takuam

Vullneti i tepruar solli vetminë

Asnjëherë mos u jep shumë pas së bukurës

Ruaj për fund të pa thënën mbaje për vete

E kaluara është e hidhur, të tashmes s’i dihet

Agu i një dite

Gëlltiti ëndrrat e posa filluara

Unë i rikthehem ëndrrës sime te përjetshme