Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

www.tiranaobserver.al

TË GJITHA RECETAT E MJEKËSISË POPULLORE PËR TË LUFTUAR SËMUNDJET

(2)

    Sot shkenca dhe mjekësia ka bërë të mundur që të evitohen ose të shërohen shumë sëmundje të përhapura, të trupit dhe të mendjes, duke bërë një jetë të shëndetshme. Një rol të rëndësishëm luan ndjekja e disa rregullave të thjeshta të dietës dhe shëndetit.

            KAPINOKU (bar)

            Bima përbëhet nga pjesa mbitokësore e lulëzuar dhe e tharë e kapinokut ose barit të qenit, i cili është bimë barishtore shumëvjeçare e zakonshme kudo tek ne në vende të thata të papunuara, pranë banesave, veçanërisht në zonat fushore.

            PERGATITJA E PËRDORIMI: 2 luge kafeje me bimë të grimcuar hidhen në një enë ku shtohet një filxhan çaji me ujë që zien; ena mbulohet me kapak dhe lihet 15 minuta në qetësi; pastaj lëngu kullohet dhe pihet gjatë ditës; merren 2-3 doza të tilla në ditë.

            VETITË:

            - Shton oreksin

            - Fuqizon kanalin e tretjes

            - Lëngëzon gëlbazën në katarret e bronkeve

            - Përdoret në mjekimin e malaries

            - Nxit rrjedhjen e tëmthit

            - Ndikon në sistemin nervor

            - Përmirëson rrahjet e shpejta e të çrregullta të zemrës

            - Përdoret si koleretik e antidiarreik

            - Përdoret në rastet e mushkërive me gëlbazë

            - Përdoret në bronkite kronike e në kollë

            - Në rastet e mungesës së oreksit

            - Përdoret në dobësi të stomakut

            - Në sëmundje të mëlçisë dhe të fshikëzës së tëmthit

            - Kundër pezmatimeve për mjekimin e plagëve të qelbëzuara

            KAMOMILI

            Bima përbëhet nga lulesat-kaptina të kamomilit ose të maraqit, i cili është bimë barishtore njëvjeçare, e zakonshme kudo te zonat e ulëta të vendit tonë. Bima është shumë aromatike. Për çdo familje në vendin tonë, lulja e kamomilit është një nga medikamentet më të afërta dhe më të njohura.

            PËRGATITJA E PËRDORIMI: Një lugë supë me lule kamomili hidhet në një enë ku shtohet 1 gotë me ujë që valon; ena mbulohet me kapak dhe lihet 5-10 minuta duke e tundur herë pas here; lëngu kullohet dhe ëmbëlsohet sa më pak.

            VETITË:

            - Largon gazrat nga zorrët

            - Liron ngërçet (spazmat) e muskulaturës së butë të zorrëve dhe të stomakut

            - Qetëson dhembjet e organizmit, veçanërisht tek fëmijët

            - Përdoret kundër heqjes së barkut

            - Kundër pezmatimit të rrugëve urinare

            - Shton djersitjen

            - Qetëson në tërësi e ul ngacmueshmërinë e sistemit nervor qendror

            - Ndihmon në mjekimin e acarimeve të ndryshme të lëkurës dhe të mukozave, djegieve

            - Përdoret edhe për shpëlarjen e syve, veshëve, hundës dhe gojës – Përdoret për mjekimin e plagëve, majasëllit dhe djegieve

            - Shpejton proceset e rigjenerimit

            - Pakëson dhembjet

            KAFEJA (fara)

            Përbëhet nga farat e llojeve të ndryshme të kafesë. Sot si speciet tipike, ashtu dhe varietetet e ndryshme të kafesë, kultivohen në të gjitha vendet tropikale. Të gjitha llojet e bimës së kafesë janë shkurre ose drurë të vegjël, me blerim të përhershëm.

