Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Salih BASHA

www.dija-hyjnore.ch

MAGJIA

(pjesa e dytë)

       Kallëpi astral apo fluidi elektromagnetik nuk është identik me Aurën. Kallëpi astral është vetëm si lidhëse midis trupit fizik dhe mendjes së trupit astral. Pra, kallëpi astral së bashku me trupat tjerë e ushqejnë trupin fizik. Çdo ndikim që i nënshtrohet trupit astral - eterik, automatikisht, njëjtë ndikon në trupin fizik

            Elementi ambinetal i Zjarrit rrjedh prej Akashës. Vetitë e elementit ambiental të zjarrit janë nxehtësia dhe burimi. Ky element i ka dy pole: polin pozitiv dhe atë negativ. Elementi ambiental i ujit ka dy pole: polin aktiv që ndërton, që jep jetë, që ushqen dhe që mban, si dhe elementin negativ të ngjashëm me zjarrin që shkatërron, që shpartallon, që tret dhe që ndanë. Përndryshe, principi i zjarrësisë, sipas ligjit të krijimit, nuk kishte ekzistuar sikur mos ta kishte polin kundërshtues, principin e ujit. Këto dy principe ambinetale, zjarri dhe uji, janë bazë prej të cilëve çdo send është krijuar. Principi ambinetal i ajrit është ndërmjetësues ndërmjet zjarrit dhe ujit. Elementi ambiental i ajrit është si një lloj mediumi që mban drejtpeshimin ndërmjet principeve kundërshtuese.

            Përmes ndikimit të përbashkët të zjarrit dhe të ujit, e tërë jeta ka marrë fuqinë e lëvizjes. Principi ka rol ndërmjetësues, që prej zjarrësisë e merr vetinë e thatësisë dhe nga uji e merr vetinë e lagështisë. Pa këto dy veti nuk do të paramendohej jeta. Këto dy veti, principit të ajrit i japin dy polaritete: pozitiven, që krijon jetën dhe atë negative, që të njëjtën jetë e shkatërron. Principi i ajrit nuk është element tërësisht i vërtetë.

            Ndërmjet ndikimit të këtyre tri elementeve është krijuar elementi i katërt - elementi ambiental i tokës, i cili në vete përfshin ato dy elementet ambientale tjera. Prej këtyre rrjedhim hapësira, masa, pesha dhe koha. Prej këtyre katër elementeve formohet magneti katër polar - katër ploariteti.

            Principi i dritës rrjedh prej elementit të zjarrësisë.

            Drita në vete përmban principin e zjarrësisë, për këtë ajo është e shndritshme, depërtuese dhe ekspansive. E kundërta e dritës është errësira. Errësira rrjedh prej principit të ujit, për këtë arsye ka veti kundërshtuese me dritën, pa errësirë nuk do të ekzistonte drita. Pra, drita dhe errësira kanë rrjedhur midis lojës së dy elementeve ambientale: të zjarrit dhe ujit. Për këtë arsye drita ka veti pozitive, kurse errësira - negative. Kjo lojë në mes, ndodh në të gjitha niveleve kozmike.

            Njeriu është fotografi e vërtetë e shfaqjes së Perëndisë; ai është formuar si formë e tërë universit. Çdo gjë që gjendet në makro-univers, gjithashtu në përmasa të zvogëluara, gjendet edhe tek njeriu. Mu për këtë arsye njeriu trajtohet si mikro-univers.

            Sipas hermetizmit, shëndeti i plotë i njeriut varet prej harmonizimit të plotë të elementeve ambientale kozmike. Shtrohet pyetja se ku mund të gjendet akasha te njeriu. Akasha gjendet te njeriu në gjak dhe në spermë. Ndikimi i gjakut dhe i spermës kanë mundësuar krijimin e jetës. P.sh. te elementi ambiental i zjarrit, kurrë të rritet te ne - në trupin tonë, atëherë reagojmë me etje - kemi etje. Në qoftë se mbisundon elementi ambiental i ujit, atëherë ne ndjejmë të ftohtë. Në qoftë se mbisundon elementi i tokës, atëherë ndjejmë lodhje. E kundërta, p.sh.  nëse trupi ynë ngopet me elementin ambiental të zjarrit, atëherë trupi ynë e ndjen nevojën e lëvizjes dhe të punës.

