Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (5)

Kapitulli i njëzetë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

            Nga një orientim tjetër, një psikolog shumë i njohur, Delgado, kishte qenë duke u marrë me kafshët. Ai ishte befasuar kur kishte mësuar se nëse minjve i jepet një vakt në ditë, ata jetojnë dy herë më gjatë, derisa jetëgjatësia iu është shkurtuar minjve të cilët kanë marr dy vakte në ditë. Ai vetë ishte befasuar: më pak ushqim dhe jetë më gjatë; më shumë ushqim dhe jetë më e shkurtër.

            Tani ai ka dalë me teorinë se një vakt është krejtësisht e mjaftueshme, në të kundërtën ju e ngarkoni sistemin e tretjes, dhe që shkakton shkurtim të jetëgjatësisë suaj. Por çfarë bëhet me njerëzit që marrin pesë vakte në ditë…? Mjekësia nuk do të lejojë që ata të vdesin, por nuk do të lejojë që ata të jetojnë tepër. Ata thjesht do të vegjetojnë.  

            Njeriu duhet t’i rishikojë të gjitha traditat, të gjitha burimet e ndryshme, çdo faktet që është në dispozicion duhet të rishqyrtohet. Një qasje krejtësisht e re mjekësore duhet të zhvillohet e cila merr parasysh akupunkturën, e cila merr parasysh Ayurveda, e cila merr parasysh mjekësinë greke, e cila merr parasysh Delgado-n dhe hulumtimet e tij - e cili merr parasysh faktin se njeriu nuk është një makinë. Njeriu është një qenie shpirtërore shumëdimensionale, dhe ju duhet të silleni me të në të njëjtën mënyrë.

            Shëndeti nuk duhet të definohet negativisht: ju nuk keni ndonjë sëmundje dhe në këtë mënyrë ju jeni të shëndoshë. Unë e kuptoj pse ata nuk kanë qenë në gjendje të gjejnë ndonjë definicion pozitiv – për shkak se sëmundja është subjektive, dhe ndjenja e shëndetit është subjektive.

            Mjekësia perëndimore nuk e pranon se ka ndonjë subjekt brenda juve. Ajo e pranon vetëm trupin tuaj; ajo nuk ju pranon juve.

            Njeriu duhet të jetë i pranuar me tërësinë e tij.

            Të gjitha metodat e tjera që janë përdorur në mbarë botën duhet të sillen në një sintezë, ato nuk janë kundër njëra-tjetrës. Tash për tash ato janë duke funksionuar si të ishin kundër njëra-tjetrës. Ata duhet të bihen në një sintezë dhe që do t’ju japë një pamje më të mirë të njeriut dhe një jetë më të mirë për qeniet njerëzore.

            Për shembull, akupunktura është dhe ka qenë e pranuar, sepse shtatë qind pika bio-elektrike janë zbuluar nga akupunkturistët para mijëra vjetësh dhe prapë janë zbuluar nga fotografitë e Kirlianit. Ai i ka fotografuar ato, dhe ju mund t’i përkrahni ata; janë saktë shtatë qind pika. Ju duhet të vlerësoni gjenialitetin e njerëzve të cilët nuk kishin kamera, të cilët nuk kishin filma të ndjeshëm. Ata ende janë në gjendje të menaxhojnë shtatë qind pikat. Kjo tash është mirë e njohur, sidomos nga neurokirurgët, që çdo gjë e ka qendrën në tru. Nëse dora juaj paralizohet, është budallallëk të mjekohet dora; ju nuk mund ta mjekoni atë. Atëherë vetëm sugjestioni, sugjestioni mekanik, do të jetë për të prerë atë dhe për të zëvendësuar me një dorë mekanike e cila të paktën do të jetë në gjendje të lëvizë, ju mund të bëni diçka me të. Kjo dorë është absolutisht e kotë, ajo ka vdekur.

            Ajo nuk ka vdekur. Disa qendra në kokën tuaj kontrollojnë këtë dorë. Dhe kjo qendër duhet të mjekohet. Dora nuk duhet të preket fare; kjo qendër nuk funksionon, ka disa probleme me qendrën.

            Herët a vonë e gjithë medicina do të dominohet  nga qendrat e trurit. Këto qendra kanë mbikëqyrje të gjithçkahi në trup. Kur diçka shkon keq në qendër kjo vetëm simbolikisht shfaqet nga pjesët e jashtme të trupit. Ju filloni të mjekoni pjesët e jashtme; ju nuk shkoni shumë thellë.

            Mjekësia moderne perëndimore është sipërfaqësore, ju duhet të shkoni tek vetë rrënja: pse kjo dorë papritmas u paralizua? Qendra në tru ka disa probleme, dhe kjo qendër mund të kurohet shumë lehtë. Kjo është një qendër bio-elektrike.