            PËRGATITJA E PËRDORIMI: Farat e kafesë përdoren të kaurdisura dhe të pluhurosura. Si rregull, pija e kafesë përgatitet duke zierë në një xhezve 1 luge me pluhur kafeje të kaurdisur (rreth 5 g) me 1 filxhan me ujë.

            VETITË:

            - Eksiton sistemin nervor qendror

            - Njihet si stimuluese psikike dhe muskulore

            - Aftëson trurin për punë mendore

            - Shton vëllimin e frymëmarrjes

            - Përmirëson ajrosjen e mushkërive

            - Fuqizon punën e zemrës dhe të gjithë muskulaturës së skeletit

            - Rrit aftësinë lëvizëse të stomakut

            - Rrit peristaltikën e zorrëve dhe dierezën

            - Nuk duhet përdorur në sëmundjen e hipertensionit

            - Shkakton rritje të qëndrueshme të presionit arterial

            - Nuk duhet përdorur nga të sëmurë neuropatikë

            HUDHRA (thelpinj)

            Përdoret koka (thelpinjtë) e hudhrës, e cila kultivohet në shkallë të gjerë në vendin tonë. Thelpinjtë e hudhrës përmbajnë fitoncide që përbëhen nga vajrat eterike dhe derivatet e sulfuruara (si alicinë, aliinë, etj), të cilat kanë veti të vrasin mikrobet ose të ndalojnë zhvillimin e tyre.

            PËRGATITJA E PËRDORIMI: Për mjekimin e sëmundjeve të ndryshme mund të përdoren disa thelpinj hudhra në ditë. Nga hudhra mund të përgatitet një alkoolaturë si vijon; merren 200 g hudhra, pastrohen, copëtohen dhe lihen të zhytura në 1 litër alkool 60° për 10 ditë rresht, duke e tundur here pas here. 20 deri 40 pika në sëmundjet e ndryshme të brendshme.

            VETITË:

            - përdoret në sëmundjet e aparatit tretës

            - qetëson spazmat (ngërçet) e zorrëve

            - dezinfekton aparatin tretës e

            - vret ose ndalon zhvillimin e mikrobeve patologjike

            - Ndihmon në normalizimin e prodhimit të lëngjeve tretëse

            - shton prodhimin e tëmthit

            - Përdoret kundër parazitëve të zorrëve

            - ndihmon në zhdukjen e gazeve

            - përdoret për uljen e tensionit

            - kundër sklerozës

            - përdoret kundër shtrëngimeve të zemrës

            - përdoret në sëmundje të aparatit të frymëmarrjes

            - përdoret për parandalimin e infeksionit

            - për mjekimin e plagëve të infektuara

            - rekomandohet si ndihmëse edhe në sëmundjet infektive, si kundër gripit, tifos, difterisë, dizenterisë edhe kollës së mirë

            - përdoret si kundërhelm në helmimet me nikotinë

            HITHRA (gjethe)

            Bima përbëhet nga gjethet e thara të hithrës, e cila është bimë barishtore shumëvjeçare, e zakonshme tek ne. Gjethet e hithrës përmbajnë karbonat, acid të amonit, taninë, acid formik, glukokinina, fitoncide, klorofil, karotina, vitaminë B2, A, C, etj.

            PËRGATITJA E PËRDORIMI:Një lugë supë me bimë të grimcuar zhytet në një gotë me ujë, zihet 5 minuta, pastaj çaji kullohet dhe pihet. Merren 1 deri 3 doza të tilla në ditë, të ëmbëlsuara sipas dëshirës me mjaltë ose sheqer.