            Materia ka rrjedhur prej principit të akashës, e kjo ne na është e njohur si eter kozmik, dhe kjo varet prej principit të akashës, sepse akasha këtë e mban dhe e udhëheq. Duhet të sqarohet se në këtë princip kozmik mund të arrihet bartja e fluidit elektrik apo magnetik. Në këtë princip kozmik e kanë bazën përçuesit në largësi nëpërmjet eterit kozmik e këto janë: radiofonia, teknika e radarëve, telefonat pa përçues, telegrafia, televizioni etj. Këto veti magjistarët qysh moti i kanë njohur, për magjistarët këto principe dhe ligjshmëri janë  normale.

            Përmes vibrimeve të imta të elementeve kozmik ambientale, përmes fluidit elektrik dhe magnetik në realitet mendja dhe trupat tjerë si: trupi astral, trupi eterik, trupi emocional etj.  te njeriu kanë dalë prej akashës, sepse ajo punon në vibrime shumë të imta. Fluidin elektromagnetik të mendjes dhe të trupit astral magjistarët e vërtet e quajnë “kallapi Astral” apo “kanali i jetës”.

            Kallëpi astral apo fluidi elektromagnetik nuk është identik me Aurën. Kallëpi astral është vetëm si lidhëse midis trupit fizik dhe mendjes së trupit astral. Pra, kallëpi astral së bashku me trupat tjerë e ushqejnë trupin fizik. Çdo ndikim që i nënshtrohet trupit astral - eterik, automatikisht, njëjtë ndikon në trupin fizik. Mirëpo pa ndikimin e shpirtit tonë të pavdekshëm nuk do të ndikonte  as kallëpi astral e as trupat tjerë dhe as trupi fizik. Mirëpo, shpirti ynë absolut - Uni ynë i vërtetë, pa ndihmën e kallëpit astral dhe trupat tjerë së bashku me trupin fizik nuk do t’i kryente funksionet e veta në materie. Pra, kallëpi astral i ka të gjitha vetitë që i ka shpirti i njeriut - Uni i vërtet në ne.

            Kur çelet syri i tretë

            Si mund të vërehet trupi astral?

            Ai vërehet me ndërrimin e gjendjes psikike. Ata që e kanë të çelur të ashtuquajturin “Syri i tretë”, ata vërejnë në dy dimensione. Të dedikuarit e lart - qartpamësit dhe të shenjtit, ata udhëtojnë e shohin nëpër botra të ndryshme gati njëjtë sikurse që ne vërejmë në botën fizike. Vetëm se të kundruarit në botën tjetër nuk është i njëjtë sikurse të pamurit me dy sy të trupit. Të kundruarit në botra tjera bëhet me ndjenja, disi sikur do të kundronte në të tëra anët në të njëjtën kohë - në mënyrë sferike. I dedikuari i cili e ka këtë aftësi i vëren aurat e njerëzve, lexon mendjet e tyre, i identifikon sëmundjet e të tjerëve. Kemi parë nëpër kisha (ka edhe nëpër xhami por te ne nuk ka), vizatime të shenjtorëve ose të dedikuesve me aura rreth kokës ose trupit në formë të rrumbullakët, këto janë aura të shenjtërisë me ngjyrë ari. Këto vizatime të mesjetës nuk janë të rastësishme, sepse piktorët e lashtë kanë qenë okultistë ose spiritist.

            Shpeshherë niveli astral përshkruhet si dimension i katërt. Ky është gabim, sepse ai dimension nuk është i përbërë vetëm prej katër elementeve kozmike.