            Ju do të befasoheni kur të mësoni se një herë, e kjo ka ndodhur në Suedi me një grua të bukur… diçka kishte shkuar keq në sistemin e brendshëm bio-elektrike të saj. Ajo kishte filluar t’i grushtojë njerëzit. T’i shkëmbesh grushtat me një grua ju nevojitet kurajo e madhe! Burri i saj kishte kërkuar divorc, sepse të çosh dashuri me të do të thotë të marrësh një goditje elektrike të tillë që të rrëzon nga shtrati. Edhe fëmijët e saj është dashur të mbahen ndaras. 

            Atë e kontrolluan mjekët. Ata nuk patën sukses ta zbulojnë… ata kurrë nuk kishin dëgjuar për një sëmundje të tillë. Kjo nuk ishte sëmundje – vetëm disa tela elektrik u ngatërruan, diçka shkoi keq në sistemin e saj elektrik. Kjo grua ka qenë e para e cila ka dhënë shembullin se trupi kalon nëpër bioelektricitet. Ata ia dhanë një llambë pesë vat në dorë dhe llamba filloi të ndriçonte. Dhe kjo grua u bë jashtëzakonisht e rëndësishme në të kuptuarit e njeriut.

            Ndoshta kur ju nuk ndiheni mirë, kjo është vetëm shkaku se bateria juaj po shpenzohet – keni nevojë për rimbushje. Nëse dora juaj është paralizuar, ndoshta qendra e ka humbur elektricitetin e saj, ajo mund të rimbushet, nuk duhet asnjë ilaç, nuk duhet kurrfarë operacioni. Tash ne jem në pozitë të shikojmë njeriun nga një tjetër këndvështrim: në ç’mënyrë shkencat e ndryshme, kulturat e ndryshme, në kohërat e ndryshme e kanë mjekuar njeriun. Dhe nganjëherë në qoftë se gjërat e çuditshme mund të funksionojnë, ato duhet të pranohen në vend se të refuzohen.

            Për shembull, shtatëdhjetë për qind e sëmundjeve janë vetëm në mendjen tuaj: ju nuk i keni ato, ju vetëm mendoni se ju i keni ato. Tash, është rrezik t’ju jepen ilaçet allopathic për këto sëmundje, sepse të gjitha ilaçet allopathic në një formë apo tjetrën janë shumë të lidhura me helmet. Nëse ju keni një sëmundje, ilaçi është i mirë; por nëse nuk keni ndonjë sëmundje por vetëm idenë e sëmundjes, atëherë homeopatia është e mirë, sepse ajo nuk dëmton askënd. Nuk ka asgjë në të, por kjo është një ndihmë e madhe për njerëzimin. Mijëra njerëz janë duke u shëruar me homeopati.

            Nuk është pyetja se është homeopatia ilaç apo jo. Pyetja është: nëse njerëzit kanë sëmundje jo reale, juve ju duhet një sistem shëndetësor jo real për ta. Homeopatia s’ka asgjë në vete, por ka njerëz të cilët nuk kanë ndonjë sëmundje, por e torturojnë veten me idenë se e kanë. Homeopatia do t’i ndihmojë ata menjëherë. Ajo shëron njerëzit, por kurrë nuk dëmton askënd. Kjo është mjekësi fals - por çfarë të bëjmë me një njerëzim fals?

            Mjeku dhe infermierja indiane nuk kanë asnjë instrument, vegla të sofistikuara, rrezet –X apo gjërat e tjera, ata madje nuk kanë as stetoskop. Ata vetëm e kontrollojnë rrahjen e zemrës suaj – dhe kjo ka funksionuar përkryeshëm për mijëra vjet, ata do të përpiqen ta harmonizojnë rrahjen e zemrës tuaj. Ilaçet e tyre do të ndihmojnë zemrën tuaj të ketë rrahje të harmonizuara, dhe përnjëherë sëmundja do të zhduket. Ju mendoni se sëmundja është shëruar – por sëmundja ishte vetëm një simptomë.

            Kjo është arsyeja pse në Ayurveda ata kanë mundur të heqin dorë plotësisht nga operacioni: kjo e kishte reduktuar njeriun në një makinë. Kur gjërat mund të bëhen shumë më lehtë me minerale, me ilaçe bimore, gjëra të natyrshme, pa helmimin e organizmit të njeriut, atëherë pse panevojshëm t’i jepen njeriut helmet? - Të cilat do të kenë efektet e tyre anësore!

            Ndoshta kjo është një nga arsyet pse mjekësia është rritur dhe evoluar... dhe krah për krah sëmundjes shkon duke u rritur. Ju e mjekoni një sëmundje, por ju e mjekoni atë me helm, sëmundja do të shkojë, por helmi do të mbetet në organizëm. Dhe se helmi do të vazhdojë të krijojë vetë efektet e veta. Pra, të gjitha ilaçet bimor, të gjitha mineralet dhe gjëra të tilla si homeopatia duhet të kombinohen.