            VETITË:

            - Përdoret për ndalimin e hemorragjisë

            - Kundër anemisë, si ndihmëse në sëmundjen e sheqerit

            - Nxit të urinimit

            - Nxit formimin dhe sekretimin e qumështit

            - Këshillohet si mjet diuretik i lehtë në edema

            - Në pezmatime të rrugëve të urinës

            - Në reumatizëm

            - Vepron në sëmundje të mëlçisë dhe të tëmthit

            - Njihet si bimë e pasur me shumë vitamina,

            - Përdoret për të fuqizuar dhe harmonizuar punën e zorrëve,

            - Përdoret në reumatizëm si mjet që nxit qarkullimin e gjakut në lëkurë

            - Përdoret për të nxitur rritjen e flokëve

            - Kundër zbokthit,

            - Për mjekimin e ekzemës

            HERNIARIA (bar)

            Bima përbëhet nga bari i lulëzuar i tharë i herniarieve, të cilat janë bimë barishtore një deri shumëvjeçare, që takohen tek ne në vende të thata, ranore e gurishtore, në fusha etj. Bima përmban saponinë, herniarinë, esencë, substanca flavonike etj.

            PËRGATITJA E PËRDORIMI: 2-3 lugë çaji me bimë të grimcuar hidhen në një enë ku shtohet një filxhan çaji me ujë që zien; përmbajtja lihet të qëndrojë 15 minuta duke e përzier herë pas here, pastaj kullohet dhe pihet; merren 2 doza të tilla në ditë.

            VETITË:

            - Ka veti dezinfektuese

            - Liron ngërçet (spazmat) e rrugëve të sipërme dhe të poshtme urinare

            - Këshillohet si mjet spazmolitik dhe antiseptik

            - Përdoret në pezmatimet e fshikëzës së urinës

            - Në rastet e gurëve dhe të rërës në rrugët urinare

            - Në krizat e veshkave

            - Në sëmundje kronike të veshkave

            - Në rastet e pakësimit të nxjerrjes së lëngjeve nga organizmi

            - Ka veti të qetësojë dhembjet

            GJUHËNUSJA (rrënjë)

            Bima përbëhet nga rrënjët e thara të gjuhënuses ose kalmuthit me gjemba, i cili është një shkurrëz me gjemba. Rrënja e gjuhënuses përmban saponina, heterozid flavonik, pak esencë, etj. të cilat i japin bimës veti kuruese.

            PËRGATITJA E PËRDORIMI: 20 g bimë e grimcuar zihen në 1 litër ujë deri sa të ngelë 1/4 e lëngut; çaji kullohet, ëmbëlsohet me mjaltë ose sheqer dhe pihet gjatë ditës.

            VETITË:

            - Nxit urinimin (diuretik)

            - Pakëson acarimet e rrugëve urinare

            - Përdoret në rastet e pezmatimit të fshikëzës së urinës

            - Përdoret në ciste

            - Përdoret në nefrite me gurë,

            - Përdoret në rastet me gurë në veshka ose në fshikëz

            - Përdoret në reumatizëm

            GJINESHTRA NGJYRUESE (bar)

            Bima përbëhet nga bar i lulëzuar dhe i tharë i gjineshtrës ngjyruese, e cila është një gjysmë shkurre, e shpeshtë tek ne nëpër pyje. Bima përmban glukozide flavonike, esencë, fanine, pigmente të ndryshme, si genisteinë e luteolinë, etj.

            PËRGATITJA E PËRDORIMI: 1 luge çaji me bimë të grimcuar hidhet në një enë ku shtohet 1 gotë çaji me ujë që zien; përmbajtja lihet në qetësi 15 minuta, pastaj lëngu kullohet; pihen 2 doza të tilla në ditë.

            VETITË:

            - Ka veti diuretike

            - Ndikon në sistemin e qarkullimit të gjakut

            - Ndikon në proceset metabolike

            - Këshillohet si diuretike dhe si dezinfektuese

            - Rrit qarkullimin e gjakut në veshka

            - Jep rezultate të mira në sëmundjet e rrugëve urinare

            - Në sëmundjet e veshkave

            - Këshillohet në edema

            - Këshillohet në pamjaftueshmëri të punës së zemrës

            GJETHE DELLI (gjethe dhe kallinj të frutifikuar)

            Bima përbëhet nga gjethet e thara të gjethedellit, të cilat janë bimë barishtore shumëvjeçare, të zakonshme në zona fushore. Gjethet e gjethedellit përmbajnë kryesisht substanca mucilagjinoze e pektinike.