            Në nivel astral shihen rrezatimet e amshueshmërisë, amshueshmëri e cila nuk ka as fillim e as mbarim. Për këtë arsye akasha nuk njeh kufizime në kohë e hapësirë. I dedikuari - magjistari i shkolluar, i cili di si të gjendet në atë nivel, në atë hapësirë, mund të informohet për të kaluarën, të tashmen apo për të ardhmen. Shumë religjione, apo okulist ose spiritist, nivelin e astarlit e quajnë “Ana tjetër” ose “Ana pas vdekjes”.

            Vdekja nuk ekziston, ekziston vetëm ndërrimi i dimensioneve

            Të dedikuarit i është e qartë se nuk ekziston as kjo anë e as ajo anë dhe vdekja si vdekje, siç ne e kuptojmë, për të është plotësisht e huaj. Vdekja nuk ekziston, ekziston vetëm ndërrimi i dimensioneve. Në themelet e këtyre ligjshmërive i dedikuari nuk njeh frikë për vdekjen.

            Nëpërmjet të mbisundimit të elementeve ambientale, ai me vullnetin e vet e lëshon kur të dojë trupin e vet fizik. Për këtë arsye magjistari mund të shkoj në vendet më të largëta, ai mund të udhëtoj edhe në këtë nivel dhe më shumë se kjo. Ka shumë shënime se si shumë të shenjtë janë parë përnjëherë në dy vende dhe kanë vepruar me efikasit.

            Ç’kuptim ka parajsa dhe ferri për të dedikuarit?

            Për ndryshim, niveli astral ka shumë lloj banorësh. Në këtë nivel janë personat të cilët e kanë lëshuar trupin fizik - kanë përjetuar vdekje fizike (ka edhe presona që janë të gjallë dhe që i hulumtojnë këto nivele). Disa religjione këto, nën nivele, i quajnë si parajsë apo ferr. Këto emërtime për të dedikuarit janë vetëm thënie simbolike. Sa më e pastër është ndonjë qenie njerëzore, ajo ndalet në atë nivel të botës tjetër më të pastër në dimensionin më të hollë të astralit.

            Astrali ka edhe banorë tjerë. P.sh.: i ka të ashtuquajturit elementarë, e këta janë qenie që i kanë një, dy ose tri veti a vibrime të elementit ambiental. Këto janë qenie që i përshtatën vibrimeve të nivelit të ndërdijes, që qëndrojnë në të njëjtat vibrime që njeriut i janë karakteristike, të cilat njerëzit i krijojnë dhe i lëshojnë pavetëdijshëm në botën astrale, derisa janë të gjallë në Tokë.

            Në mesin e elementarve ka edhe të atillë që kanë arritur një shkallë të përsosmërisë mjaftë të lartë dhe këta elemetarë i shfrytëzojnë magjistarët e zi për qëllime vetjake. Pastaj, ka larva që i krijojnë magjistarët për magji të zezë. Këto larva nuk janë qenie të vërteta, ato kanë vetëm epshe dhe qëllime shtazarake; këto gjenden në shkallë më të ulët të astralit.

            Ka mundësi që këto qenie në mënyrë artificiale të formohen. Ka edhe qenie të tjera të astralit, që u takojnë katër elementeve ambientale kozmike. Në elementin ambiental të zjarrit këto qenie quhen “Salamanderite”; në elementin ambiental të ajrit quhen “Silfet”; në atë të ujit “Niksanet” dhe “Undinet”; kurse në elementin ambiental të tokës quhen “Gjugjmagjugjët” (shkurtabiqët). Këto qenie paraqesin lidhjen midis nivelit të astralit dhe tokës. Ekzistojnë edhe shumë qenie të tjera: satiret, zanat e malit, qeniet e ujit apo zanate ujit. Këto qenie, e shumë të tjera, ekzistojnë njëjtë si ekzistojnë njerëzit dhe qeniet tjera në Tokë - në botën fizike.

            Vazhdon...