            Ajo duhet të jetë vetëm një shkencë me degë të ndryshme, dhe mjeku vendos se në cilat degë duhet të dërgohet ai njeri. E jo të përdoren thëniet e dikujt: “Ti nuk je i sëmurë”; kjo fare nuk duhet të merret parasysh. Ai thjesht do ta ndërrojë doktorin, që është i vetmi efekt. Ai e kërkon mjekun i cili i thotë: “Ti ke sëmundje.”

            E kam shfrytëzuar njohjen e një sharlatani. Ai ishte njeri shumë i mençur. Në momentin kur keni hyrë në ordinancën e tij, para se ta takoni atë, ju është dashur të kaloni nëpër laboratorin e tij, vetëm për të krijuar një përshtypje tek ju se ai ka një laborator të madh me instrumente të çuditshme… dhe ai nuk do t’i përdorë gjërat e zakonshme.

            Për shembull, ai nuk do të përdorë stetoskop për të kontrolluar rrahjet e zemrës suaj. Ju do të duhet të shtriheni në një tavolinë... ajo nuk ishte asgjë pos dy shishe të mëdha me ujë me ngjyra të ndryshme në to, dhe uji fillonte të derdhej poshtë e lart me rrahjen e zemrës suaj – stetoskopi është i punuar ndryshe. Ju jeni shumë të impresionuar se sa vetëm me një stetoskop të zakonshëm. Ai shikon, dhe ju jeni të shikuar...

            E kam pyetur: “Pse i bën të gjitha këto marrëzira?” Ai e kishte punuar tërë laboratorin në mënyrë që pacienti ta vras kohën derisa ai ta kontrollojë. Ai tha: “Vetëm shkaku i psikologjisë njerëzore. Ata nuk kanë nevojë për mjekim”.

            Është zbuluar me shumë eksperimente se Alopatia është e suksesshme në shtatëdhjetë përqind të rasteve; homeopatia gjithashtu është e suksesshme në shtatëdhjetë përqind të rasteve; ayurveda gjithashtu është e suksesshme në shtatëdhjetë përqind të rasteve, edhe akupunktura është e suksesshme në mënyrë të njëjtë. Kjo është e çuditshme: kjo duket për pak njerëz - shtatëdhjetë përqind - janë të gatshëm të shërohet, dhe çdo lloj i mjekësisë ndihmon.

            Disa njerëz e kanë humbur vullnetin për të jetuar; atëherë nuk ka ilaç që mund të ndihmojë sepse thelbi i vullnetit për të jetuar nuk është më aty. Ata veç kanë vdekur, ata janë duke e pritur vetëm kohën e varrimit. Këta njerëz nuk kanë nevojë për mjekësi, ata kanë nevojë për një lloj tjetër të terapisë që u jep atyre vullnet të jetojë përsëri. Ky është kushti fundamental i tyre - vetëm atëherë çdo ilaç tjetër do të ndihmojë.

            Të gjitha këto gjëra duhet të jenë të kombinuara së bashku në një sintezë, një tërësi, dhe njeriu mund të çlirohet plotësisht nga sëmundjet. Njeriu do të jetë në gjendje të jetojnë së paku njëqind vjet, që është një vlerësim shkencor. Trupi i tij ka mundësi për të shkuar në rinovimin e vetë për treqind vjet. Pra, çfarëdo që kemi bërë në esencë është gabim sepse njeriu vdes në moshën shtatëdhjetë vjeçe.

            Dhe ka prova...

            Në një pjesë të Kashmirit e cila tani është pjesë e Pakistanit – Pakistani e ka okupuar atë - njerëzit jetojnë shumë lehtë deri njëqind e pesëdhjetë vjet. Në Rusi ka shumë njerëz të cilët janë njëqind e pesëdhjetë vjeç, dhe ka njerëz që kanë arritur edhe njëqind e tetëdhjetë.

            Tani, ushqimet e këtyre njerëzve, shprehitë e tyre duhet të jenë të studiuar, dhe ato ushqime dhe ato shprehi duhet të bëhen të njohura.

            Një person njëqind e tetëdhjetë vjeç i Rusisë sovjetike, në një pjesë të veçantë të Kaukazit, ende punon në fushë ashtu si çdo njeri i ri, ai nuk është edhe i vjetër. Ushqimi i tij, mënyra e tij e jetesës duhet të studijohet thellësisht. Dhe ka shumë njerëz në këtë zonë - vetëm në atë zonë të Kaukasit... Kjo zonë ka prodhuar njerëz vërtetë të fortë. Vetë Jozef Stalin ishte nga ajo zonë, Gjorgj Gurdxhief ishte nga ajo zonë - e jashtëzakonshme e njerëzve të fortë.

            Mjekësia ka nevojë për një orientim krejt të ri. Tash është e mundur, sepse çdo gjë është e njohur se çka ka ndodhur rreth botës, ne vetëm thjesht nuk duhet të paragjykojmë nga fillimi

            Vazhdon...

 (1)    (2)    (3)    (4)              (6)