            PËRGATITJA E PËRDORIMI: Një lugë supe me bimë të grimcuar hidhet në një enë ku shtohet një gotë me ujë; përmbajtja lihet 1 orë që të bymehet, pastaj zihet për 10-15 minuta, kullohet dhe çaji që fitohet pihet. Pihen dy tri gota në ditë. Nga jashtë përdoren më shpesh gjethet e njoma, të lara dhe të njomura për një ore me ujë të valuar, me të cilat përgatiten llapa për mjekime plagësh të ndryshme të lëkurës.

            VETITË:

            - Përdoren për të provokuar nxjerrjen e gëlbazës

            - Për të mjekuar katarret e rrugëve të frymëmarrjes

            - Bronkitin

            - Astmën

            - Mbyl1je plagësh të ndryshme

            - Mbyllin puçrra

            - Rekomandohet për gargarë në rastet e acarimit të bajameve

            - Për larjen e syve

            - Për mjekime plagësh të ndryshme të lëkurës

            - Për mjekimin e pezmatimit të veshkave

            - Në sëmundjen e prostatës

            GJEMBGOMARI (farë)

            Bima përbëhet prej farave të thara të gjembgomarit, i cili është bimë 1-ose 2 vjeçare e vendeve të papunuara të zonave fushore, e zakonshme tek ne. Farat përmbajnë një substance të hidhur, esencë, flavone dhe amina biogjene, si tiraminë, histaminë, libinë, etj.

            PËRGATITJA E PËRDORIMI: Bima mund të përdoret në forme pluhuri duke marrë 4-5 herë në ditë nga 1 luge çaji me fara të pluhurosura. Bima përdoret edhe në forme çaji që përgatitet kështu: 1 lugë çaji me fryte të copëtuara hidhen në një enë ku përvëlohen me gjysmë gote me ujë që zien; ena mbulohet me kapak dhe lihet në qetësi 15 minuta; lëngu kullohet dhe pihet; merren 2-3 doza të tilla në ditë.

            VETITË:

            - Ka veti të rrisë sasinë e tëmthit

            - Përmirësojnë punën e mëlçisë,

            - Ul temperaturën e lartë

            - Dobëson veprimin e simpatikut

            - Përdoren si koleretike, kolagoge dhe sedative në sëmundjen e të verdhit

            - Përdoret në sëmundje të mëlçisë e të fshikëzës së tëmthit

            - Përdoret në gurët e tëmthit, që shkaktojnë dhembje

            - Përdoret në pezmatime të mëlçisë dhe në cirrozë

            - Është e efektshme kundër të gjitha dëmtimeve parenkimatoze të mëlçisë

            - Përdoret për mjekimin e majasëllit

            - Përdoret në ngërçe të venave

            GJEMBARDHA (rrënjë)

            Bima përbëhet nga rrënjët e thara të gjembardhës, e cila është bimë njëvjeçare e rrallë në toka të thata ranore të zonave fushore të vendit tonë. Bima-rrënjë, në sajë të saponineve, esencës etj. përdoret si barishte me veti kuruese.

            PËRGATITJA E PËRDORIMI: 5 lugë gjelle me rrënjë të grimcuara hidhen në një enë të zinkuar ku zihen për 5-10 minuta, me 6 gota me ujë. Pastaj lëngu kullohet dhe pihet me gota gjatë ditës.

            VETITË:

            - Ka veti të rrisë të urinuarit

            - Këshillohet kundër rërës në rrugët urinare

            - Në disa sëmundje të lëkurës

            GJARPËR MJEKËSOR (bar)

            Bima përbëhet nga pjesa mbitokësore e tharë e fierit gjarpër mjekësor ose bar gjarprit, që takohet tek ne nëpër shkëmbinj dhe mure, kudo me pakicë. Bima që përmban taninë, acide organike, etj. Ajo përbëhet nga një tufë gjethesh heshtore, plot luspa nga poshtë dhe nëpër bishtat.

            PËRGATITJA E PËRDORIMI: 20 g bimë e grimcuar zihen për 30 minuta në një gotë me ujë në enë të mbyllur me kapak, lihen në qetësi 15 minuta dhe pastaj çaji që fitohet kullohet e pihet gjatë ditës i ëmbëlsuar (ose dhe i aromatizuar me pak esencë mendre ose anasoni).

            VETITË:

            - Ka veti qetësuese,

            - Ndihmon kundër kollës

            - Kundër acarimeve të rrugëve të frymëmarrjes

            - Kundër djersitjes

            - Nxit kryesisht urinimin tek të sëmurë që vuajnë nga mbajtja e vazhdueshme

            - Largon nga urina oksaletet dhe acidin oksalik

            GRUNAMADHI (bar e lule)

            Bima përbëhet nga pjesa mbitokësore e lulëzuar ose nga majat e lulëzuara, të thara, të grunamadhit ose të makthit, i cili është bimë barishtore një-ose dyvjeçare. Bari është i pasur në lëndë vepruese; ato përmbajnë substanca që kanë veprim të kundërt me atë të vitaminës K.

            PËRGATITJA E PËRDORIMI: 1 lugë çaji me bimë të grimcuar hidhen në një enë kushtohet 1 filxhan çaji me ujë që zien; përmbajtja lihet 15 minuta në qetësi, pastaj lëngu kullohet dhe pihet i ëmbëlsuar sipas dëshirës; gjatë ditës mund të pihen 2-3 doza të tilla, d.m.th. një sasi ë§aji që fitohet gjithsej nga 5 g bimë.

            VETITË:

            - Pengon mpiksjen e gjakut

            - Këshillohet si qetësues

            - Këshillohet si spazmolitik

            - Kundër pezmatimit dhe etheve

            - Rrit qëndrueshmërinë e enëve të gjakut

            - Rrit depërtueshmërinë e tyre

            - Përmirëson qarkullimin e gjakut në tru e në periferi

            - Përmirëson qarkullimin venoz

            - Qetëson, zbut dhe shëron plage të ndryshme

            - Përdoret në pezmatimet e syve

            - Për shpëlarjen e plagëve me qelb,

            - Përdoret si gargarë në xhinxhivitet, laringjitet

            GRAMI (rizoma)

            Bima përbëhet nga rizoma e tharë, e grimcuar e gramit zvarranik, i cili është bimë barishtore shumëvjeçare që takohet tek ne si bar i keq i kulturave bujqësore. Grami ka një rizomë zvarritëse, gjethe të sheshta 2-5 mm të gjera, përmban lucide dhe esenca.

            PËRGATITJA E PËRDORIMI: Një lugë supë me bimë të thërrmuar (5 g) futet në një enë ku shtohet një gotë me ujë (150-200 g) dhe zihet 10 minuta, pastaj ë§aji kullohet dhe pihet i ëmbëlsuar me sheqer ose mjaltë, sipas dëshirës. Gjatë ditës merren 2 ose 3 doza të tilla.

            VETITË:

            - Nxit urinimin

            - Ndihmon në veprimtarinë e veshkave

            - Përdoret si mjet që pastron organizmin

            - Këshillohet përdorimi në pezmatimin e pjesëve të poshtme të rrugëve urinare

            - Në reumatizëm

            - Në sëmundje të lëkurës

            - Ndihmon në mjekimin e hipertensionit arterial

            - Përdoret në sëmundjen e diabetit

            Fund

(1)